今天的我筋疲力盡,周身骨痛。
昨天整日同子曦爸又移動、搬走傢俱及雜物。
客廳的6x3x3尺電視機櫃搬了去奶奶家。
最成功是將一個4.5尺x14寸x7尺高有玻璃門的書櫃,
由客廳搬入書房,過程中真的很有多機會出現危險,
心中祈禱,希望我哋唔好失手、不夠力搬起壓着我們,
那時想,真的很想找一兩個大隻老幫手,
亦希望書櫃的玻璃門唔好被我哋打碎,
家中的牆壁唔好被我哋整爛,
7尺高過唔到門框,又要將接近幾百磅的書櫃瞓底打平,
由走廊推到第一間書房,轉角度啱啱推得入房間,
幸好我們一早把地櫃搬離,如果唔係,
相信都很離推入房間了,到了房間,
亦要利用小小的空間,只得我同子曦爸的力量,
又要將這書櫃推起企身,終於用上大半小時成功完成。
真的覺得我哋好勁!
成功後來個「give my five」呀!
又要將所有的書、雜物搬返入櫃,
但心中暗喜,我哋好勁。
昨天整間屋就好像魚缸換沙一樣,
整間屋四處都是雜物,
走廊全是大哥的東西,
等他搬屋時才搬走呀!
快…快…快…唔想再見到咁樣!
亦將會放棄4尺的魚缸,
買一個雜物櫃,放在魚缸位,
我實在太多東西了,
而且要快快看新的電視櫃,
因為現在42寸的電視只係放在臨時餐桌咋!
如果別人唔知,
還以為我們是新搬來的鄰屋,
東西未整理好,
我覺得利害過搬屋。