星期一, 12月 31, 2007

PCM訪問出晒街啦!

自從得到PCM雜誌的記者在BLOG中留言,亦得到厚愛而訪問我後,子曦爸成日行報攤看看這本雜誌出了我的訪問未,記者之前講過會在聖誕節出的,但都沒有呀!我亦不作追問,出了會好開心,不出亦無咩問題的,但今早子曦爸放假,又行過報攤,看看雜誌,今日終於出咗街啦!


本來這本雜誌出版日是01/1/2008(嘩!這個日子好有紀念價值呀!),但今天一早就買到了,而且重要係『珍藏版,我還未看到,子曦爸話在第二冊中的第26頁,重要是左右两大篇幅添!


我未看都好緊張,唔知咁多人看到我個真面目會係點呢?如果大家想看看我的貓樣或內容的報導,你們自己買本看看啦!哈……哈……哈……



 



星期六, 12月 29, 2007

上半場

十二月廿七日星期四下午


Diana一樣的主題,因為實在太貼切了,Diana的回來必定與她相會,加上Cindy的笑容,又點可以3缺一呀!


本身子曦爸放假想大家去下街,但我這重情的人,我終於選擇了朋友呀!哈……哈……子曦爸卻是體諒,底我咁愛他呢!


我們相約了Cindy最愛的Red Stone』,美味的食物,地方舒服,人又稀少,面對落地玻璃,真的好寫意,Cindy一早就到了,以為懂路的我,原來大家都會錯意,得Cindy在電話中引路先可以遲15分鐘,如果唔係可能重遲呀!不過原來又有人重大頭蝦過我,記錯時間,哈……Diana,你都係唔好看電視看到天光啦!好容易未老先衰架,哈……哈……(YY 你都有遲到喎!重笑人。)



我們由145分開始傾計,215Diana亦到了,不見一段時間,大家都無咩變,變的是心情,不像當初相識時,有點陌生,而家無論傾什麼話題都好容易投入,就好像老朋友見面一樣,我真的好真惜這份情,主內的情,無咩可以相比了。


今次我帶了子曦爸的D80,因我部機未义完電,唯有惜用啦!經子曦爸的教路,大擔的帶出來,不過不懂相機的我,全部都係用Auto咋,哈……,不過又真係幾靚喎!



我們的食物,有前菜,有主菜,愛甜品的我們又點可以唔食甜品呀!



還有下半場』,大家密切留意誰是下半場的主角啦!


星期五, 12月 28, 2007

同你做冬

十二月廿一日,一家人相聚最齊人莫過於做冬了,我們訂了陶源酒家,因中國人做冬大過年,所以好多食店都一早訂滿,而且只有定晒的套餐,最平都要仟幾,而且這間又是出名食貴嘢,大家都有心理預備了。


果然,套餐重平過自己點菜,所以我們都只好選餐了,店舖可能位於觀塘工廠區,所以都不太滿客,我們由8時食到10時左右,由全場爆滿坐到只有數枱客,想起一家人相聚真是美事,咁多年都齊齊整整,今年重多了一個弟媳添,真係開心。


我們點了個套餐,味道都幾好,但價錢就貴了少少,不過做冬係咁架啦!多謝$4,268,加咗一架啦!


不過當食到個煲翅時真係有點心痛,想像一條鯊魚被人切了條鯨就唔要,抛了落海自生自滅時,就唔係太忍心了。



大紅乳豬全體



千島玉龍卷



碧綠帶子珊瑚蚌



瑤柱竹笙鴛鴦蔬


宮廷雞煲翅



清蒸海星斑



翡翠鮑甫伴金錢


金蒜脆皮雞



飄香荷葉飯



嶺南美點



鮮菓拼盆



星期四, 12月 27, 2007

★白朱古力榛子蛋糕★

聖誕節教會忙過不停,真係無咩時間上blog,要等各樣事情回復正常才能再上,亦在此多謝各位的聖誕祝賀及相片,真係好靚及好有心,不能每一個都回覆,但都全部看了,多謝你們呀!


 


聖誕前夕,約了家人做冬,所以亦做了這個白朱古力榛子蛋糕應下節,不過有點可借,不是個個都喜歡白朱古力呀!但都有家人是欣賞的,亦不過不失呀!


溫馨提示:


1.      我用了馬麗餅做餅底,但牛油就由30g轉為35g


 


我跟的食譜


 


 


http://www.rthk.org.hk/elearning/dessert/cake.htm


大家有興趣就跟來做下,這個綱都好好,有短片示範架,好容易,好易跟的。


 





星期二, 12月 18, 2007

索罟灣@『美味海鮮宴』

到逹索罟灣,感覺就好像西貢一樣,不過就無咁大,無市區,只有沿海建築物及商店、海鮮酒家,還有小型魚排,一個好寧靜的魚港,感覺就只是到此食一餐,行一會就會離開的地方,要玩的地方不過,但亦可以比$20去海岸不遠的魚排參觀,我們5時半先到遠,子曦爸的同事早到就出了去,但就勁大風,參觀的都是與海洋生物有關的東西


我們在索罟灣行了一次都不用10分鐘,坐下食了杯雪糕,當然最想食就是子曦啦!不過他講不是好凍,而係好酸呀,我食一口,真係幾酸喎!



見到有個婆婆賣花生批及椰子批,買來嘗試下,$106個,一點都不好吃,不過都幫襯下啦!



他們一早訂定了這間天虹海鮮酒家,呢間係最大,有幾間分店都是同一條街,你話,10分鐘的沿岸都有幾間,你話大唔大型呀!不過都有不同酒家的,提提大家,好多都有免費船坐返中環及尖沙咀,都幾方便。



我們有10個大人,1個子曦,叫了一個套餐。全部都好新鮮,好好味,價錢過得去,10款連生果,多謝$19xx(包船票)



當食到生果,子曦最愛的火龍果,一食就食了四件,係全部的份量,你話他大食,唔係,因為食飯就唔多,你看子曦食到幾好笑,食到個面都有酒窩,哈……哈……呢張相真係好可愛。


各位姊姊哥哥我靚唔靚呀!



我們食6時半,坐755分船出中環,在船上初期子曦都好地地,食了两塊餅乾後就有小許扭計,又要抱,轉來轉去,還以為他又眼瞓添,誰知落了船,想與他去IFC洗手間,坐升降機時竟然嘔吐,在升降機的其中一位女士送上紙巾,但子曦已經全身都是嘔吐物了,幸好外套無事,但子曦一點都不怕,重講:「我對鞋好污Jo呀!」但其實無咩污Jo,不過都扮下嘢幫他抺下咁啦!


在升降機嘔吐,部升降機都不停上落,無人願意入來了,但我們有責任要清理返,唔會就咁一走了之,嘩……子曦爸好嘢!清理到好似無發生過位何事一樣,而子曦亦是,嘔完之後成日人醒返晒,重跑來跑去添,真無修呀!不過一心經營的海鮮餐就嘔返晒出來啦!


想起子曦可能暈船浪呀!感恩幸好落了船先嘔,如果在船上或在我身上就煩啦!


各位唔好意思,原先係一餐美味的海鮮餐,最後都被子曦………打破了。