Hallelujah @YY Cake Blog: 2007-09-30

星期六, 10月 06, 2007

☆煙韌胚芽紅莓曲奇☆

自從食過Mrs. Field’s Cookies 後，念念不忘它的煙韌，找好多食譜去嘗試做呢種口感，上星期終於用了以下食譜，做了這個人人都話無十足都有八成似的☆煙韌胚芽紅莓曲奇☆啦！那了給生日會的朋友，點知……一秒鐘，比你掃晒落袋了，不但又食又“nic”呀！重叫我比我食譜她，話要做喎！你知啦！比你啦！自己看下啦！

溫馨提示：時間一定要控制得好，12分是最適合，太耐就不煙韌了，而變得脆口啦！

可做25塊

材料 :

牛油                113.5 g (放室溫放軟)
粗粒黃糖        113.5 g (可用幼黃糖)
白糖                113.5g
雞蛋                1 隻(稍為打散)

雲呢拿油 1/2茶匙

鹽                    1/4茶匙
梳打粉            1/2茶匙
發粉                1/2茶匙(泡打粉)

低筋麵粉        227 g
胚芽                50-60ml
紅莓                100g

做法 :
1. 預熱焗爐190度，烤盤舖上牛油紙；
2. 把鹽、梳打粉、發粉、低筋麵粉同篩好備用；
3. 用電動打蛋器把牛油、黃糖、砂糖打至軟狀；
4. 蛋分2次加入(3)內，每次加入都要打勻，及加入雲呢拿油打勻；

5. 將已篩好的粉類加入(4)中，用膠刮刀攪勻至順滑；
6. 加胚芽及紅莓；
7. 將大約1湯匙的拌料放在預備好的烤盤，給它們空間擴張，用匙稍壓平，烤12 – 13分鐘或稍焦黃色並熟透，移到架上待冷卻。

星期五, 10月 05, 2007

一知道就立刻買了這本雜誌，$10又唔貴，還有3本咁多，要儲兩期印花再加$18先有得換，唯有等多一星期啦！不過換購限期還有排先到，應該換到的，所以都唔係太緊張沒有印花，唔會好似上次換麵包機咁興奮及緊張；呀！呢本書又真係幾底換，內裡的甜品多元化，好多都好出色的，有時間都要學一學呀！而且發現，你想有5星級大師父教路及一齊做餅，只要你做一款好吸引人，別人看了一定好想食的甜點而與甜點影一張相，寄給U Magazine，就有機會有5星級大師父教路一齊學餅啦！好似日期係10月6日截止了，唉……原來自己從來沒有與自己心愛的甜品影過相呀！而且還有1天，邊有可能咁快做一款吸引人的甜品呀！而且重要寄出，都係得過很字啦！

個頭就失手！

昨天亦人生中未做過的一件事，就是無啦啦想去剪頭髮，又想嘗試下個D用10分鐘剪一個頭個D，就係咁！去咗『QB house』話有成40間分店喎！真係好快手！剪剪下又好多人等，所以個師父又重快，好似剪草咁！心諗！今次入錯來啦！都唔知剪成點！一路剪，一路唔係呀！咁都得，剪成咁！好心痛，剪咗好多頭髮，而且無洗頭，個頭好似癲婆咁！點知剪完還送返把梳比你留念，都唔知好 “Lau”定好笑；看見自己個樣都好無奈，都唔知點，幸好就是在屋企附近，唯有9秒9返屋企洗個頭，如果剪得唔好，唯有再比貴小小都要再剪過啦！點知洗完頭，吹好！又係唔錯喎！都可以接受啦！不過下次都係唔好啦！男人就無問題架。

星期二, 10月 02, 2007

新歡新成員~~麵包機

新歡『麵包機』

今年中秋月亮特別圓，因為家中多佐一個新成員！

想了好耐，好想買部麵包機，成日去電器店都看家電，麵包機一定必看，但價錢又唔平，所以都無諗。

亦本來沒有想過會換到麵包機，因從開始換印花時到現在都沒有買過任何東西有印花，一個都無，要成10個，點買呀！所以無計劃過，但子曦又無晒片片，以往買奶粉及尿片係無印花，但今次老公買片片時，竟然有印花喎，重係雙倍印花，一日有8個呀！嘩……超開心，後來第二日買了$100東西就有齊10啦！就在停發印花呢日，積係中秋節當日加多$389(50%折扣)換了這個麵包機。不過我有現金卷，現金卷係9折買來的，所以麵包機重有9折呀！哈...哈....

老公同子曦都好興奮呀！子曦都要看看呀！老公第一時間就看說明書，看看點用呀。

第二日就做了一個1000的白麵包，嘩好正，好方便，重可以做500同750的麵包添，有12種功能，有快速的，有慢速的，而且亦可以只做麵團，用來做pizza皮添，還有……還有……可以做果漿架，重可以當煲咁用來煮嘢食添，哈……哈……係咪好正呢？重有專用的量杯及量匙呀！呢個量杯及量匙同$8xx嗰個麵包機係一樣架！

未換的朋友，快手d啦！到10月4日就停換啦！當然要想辦法找印花啦！