本來是想用印花換個焙爐，所以問定了Godma取了換購印花，但崗好Kenwood開倉，今日就抱着看看的心態，有沒有心水的焙爐，看了又看，嘩…好多款的焙壚及電器，焙爐由$1xx、$200、$400、$990及$1200都有，而且其他都重好平，點知就看中一個，而且是全場最貴的一個呀！原價$21XX，而家就只係$1200，雖然是陳列品，但勝在是made in Italy。還買了一個$200的細暖爐。 大家如有興趣，可以到這裡看看。但只有今天及星期一的日子，時間由2:00-6:00。 http://hk.myblog.yahoo.com/kitchen-blog/article?mid=4916 不過崗崗試爐時發現個時間顯示燈唔着喎……唔通又要拿返去換。
你看，原先舊的與新的有幾大分別，原先個部就細小小，
無咁高，可以放在微弱爐上面。
想了一會，經過一番內心的爭鬥，終於鼓起勇氣再徒手拿回去，大家都想像到，崗崗两個笨大人徒手由長沙彎徒手帶了個又重又大件的焙爐回家，而家又要徒手拿回去是要用幾多的勇氣呢？當然，有部手推車會好一點，但家中真的沒有這家伙，唯有再坐港鐵到觀塘公司再取了一部手推，轉送它回去，真係方便好多，如果唔係，徒手拿去，又要徒手取回一部新的，你話係咪好得人驚呀！
回到貨倉，與售貨員傾談部爐的情況，點知得來的答案是……
售貨員：「這款爐係咁架，你開了一會個顯示燈係會自動關了，不會長開。」
子曦爸：「唔係喎！原先就著，後來唔著，我還等了一會再開囉喎！我嘗試過3次都唔著喎！」
售貨員：「你初開的時間，一會兒係會關的，你再開就要再開大一點熱力先會再著架。」他嘗試給我們看，而……又係喎！
我就講啦：「我好辛苦由西貢區拿回來換架，你不如開多一部比我看看係咪真架，唔該你呀！比我看多一部啦！我都係有啲擔心呀！」
售貨員：「不如你問下經理啦！看看他比唔比多一部你再看啦！」
我就講啦：「好呀！邊個係呀！……經理經理，我咁咁咁…由西貢區搬返來換架，頭先重徒手搬返屋企，重特登找部車仔再搬返來，你可唔可以幫我換架。」
經理講：「西貢，我都係西貢，你西貢邊到呀！」
我就講啦：「我係西貢區呀！我係xxx囉！」
經理講：「又話西貢，你一個人徒手呀！」
我就講啦：「唔係……两個囉！」
經理講：「又話得你！」我邊有咁話咋……
我就講啦：「唔該你啦！而且部機重有小小凹咗添！重有呀！個焙內裡制位內的發泡膠有啲爛呀！」
經理講： 「咁你都看到，唔係掛！」我指給他看「好啦好啦！開多部比你看啦！」
第一部， 一看，個玻璃門角又係爛了，雖然係小小，但都係爛，而且一開立即有煙出。雖然我在家嘗試時都有小小煙，但都唔會咁勁，他們講，新機係咁，但係度玻璃門好多油漬，所以又叫他開多部。
第二部， 又看，一開，全個都係新，一啲包裝都沒有拆過，子曦爸心想，今次係呢部啦！咁新，還有說明書添。(我個部無架，要他們寄返比我)，但再看真啲，個門框角位两邊都花晒，花得好勁，就算係新，你可能都唔會接受，所以真係揀唔落手。
經理講+售貨員：「如果真係揀唔到，唯有退錢給你們架啦！唔會再開，而且部部都有啲問題，其實你呢部已經好小問題啦！」
我就講啦：「內裡的發泡膠爛咗真係無問題！」
售貨員：「無架，放心！放心！」
看真啲，又係架，咁平，而且又係陳列品，總有啲問題，唔接受都無計，而且心態上，唔換過，唔看過其他，你又唔知自己個部都唔係好差。都叫自己死心啦！終於將部無換過的焙爐又搬返屋企，回到家中已經是6時了，由下午1時多，玩到6時，重要放好它。如果無子曦爸，我真係唔掂呀！
這個微波爐上面就是放我部舊爐的，
而家新的就放唔到，因為大部好多，又重呀！
放在微弱爐下面枱位又唔够長，個洗碗盆大了2mm，隻腳放不平。
放在雪櫃旁幾好喎！
不過就好似浪費了好多位，
而且好似看不習慣，但都放好了。算啦！
本來由子曦爸到奶奶到接子曦，他話行到有啲陰影，所以這個重任就由我負責啦！
與子曦回來瞓的時候，想了又想，放這裡真係好煩，浪費了好多地方，點解唔張個焙放在微弱爐下而打撗放可以嗎？起身量一量，而……可以喎！就係咁，放在這裡啦！
Fit晒！
