豐收的一天

今次有禮，真的是喜出望外，

第一份是Cindy一張有薰衣草的聖旨，

內容大至上寫上不要介意咁囉？

 

介意什麼？

 

在家唔要的東西拿了給我，

她認為我有用才送給我的，

但……全是新的，

人棄我取，

我是不會介意的。

 

有什麼？

 

 

包裝袋有Cindy Logo的絲帶呀！

真係榮幸呀！擁有她的logo絲帶呀！

好開心，你唔送嘢比我，

只係一條絲帶都好開心架啦！

三年前托朋友買的一個木製的咸蛋超人月餅模，

將近中秋，她的心思當然想我做下月餅啦！

可惜，我唔係太喜歡月餅的我，

為了你，都會用下的。

唔知會唔會又放三年呢？

三年又三年！！！

呀……其實點解會是咸蛋超人架？？？？

包裝袋裡有咩？

是一個好特別的生日蠟燭台，

Cindy話用內付的一支香點着就會開花，

還有8支蠟燭散出如蓮花一樣，

中間亦會好似煙火咁喎！

咁特別，咁係咪要80大壽先用得呀？

不過可惜只能用一次的！

係喎！

80大壽相信人人都只有一次。

亦有一件是她早先買下的曲奇餅模，

好可愛，

之前都想買，

但實在太貴，

所以無買，

現在……哈！哈！多謝晒呀！

GG又出咩發寶，看包裝就知道幾靚啦！還以為GG咁有心思，包裝精美，原來都是人家包的，但亦無減她的成意，一張超靚的餐枱布，好靚，還有两面的，一定要用來放自己的作品來影相呀！Cindy眼都定晒，她一定都好喜歡定啦！還走時與我去GG買的店行行，可惜無貨。GG都講過唔係成日有呀！你一定記三年啦！哈……哈……哈！