與何帥奶 & Cream分手後，就向尖沙咀出發，因約她們3時30分，因之前傾過Smallcow想食日本嘢，我即時嘩然！8個月重可以食日本嘢！唔係掛，唔食得喎！Angel話她指定要食，哈……哈……諗着就她不食大肚婆不食得的東西，誰知她的選擇卻開正我個範，重可以用半價食到添，真係開心，當然Smallcow係無食過一碟魚生啦！因為她原來唔好食生嘢！第一次見Smallcow，重要係8個月身孕，感覺好特別，當然見到面又開正我的話題，大肚的經歷，我又响度扮好有經驗咁啦！哈……哈……
未食前，各人都拿出禮物，互相送禮，第一次食到高手Smallcow的曲奇真是幸福，而且包裝好靚，每两塊還有獨立包裝，還用機做到密口添，不會流氣，回家忍唔住食了一包啦！碎朱曲奇好好味呀！
每次同Angel出來見面，她的禮物真係會令人好開心、好驚喜，唔開心都會變得好開心，何況我唔係唔開心，咁我咪係更開心囉。哈……哈……
有咩，一張好有立體感的貼紙，我一定唔捨得用呀！高手出的曲奇，簡單的包裝都見到她的高貴，一定會與子曦爸分享，有3塊，崗崗一家3口，一人一塊，而我最喜歡的就是呢樽嘢！原本個樽我都好喜歡，但原來裡面係有嘢！咩嘢！嘩……係Angel自家製造的「香子蘭砂糖」呀！好正呀！一定唔捨得用呀！她的禮物真係天使所出，令人好快樂。
食物食得好過引(因半價)，連平日不食和牛的我，都忍唔住食了一件，因為是平日，時間亦好好，所以無咩人，地方好舒服，卡位之餘亦有回轉的邊位，想食就取，取不到又可以直接叫回轉的師父立即做，真和味呀！3人食了16碟，每人都係$80大圓咋！好底食呀！本身有點疲倦的我，一有聚會就好似义了電一樣，傾傾下原來已經5時了，要結賬了。
我們又向citysuper出發，買了一點東西，其他不講，就只講呢盒「宇治奶抺茶」，是Angel推介，好好飲，平時在吉之島賣$16，但一出就會無貨，而在citysuper賣緊$25，但都只有四盒，好！就買來嘗試下先。
而更加去了Angel平時會去買日本書的Tomato Books看看，多數都是日文書，她識我，我唔識她，但Angel話可以打開看看才決定買定唔買，而裡面的文字又真係不難看，估估吓都可以跟到來做，但我們3人要求開包裝袋看了又看，但都沒有買呀！哈……又係玩嘢呀！
開心的時間又過得好快，轉眼又是6時許，我們又要趕下場啦！
請大家密切留意『Auntie Goo 菇菇姐、Angel & Smallcow』晚飯飲嘢篇。
