星期六, 3月 01, 2008

放假食食食@都會海逸自助餐

難得子曦爸週四放假,一早訂定了食自助餐,因為上次食過一次下午茶自助餐,所以今次再食,但就只得午餐時段,都好,可以由下午1200-230,慢慢食,又不用因為有下午時段而立即離開,所以就坐到够了,這天天氣好好,坐的位置都是靠窗位,因為窗簾壞了,所以陽光好好,但又不直接晒到我們身上,所以影出來的相都特別好呢……


嘩……今次重食得好多好多好多嘢!生豪好新鮮,甜品好好味呀!而且食物好多選舉,有好多都沒有品嚐到呀!




在此多謝cindy的幫忙呀


原價每位$198(未加一)


而家两位都係$237.2(已加一)


星期五, 2月 29, 2008

☆法國鄉村麵包☆―酸味酵頭

法國鄉村麵包酸味酵頭


想做一次法國麵包,外脆內軟,有口感的感覺,終於做到啦!出爐放涼後,忍不住食了半個了,好味!好軟身!



材料:20cmX7cm


乾快速酵母    1/2茶匙


                    87.5g


酸味酵頭        125g


麥麵粉            35g


高筋麵粉        152.5g


                    1/2茶匙


紅莓                50g(最後加上)可以不落。



預備工作:


1.      家中沒有專用的做型籃,慳家的我唯有借用這個"筲箕"作第二次發烤工具,之前要搽些粉才可便用,你看!效果都過得去啦!


2.      如果你們搓好的麵糰要用28℃的熱力幫助下作第一次發酵,但又沒有麵包機或焙爐預熱發酵幫助時,你可以用焙爐幫助,你先預熱焙爐約100度,最好用溫度計測試下爐頂的溫度,然後爐頂放上一個金屬架,再將包好的麵糰放在上面作第一次發酵。這樣就能有溫度幫助快些發酵了。


步驟:


1.      將水放入盆中,撒上乾快速酵母靜止5分鐘,加入其他材料(除紅莓),用手拌勻搓成有彈性及起根有薄膜的麵糰。(我用麵包機混合的,亦可用電動打蛋器搓)


2.      完成後加入紅莓,搓至混合;


3.      用保鮮紙包好放在28℃作第一次發酵約40分鐘至两倍大;(我用麵包機,所以有熱力幫助發酵)。★看溫馨提示。


4.      拿出排氣搓圓後再放入模中做型,加上毛巾蓋着,放在室温下再發酵至八成後。


5.      退模,用剪刀介十字型;


6.      入爐160°焙1小時(因為麵包發脹後太貼焙爐頂上的發熱線,所以焙時關了上發熱線)


7.      立即放涼。



星期四, 2月 28, 2008

有幾好玩呀!

玩咩呀!好玩咩!

 


玩腳趾……


子曦愛玩車仔、波仔、愛跳來跳去………重愛玩腳趾添……


 


你看,子曦幾投入……




唔好影啦!


 


我彩……你影呀啦!臭死你……死未………哈…哈……(媽媽作架!)



星期三, 2月 27, 2008

☆甜薯芝士條☆

甜薯芝士條


好耐無做芝士餅,今次來個甜薯,曾經做過一次用南瓜,非常出色的好味,今次就轉用了甜薯,配上一杯抺奶奶茶,嘩……真係食到口不停,作為一個靚靚的下午茶,真係人生一大樂事呀!


今次這大大盒的甜薯芝士條贈送了給子曦爸公司的同事呀!我時不時都整些甜點給他們呀!都有24人受惠呢!所以不會整了太多無人食呀!哈……哈……


這杯抺茶奶茶我一次過飲了两杯呀!雖然並不平宜,但勝在得了我心呢……















材料:


尺寸8X12寸長方盆一個 


6寸脫底蛋糕模


 


※餅底


消化餅底       


牛油               


※餡料


忌廉芝士       


砂糖               


黃糖               


雞蛋               


底筋麵粉       


玉桂粉           


甜薯茸           


雲喱嗱香油   


※餅底


160g


75g


※餡料


350g


45g


45g


1.5


1.5湯匙


1/8茶匙


175g


1/8茶匙


※餅底


100g


50g


※餡料


250g


37.5g


37.5g


1


1湯匙


1/16茶匙


125g


1/16茶匙


 溫馨提示:


1.      芝士餡完成後必須過篩一次,將不能打溶的物質篩去,口感會更滑。


2.      食不完的芝士餅包好放在雪櫃,夏天可保存3-4日,冬天可以保存4-5日,如果真係食不完,可以用保鮮紙包好,放入冰格急凍,可以保存一個月,食時一天前可以取出放入雪櫃下層,便可以食了,但好食的芝士餅又點會放一個月呢?不如早早食晒或送給好友還好呀!哈……哈………





預備


1.      預溫170度焙爐;


2.      消化餅乾壓碎,放入已溶牛油混合後,放入已舖好牛油紙的焙盆,用匙平均壓平。


3.      甜薯切件坐在鍋內用水蒸熟;後用攪拌器打成茸。


4.      芝士放回室溫後加入砂糖及黃糖用打蛋器打混合均勻;


5.      加入全蛋再次打混合均勻;


6.      入麵粉及玉桂粉,用膠刮刀拌勻;


7.      再加入雲喱嗱香油拌勻;


8.      最後加入甜薯茸混合均勻後放入已預備好消化餅底的焙盆上;


9.      將芝士餅坐於一個已注水的盆;


10.  170度焙1小時至金黃色;


11. 放涼後入雪櫃(下格)雪硬後切件。



 


 


星期一, 2月 25, 2008

最怕鑽牆……


家中好多買回來的牆上裝飾,亦咁多年影落的家庭合照,子曦可愛的笑容,有趣的古怪面,靚靚的相架,一一都想掛在家中的牆上好好的回憶、回味一下;可惜,住了六年的家,只掛上了一張結婚油畫,其他的牆都是白雪雪。


這幾個相架在宜家特價時買落,相信都有1年多了,總是沒有的起心肝去掛上,亦沒有勇氣自己動手鑽牆、打釘,只為了幾個相架,就要釘上六個洞,成塊牆就係咁………花晒,還有好多的靚靚掛牆裝飾,如果一失手,又多個洞,要填都填唔晒啦!好似信用卡廣告咁,成塊牆都係洞,掛幾多油畫都蓋唔晒啦!


亦曾經買過幾個無痕掛鈎,只可掛在平滑的、不退油的地方,不能掛在牆上,所以又係無用。


今天,這個終於可以實現啦!


 


點解,因為某日去探訪子曦爸同事的家,她與我們一樣,不喜歡鑽牆,亦在她家發現在牆上有我們同樣買了的相架,細心一看,原來是用一種物料黏上的,亦不會跌下來,嘩…嘩……值頭發現新大陸一樣,開心到跳起,原來係咁,快快回家就做了,因為有見證,所以好安心的掛上,因為相架是好輕的木,亦是用透明膠,不是玻璃,所以會比平時的相架輕,你看,是否好靚呢!亦好安全呀!好實!又不用鑽牆,得…得……得………咗!!!


而且還有買了好多年的掛牆裝飾,上次用掛鈎就一個又一個的跌下來,所以都沒有再掛了,而家幾靚,可以喜歡貼邊就貼邊,再唔會有一個洞、二個洞,唔會再一個又一個跌下啦!



呢種係咩,人人都可以買到,就是removable adhesive―萬能黏土』,每個人都叫它做『藍貼貼』,大家如果有我的煩惱,而家可以嘗試下啦!


最好就是見圖個種牌子,因為這種會軟身啲,亦不會容易老化而變硬,而且貼耐了,除下時不會有個印呢!


但要記住,太重的、玻璃片的都不能掛上,小心家居安全至上呀!



大家放心我掛了成两個星期都無跌落尼呀