星期五, 6月 29, 2007

明天弟弟大喜喜日子呀!!

明天弟弟結婚

又加上假期,可能幾日都不能入來呀

請見諒

有回應要返來先答到你哋呀


相片從綱上取得  謝謝提供者


 

 


草莓乳酪蛋糕strawberry yogurt cake



草莓乳酪蛋糕strawberry yogurt cake


家中還有两個早前做了的草莓巴伐利亞奶凍strawberry bavarois,肚子裡沒有空間容納她,加上她的甜度不是每一個肚子都承受到,所以留到現在,為要處理她,另她容易入口,所以將她大變身,將草莓巴伐利亞奶凍strawberry bavarois變為草莓乳酪蛋糕strawberry yogurt cake。


令次會嘗試用一個新的方法做餅底,不用海綿蛋糕,不用消化餅底,用的是第一次做的蛋白酥餅(達垮司Dacquoise),沒有加入牛油,成份及做法如Macarons馬卡龍但就一次過焅烤出來的,都好香口及酥軟,真係一流的餅底。


這款蛋糕真係好好味,不但沒有失去草莓的味道,加上餅底的甜度與乳酪的酸味好合拍呀!果然無做錯呀!老公的家姐講,好有外出買的水準呀!哈…哈…是但又交貨啦,好開心。


不過因在不好的天氣下拍的相片不太完美呀,美中不足!



蛋白酥油(達垮司Dacquoise)


A.     杏仁粉        90g


糖粉            110g


低筋麵粉    20g


B.     蛋白            110g


細砂糖              80g


                小許


白蘭地  小許(完成後掃餅底用)



1.      先將A混合過篩備用。


2.      將蛋白加入鹽打玉起泡後,砂糖2-3次加入打至企身;


3.      A的粉類加入蛋白霜裡,用膠刮刀混合,混合時要迅速地從攪拌盆中央往邊線舀起般地混合,注意不要結塊;


4.      放入烤盤上,放入預熱200。C焅爐烘烤15-20分鐘;


5.      放涼後介開一個個圓底備用。












草莓乳酪蛋糕


材料:


2杯草莓奶凍


忌廉                150g


乳酪                150g


魚膠粉            2.5g(用凍水開了加入微波爐叮10秒)


 


1.      先將效早前的草莓奶凍坐放最細火爐上坐溶。放涼留用;


2.      將乳酪加入已放涼的草莓奶凍中拌勻;


3.      忌廉打至8分加入乳酪中,再加入魚膠水,放入已經預備好的模子中放入雪櫃中冰凍。


4.      裝飾:用果膠加入小許果汁,放在蛋糕面上,加入草莓。









星期三, 6月 27, 2007

子曦又受傷了!!!

昨天晚上,子曦睡著了,幫他剪手趾甲時,發現他其中一隻手趾甲黑咗,

問老公,他看完講瘀黑咗,我話唔係喎,應該係插到刺喎!!!

老公話插到刺會好痛喎!!

見他又無咩事,無大叫,

我又話,點解會瘀咗,老公話唔知道,

但我見有D刺未插晒,就算係瘀都無理由係一條長條嫁,

在夢中的子曦,知道我們在討論他的趾甲,

就好似上次腳趾公咁,縮下縮咁,唔係好想我撞他呀!!!

一定係好痛啦!!!!!

今早我問子曦,隻手趾公做咩黑黑嫁,

他講,將椅囉,唉...唉...(加上手勢,想話你知撞到將椅到囉!)

再看真D,原來真係插到刺呀!!

要同他拔掉先得,好難才同他合作,

影底D證據比老公看看先,

又話瘀咗,你看幾大條刺.

一集手仔插入咁大條刺,應該真係好痛啦!!!



香蕉鬆榚banana muffins


香蕉鬆榚banana muffins


上次做了香蕉蛋糕,但因沒有做到防預措施,令到香蕉片黑晒,得到 MC 提醒,今次就再嘗試一下,先用香蕉片貼上砂糖,才放入焅爐,果然,香蕉今次無黑晒啦!還好靚添。成功咗!


這個食譜不用牛油,因上次與Bottle交流時提過可用菜油做鬆餅,所以今次找到個食譜係用橄欖油的,不用牛油會比效健康,而利用蛋白的分量,令到蛋糕會鬆些,所以不用泡打粉。


不過今次做時不小心,一隻蛋白用咗一隻蛋黃,出來的效果不如理想咁鬆,而且檸檬汁我跟食譜,但感覺多了,可以用1/4個檸檬汁都可以了。


 



用具:6個紙杯


材料:


香蕉                1(120g)


檸檬汁            1/2(太酸了,可改用1/4)


蘭姆酒            1大匙


                    1


蛋白                1


砂糖                40g


橄欖油            1大匙


低筋麵粉        60g


                    小許


預備:

1.      低筋麵粉與鹽過篩備用


2.      香蕉用义壓成茸,立刻加入檸檬汁及蘭姆酒   




步驟:


1.      先將蛋及蛋白加入砂糖打至變白;


2.      加入橄欖油拌勻後再加香蕉茸拌勻;


3.      將麵粉篩入香蕉糊中,用膠刮輕手攪拌。


4.      放入模中再放入預熱焅爐中,180C20分鐘。







 


星期一, 6月 25, 2007

從綱上集體訂購的Papillio涼鞋終於到手啦!!!


從綱上集體訂購,只要十對就可以啦!!!


但實際她們唔知訂咗幾多對呢???可能超過十對都未定呀!!!


我訂了這對,是新款呀!!!只係$369.


出面賣幾錢????我都唔知,但只知係平好多啦!!!


多謝小慧同亞Ring呀!!!


子曦好叻,在街上第一次要求去厠所呀!!!


昨天,與子曦,老公及大佬,姊姊及妹妹去街街,

玩玩下,子曦要求要去厠所尿尿呀!!

他還穿著片片,他又再講要去便便喎!!

所以第一時間未意會到,所以沒有理他,

但見他成日用手拿吓拿吓,就知道他真係想去尿尿啦!!!

到了厠所,真係要去,還好自然添,好開心呀!!子曦可以自己要求,

第時返學就無又怕啦!!!

奶奶的教導果然無白費心機呀!!!奶奶你係得嫁.