星期五, 8月 31, 2007

☆朱古力奶凍☆

朱古力奶凍


為了個玻璃瓶而買了個焦糖布丁,


為了個玻璃瓶做了這個朱古力奶凍,


原先諗着做綠茶味的,


誰知一看,綠茶粉不足,


所以就轉用了朱古力粉代替,


一樣好味、一樣咁滑、一樣出色。






食譜要買書參考啦








我與曾淑儀、張繼聰在錄音室的一個鐘!




上香港電台第二台「萬王之王」做嘉賓,今日終於聽返重溫,聽自己把聲真係有些奇異呀!但又好熟悉,內容又好熟悉,其實都是自己把聲,重溫返後,感覺好自然,聽返自己的分享過程,原來都唔錯呀!幾好呀!係臨尾總結時,不知講咩,是旦就講左D無呢頭說話,真係臨尾香呀!


為免遲到,所以早了20分鐘,亦比節目開咪前40分鐘就到了,因是第二次來,所以登記一般手續都好順利,坐在大堂等Shirley出來接我,坐坐下,見到王書琪喎!原來他是下次的嘉賓主持呀!


後來Shirley要開咪,由Hide接我,到逹有點熟悉的錄音室,亦未開始,與Hide傾談湊仔經,其實都是令自己放鬆心情,免一出街就講錯嘢就唔好啦!


原來令次由Shirley控制大局,上次就由梁生,原來每一個主持都要學懂去控制呢部大型音響,我突然覺得Shirley好有型呀!


一開始,就拿着相機影些相片,雖然都來過,但上次沒有開blog,令次就不要放過影相的機會,要與你們分享,但亦是別人的地方,所以都不太放肆,只影了幾張就收手,當然,心裡其實好想影下錄音室的控制器,其他閃閃下的燈及每一角落,但都沒有時間咁做呀!因一開咪就不停講,心與腦都不停轉,一個話題接一個話題,有時想講長些,都被主席Shirley及張繼聰再開一個新的話題而接唔上,真係沒有時間接位及補充呀!不過原來張繼聰這位新任爸爸對湊仔真係抱着開心及興奮的心情,一講湊仔就可以不停地講,而且他真係好支持母乳,我都感到好難得在大氣電波分享母乳的益處,亦有這位公眾人物公開支持,真的令我好感安慰。


到了新聞時間,錄音室變得人來人住,有報導新聞的姐姐,亦有天氣,亦有財經,原來都出出入入,我為免防外他們,都走出門外另一個空間,我相信都是錄音室,相信亦是用來錄其他東西的,亦可在這個錄音室望到入面,所以亦可以留意他們的舉動,方便接位,在這個新聞時間與張繼聰傾了幾句,其實他做節目與他本人都一樣,一樣好傾、一樣聲線,還不停傾湊仔,感到他其實是一個好爸爸呀!


臨尾亦見到教整餸的大師父及王書琪及其他人在頭先個間錄音室裡面,我們都可互相對望,但因已經夠鐘了!亦沒有時間與他們接觸,亦因要接下一個環節,大家都好忙,只有Hide送我走了。


雖然今次只有我一個,亦不知道他們宣傳時以為是一班媽媽,但我感覺幾好呀!


多謝大家收聽呀!


如果想重溫,請你入去呀!


~~~重溫~~~
 


星期三, 8月 29, 2007

☆柚子薑密雪紡蛋糕☆~"萬王之王"伴手禮

柚子薑密雪紡蛋糕


 


上得香港電台「萬王之王」又點可以無手伴禮呢?


第一次無送,因唔係太熟,第二上得去,雖然都唔係太熟,


都想送親手做的蛋糕給他們,


因他們成日都要開咪,把聲都要好好保護,


所以今次就做了☆柚子薑密雪紡蛋糕☆,唔飲得都食得。


不過被「毒蛋糕」事件影響,唔熟真係唔好食人家的蛋糕,


諗了好耐,做唔做好呢?


喔……做咗先算啦!


 


溫馨提示:蛋白未用時,放在雪箱保持冷凍,或打時放在冰水中打發及打時加小許鹽會加速打起。


 


20cm模,因焙爐比預期細了,所以這份量用了17cm模的分量,以免烤焦。


如果想更詳細了解,可看熱情果雪紡蛋糕篇。





材料:


20cm焙模


17cm份量


蛋黃麵糊


蛋黃                        40g (2)


砂糖A                    10g


沙拉油                    40cc (我用了葵花籽油)


                            65cc


低筋麵粉                80g


                            1/8小匙


柚子薑密果醬        70g(如果太大粒,要先碎細)


君度酒                    1大匙


蛋白霜   


蛋白                        160g(4)


砂糖B                     20g


鹽小許


烘烤時間                40 預熱175C 烤溫170C



步驟:


1.      事前準備:將所有材料秤量好。準備一盆打發蛋白霜用的冰水。低筋麵粉加鹽過篩兩次備用。


2.      製作蛋黃麵糊:將蛋黃倒入攪拌盆中,一口氣將所有砂糖A,這時要千萬不能攪拌過頭。只要砂糖完全溶解就行了,別讓蛋黃的狀態過白或過度膨脹,攪拌至如圖的狀態即可。


3.      將沙拉油加入2 的蛋黃麵中拌勻,接著依序加入水、君度酒、果醬,仔細拌勻。


4.      一口氣將過篩的低筋麵粉倒入3 中,以打蛋器攪拌至沒有粉狀為止。像這樣稀稀的流動糊狀,不會過於濃稠正是雪紡蛋糕的秘訣所在。


5.      製作蛋白霜:將蛋白倒入乾淨的攪拌盆中,並使用乾淨的打蛋器,隔冰水,將砂糖B分三次加入打發,直到呈圓錐立起,但前端微微往下低垂的狀態即可。


6.      蛋白霜打發完後,立刻用打蛋器撈起一部份加入4中的蛋黃麵糊中調和。接著再撈一部份加入,換以膠刮刀攪拌。


7.      6的麵糊全部倒回剩餘的蛋白霜中,快速拌勻。


8.      完成:將麵糊迅速倒入模中,在卓上輕輕敲兩下,去除空氣,不要太用力,因返而會讓空氣跑進去。讓麵糊容易膨脹撐起來,拿膠刮刀將麵糊往模子邊面沾黏。膨脹效果更好。放入預熱175C烤箱;轉溫度170C,烤40分鐘。


9.      馬上放涼:用高身玻璃瓶口倒扣放涼,最好放一個晚上左右,讓蛋糕涼透。放到隔天的蛋糕質地會更加Q潤。


10. 用刀脫模法脫模。



將蛋糊材料拌勻



打起蛋白



分三次拌入











 


 


星期二, 8月 28, 2007

☆柑桔雪紡蛋糕☆

柑桔雪紡蛋糕


上次做派時還有這款果醬,用來食麵包好似唔係太好食,用來飲用又唔係大好飲,不如用來做個雪紡蛋糕啦!


真係好香的柑桔味,好鬆軟,我自己就食了好多件啦!


但今次跟食譜減了油的分量,用水代替,唔知可以與否,因之前看過書介紹,減少溶液的分量可以用水代替,當然油份是不能太少啦!亦要看看蛋黃糊的密度而決定的。要看看你的感覺啦!


溫馨提示:蛋白未用時,放在雪箱保持冷凍,或打時放在冰水中打發及打時加小許鹽會加速打起。


我用20cm模,因焙爐比預期細了,所以這份量用了17cm模的分量,以免烤焦。


如果想更詳細了解,可看熱情果雪紡蛋糕篇。



材料:


20cm焙模


17cm份量


蛋黃麵糊


蛋黃                40g (2)


砂糖A            10g


沙拉油            40cc (我用了葵花籽油)


                    60cc


低筋麵粉        80g


                    1/8小匙


柑桔果醬        60g


君度酒            1大匙


蛋白霜   


蛋白                160g(4)


砂糖B             20g


鹽小許


烘烤時間        40 預熱175C 烤溫170C





步驟:


1.      事前準備:將所有材料秤量好。準備一盆打發蛋白霜用的冰水。低筋麵粉加鹽過篩兩次備用。


2.      製作蛋黃麵糊:將蛋黃倒入攪拌盆中,一口氣將所有砂糖A,這時要千萬不能攪拌過頭。只要砂糖完全溶解就行了,別讓蛋黃的狀態過白或過度膨脹,攪拌至如圖的狀態即可。


3.      將沙拉油加入2 的蛋黃麵中拌勻,接著依序加入水、君度酒、果醬,仔細拌勻。


4.      一口氣將過篩的低筋麵粉倒入3 中,以打蛋器攪拌至沒有粉狀為止。像這樣稀稀的流動糊狀,不會過於濃稠正是雪紡蛋糕的秘訣所在。


5.      製作蛋白霜:將蛋白倒入乾淨的攪拌盆中,並使用乾淨的打蛋器,隔冰水,將砂糖B分三次加入打發,直到呈圓錐立起,但前端微微往下低垂的狀態即可。


6.      蛋白霜打發完後,立刻用打蛋器撈起一部份加入4中的蛋黃麵糊中調和。接著再撈一部份加入,換以膠刮刀攪拌。


7.      6的麵糊全部倒回剩餘的蛋白霜中,快速拌勻。


8.      完成:將麵糊迅速倒入模中,在卓上輕輕敲兩下,去除空氣,不要太用力,因返而會讓空氣跑進去。讓麵糊容易膨脹撐起來,拿膠刮刀將麵糊往模子邊面沾黏。膨脹效果更好。放入預熱175C烤箱;轉溫度170C,烤40分鐘。


9.      馬上放涼:用高身玻璃瓶口倒扣放涼,最好放一個晚上左右,讓蛋糕涼透。放到隔天的蛋糕質地會更加Q潤。


10. 用徒手脫模法脫模。
















 


星期一, 8月 27, 2007

“萬王之王”做嘉賓



有幸再有機會上香港電台第二台“萬王之王”做現場嘉賓,


係再次呀!


還記得第一次都是一年前了,


上年719日,


亦是與一班BLOG友一齊上去,


都係自己無奈寫了封FaxShirley


過了2日就收到亞Lu的電話,


相約幾時幾日到電台訪問,


當時還以為開玩笑,


心定了才知道係真的,


一個人都幾緊張呀!


後來與亞 Lu傾過,


話可以有5個人一齊都無問題,


這次就第一次與blog友一齊上電台接受訪問呀!


令次好唔同,


見唔到梁生,


會與張繼聰會面傾計,


亦是單槍匹馬,


話題、型式與上次一樣。


講咩,


大家留意下今個星期三500-700pm啦!


呢度呀!



http://www.rthk.org.hk/rthk/program_archive.cgi?progdir=radio2/kingofthekings&event_name=萬%20王%20之%20王

 

如果大家想知道主持係咩樣.....


入呢度看看呀!


梁奕倫Blog


 

自家原味薯片

早前在BLOG聚時收到柏琪 送給我的生日禮物,

就是這個微波爐薯片盒,

第一次做時,

好成功呀!

重好得添,

好脆,好有原來,

加小小鹽就好好食。

但當第二次用返咁架時間,

D薯片就燒焦了,

而且個盒有小小溶左呀!

點算呀!溶左呀!係咪太耐呀!係咪太熱呀!

係咪……唔可以再用呀!

柏琪 ,唔好意思呀!

整到……咁,

唔知重用唔用到呀!





恐怖的家屋意外

今日子曦起身仍在牀上,因早上好大風,他見到窗廉被風吹下吹下,他極度開心地拍打窗廉,當然我都是看着他,免他撞到個窗發生意外,但拍了幾下,子曦站着牀上腳失平衡,撞落了個大衣櫃上,“評”的一聲,唔係太大聲,但就見到衣櫃上的玻璃門撞擊而破裂了,我立刻抱着子曦,看看他的頭仔有沒有受傷,如果流血爆光就麻煩了,幸好,感謝天父,咩都無、血又無、傷又無、瘀傷亦無,我問子曦,你痛唔痛呀!他又話唔痛喎!

頭仔就係撞在中心點,都唔知點解咁容易就撞到裂咗!

我與子曦立刻祈禱,感謝天父看顧着子曦,每時每刻都與子曦同在,免受不必要的傷害。

之後子曦當然繼續玩啦!還懂得講 “裂”咗呀!

我話:你個頭係咪鐵頭呢架,

他還講“玻璃頭”,

我話:如果你個頭係玻璃頭,你就流血啦!

他回應:媽媽係玻璃頭。

真係無修呀!