子曦第一天返學LOOK

子曦第一天返學LOOK

想起要子曦接受學校的校服都要成個幾星期呀！

返學皮鞋更什，因它對新的東西，

特別是穿上身的，都要適應一段時間，

辛好！

返學當日就好順利，

但點解無左個書包架，只用了去街街個背包？

因為爸爸媽媽唔記得去開家長會囉！

你看你個返學LOOK幾大個仔，幾可愛，幾神氣！

後面嗰個係路人甲

夏日水果凍飲系列

夏日水果凍飲系列

 

夏天將會過去，秋天亦會將至，

呢款夏日水果凍飲是夏天當到時買回來的，

但遲遲未開封砌出來，

昨天終於開了，亦砌了，都幾靚喎！

朋友，看真D，好似架，連D顏色，做型都好像真的。

☆藍莓忌廉吉士派☆﹋﹏自創篇

☆藍莓忌廉吉士派☆﹋﹏自創篇

上次做☆Plum Pie李子派☆時還有派皮留下雪櫃內，崗好可以做到3個細派，所以今日要用了他啦！雪櫃亦有新鮮藍莓，但又不可就咁將藍莓放落個派皮度，唯有諗諗計，不如做個吉士都好喎，但家中亦沒有吉士粉，所以就找書有無教做吉士呢樣東東，原來都有喎！但好多都會落吉士粉，咁點呢？呀！不如將吉士粉轉用玉米粉咪得囉！我見有d醬都係落玉米粉的，我想，都可以的，就係咁，做了個忌廉吉士了。

自己當然第一個嘗試下呢個藍莓忌廉吉士派啦！藍莓好新鮮，忌廉吉士好滑，味道可甜些，其實還可加些檸檬汁，有小小酸酸地都幾好味呀！

溫馨提示：

1.      煮吉士混合物時要用細火，要小心快手及不停攪拌，因會好快稠的，亦會好容易煮焦。如果真係煮焦了，小心拿起表面的吉士，不要動到焦的部份。

2.   做起後快些食用，因派皮會受潮而無咁脆口啦！

 

材料：

甜麵團派皮(跟☆Plum Pie李子派☆的做法)

但焙的時間有些不同；

1.      用保鮮紙包好放入雪櫃下層雪1-2小時；

2.      拿出搓派皮放入模內，打一點孔；

3.      預熱180度；放入焙爐焙15-20分鐘至金黃色；

忌廉吉士

材料：

蛋黃                20g

砂糖                50g

玉米粉            15g(如有可用吉士粉)

牛奶                250g

無鹽牛油        20g

淡忌廉            70g

 

步驟：

1.      牛奶和牛油放入煲內煮熱；

2.      用手動打蛋器搌開蛋黃，分2-3次加入砂糖慢慢攪勻；

3.      加入玉米粉小心慢慢攪勻，(或可用小量凍牛奶先開了再加入)；

4.      加入煮熱的牛奶牛油，慢慢小小的加入及不停攪拌至混合；

5.      再將混合物用細火煮至濃稠，要不停攪拌，要快手，看着火及小心煮焦呀！

6.      以中速打起淡忌廉到七成企身；

7.      把淡忌廉加入混合物拌勻。備用。

組合：

1.      派皮脫膜放涼；

2.      放入忌廉吉士醬，像一個山仔；

3.      排好藍莓；

4.      搽上果膠，便可享用了。

送給囝囝的校園趣事

子曦由8月6日開始已經踏上人生的另一個階段了，第一次踏足校園，第一次沒有父母在身邊，與老師及同學仔一齊學習，第一天、第一天、第三天，第四天……除打3號風球沒有返學外，今天已經是第七天了，每天都愛哭的樣子要高老師抱着，眼睜睜的目送媽媽爸爸出校門，不過你轉眼就忘記了，在校園內四維走，因習慣高老師抱着，所以高老師走到邊，你就跟到邊，亦要高老師拖着你手仔。

今天接放學，看到你站着課室中間，用好渴望的眼神望着門口，看到同學仔的家長已經來接同學仔放學，點解媽媽還未來呢？有點眼濕濕的感覺，真叫我好想快一點踏出來抱着你呀！老師一叫子曦，你就眼望望，這一刻你就見到媽媽了，你那開心的面容，我這一刻都叫我不能忘記呀！其實媽媽已經見到你啦！你只是看不見呢！

老師講，你今天好叻喎，懂得叫，高老師；還叫高老師過來呢邊呀！老師還問我有沒有教你講，我話沒有呀！可能有提起過啦！因你看到好多你喜歡的車車呀！一不小心整親個額頭仔，有個高樓添！不過你沒有哭呀！見到老師都好細心幫你搽了油，連頭髮都有呀！好像臘了頭一樣，你個樣好好笑呀！去到校園門口，有一級樓級，你一不留神又扭到腳仔呀！立刻再站立時你好像軟腳蟹一樣，肯定好痛啦！但媽媽話要抱，你又話自己行，還跳下跳下咁！你已經無事了。

不過諗起昨天晚上你在麻麻到被到鐵閘夾親呀！足足哭了15分鐘，還好，你都肯食飯，不過有時都會忍忍作痛的叫着，好痛呀、好痛呀！你的表情真令人好笑呀！不過都好怕你又再瘀手趾公甲，又再退甲呀！今天見到沒有瘀出來喎！唔知明天會點呢？

 

☆Plum Pie李子派☆

☆Plum Pie李子派☆

家中李子已經熟透了，發出清香的味道，柔如白蘭花味道一樣，走近時真不禁想咬一口呀！其實買回來時，已經忍唔住食了幾個了，特意買來是想做一次李子派，但未有時間；昨日，從教會回家，子曦休息了，老公亦睡著，所以襯這段時間，做了這個甜點，但因派皮要雪，所以先做了，但唔知係咪太熱，個派皮拿出來都唔係太做到型，唯有一小小的放入模盆，慢慢砌出來，個派皮真係好棯呀！但都做到。

另要開李子，因又係太熟，不能用力整出種籽，只好用刀介幾個十字，用呢個除提子皮的工具才能去除中心的種籽呀！呢個工具又幾好用喎！

因李子開了會好快變色，所以要快手去做呀！

焙出來的李子派，真係好好食，雖然已是晚上12時了，我同老公都忍唔住要食返一件先瞓呀！好味呀！好好味呀！

 

 

材料

甜麵團派皮

1. 白砂糖                         100g

2. 牛油                              200g

3. 低筋麵粉                      150g(可用中筋麵粉)

4. 高筋麵粉                      150g(可用中筋麵粉)

5. 蛋                                   一隻

6. 鹽                                  小許

7. 香草籽(雲厘拿籽)        小許

8. 檸檬皮屑                       適量

 

步驟

1.      麵粉混合過篩；

2.      將麵粉放入盆內，中心留有洞穴，將所有材料放入，用手掌力度搓成麵團，不要搓得太耐，混合就可以了；

3.      用保鮮紙包好放入雪櫃下層雪1-2小時；

4.      拿出派皮搓成4mm，放入模盆內；

 

 

李子餡料

1.      熟加州李            4個

2.      杏挑醬(或橘子醬)  適量

3.      白砂糖                50g

 

步驟

1.      先將李子去種籽，切成中件件留用；

2.      派皮搽上果醬；

3.      排上李子後灑上砂糖；

4.      再將派皮邊包好；

5.      用180度焙40-60分鐘直至派皮金黃色；

6.      放涼後再搽上果醬便可享用了。

薯仔pizza@蕉糖蛋

11/08(六)有教會迦密團團友仔來我家聚會，每人要預備一種食物，想了又想，已經有一位是做了甜品了，所以我就要諗其他，早前，看過大少奶做了一個薯仔PIZZA，所以今次都想嘗試下呢款食物呀。

當我做薯仔絲時，因薯仔好快就變色，所以要快手調味後，加入低筋粉攪勻，先用小許油於窩裡煎一煎，後才加上其他食物，放入焙爐用210度焙20分鐘至芝士完全溶解。第一次做，都唔錯喎！又好好食，以後唔便一定要用麵粉底啦！快靚正呀！

 

後再做一個蕉糖蛋，亦是第一次做的，但因食譜與爐溫不附，所以用了一小時先凝固呀！但就好滑呀！但就甜咗小小，下次都係唔好將蕉糖放低啦，用小許糖放面再焙一焙好d！