星期六, 4月 12, 2008

難得两日半天遊@大潭水塘

316日星期日下午,子曦爸見到天氣非常好,所以特別選了這裡戶外及影相,但可惜我們沒有食零食的習慣,所以沒有特別帶零食,子曦見到小朋友的食物,又話要拿來食,下次真係要帶一點呢?幸好我們都預備了一個小蛋糕。


 


大潭我都是第一次去,因為多數坐車只會經過,每次的目的地都是赤柱,今次就在中途下車,大潭水塘只行了一部分,另一邊比較大的一部分要留待下次先可以再行了。



一星期後,子曦爸果真選擇再到這裡,但今次就去了水庫的另一邊,足足行了5小時到逹太古,他就醒啦!不到两小時就瞓著了,幸好有俩寶在身,唔係就成身散晒,一寶就是印尼背帶,人家話5歲都背得起,5歲,又無咁大力呀!就算係子曦爸,而家都成日講,好重呀!抱唔起啦!這天,子曦就瞓在爸爸身上2個多小時呀!


但這天天氣真好,好舒服,那天晚上還瞓得好好呀!




星期五, 4月 11, 2008

☆櫻花蜂蜜果凍☆

櫻花蜂蜜果凍


 


櫻花…從沒有親眼看過,最出名莫過於日本了,亦有櫻花食品,真令人朝思暮想,某日行過有機店,竟然被我發現有鹽漬櫻花,還減價,$25就買回家,但離開時問一問店員怎樣用,原來可以用來泡茶,還可以做大菜糕,心想,做大菜唔够通透,做果凍必能透出花型,當真,好出,好通透呀!


 


但食落還有少許鹹味,還要再洗得乾淨點!



食譜要買書參考啦



星期四, 4月 10, 2008

擴建……

擴建……


自從子曦出生,照顧他識行識走後,加上會閒時上網,認識到好多做餅的好友,做蛋糕的興趣就有增無減。4年前由2-3個月才會做一個蛋糕,特別是有朋友生日先開工,而家就因為愛蛋糕、愛看書、愛與朋友分享、愛在網上討論(200611月開始開blog)、愛與blog友們相聚,蛋糕甜品就成為了我生活的一部份。


而看到很多blog友們都對做甜品蛋糕的過程好有興趣,而自己亦對別人做出來的作品很好奇,成日會問,怎樣做出來呢?所以分享內容都會加插製作過程,希望對這款甜品有興趣的blog友們都可跟隨製造,有時我都會問自己,是否好無聊,好多朋友都明啦!不用多此一舉呢?哈…哈……可能我實在太天真啦!


而蛋糕材料、用具,有關它們的東西,包括包裝、模具、用具、餐具,可以用來影相的都會買,最近又認識了上海街,哈…你話……邊有唔買嘢的一天呀!所以家中的廚房就開始擴建存放蛋糕材料及用具的空間,可惜,廚房有限,不能放太多,時不時就要大搬位,亦時時與自己講,唔好再買咁多啦!可惜,自從換了個新爐之後,興趣不減之餘,重成日心思思想整嘢,上星期還買了好幾樣蛋糕模,加上大哥托妹妹送了一套六款的值膠模給我,哈…哈……真係好開心,成日都諗,用邊個模做邊款蛋糕好呢?




大家看,廚房有三個空間都放滿蛋糕食材呀!連平時用開的工具,一入廚房都會看到。



 

還有部新爐不用的時候都成為存放模具的櫃啦!




這樣空間已經用晒!唯有一個出路,就是要擴建啦!


哈…今次就擴建出客廳啦!


書櫃下層有個空間好耐無用,放的東西都是大哥史前物品,一於你送嘢比我,都要找個位放的,所以搬走大哥的物品,用來放自己的東西啦!哈…哈……好開心,崗崗放得晒,不過真係無咩位再買嘢啦???係咪呀!




介紹一下比大家知道,曾經有blog友們問過我,你有幾多本食譜書,你看,書櫃上層有這樣的空間,下層有四個格,其中占了三個格都是蛋糕食譜,數過手指,超過50本啦!(但我細時不喜歡讀書,真奇怪,而家先知學到用時方限少呀!)下層就是崗崗擴建的,用來放蛋糕用具啦!係咪好一致呢?哈…哈……




 

無聊一事


某日sogo大減價,買了這個裝飾,未用過就被我打破了,用了$20現金卷,一心諗着平$20,而家無咗$20啦!


 


 





星期三, 4月 09, 2008

☆日本甜薯香草醬☆

日本甜薯香草醬

子曦喜歡食甜薯,鐘點買了一點回家,蒸熟了,子曦食了幾隻,亦留了部份給我們,但又想起,不如做甜薯醬,用來配麵包都是不錯的選擇,而且做法簡單,味道香甜又好味,但食譜用好多糖,所以減了糖份,但食出來還是甜,配白麵包都可以呀!亦送了一樽給大哥的小朋友呀!




食譜要買書參考啦



星期二, 4月 08, 2008

☆全麥吐司☆―湯種

全麥吐司湯種


 



有了吐司模,真係要做一次,好想整到頂角的效果,但又知道不是時時都做到,要計算的分量要好準確,但都要嘗試下,不過原來全麥麵包是比平時白麵包發酵無咁高,所以下次要嘗試做白麵包先得啦!


今次挑戰自己,再次用手搓麵糰,重可以起薄膜添,比想像中容易,不過還有改善空間呀!我開始擔心,個麵包機會打入冷宮呀!但又想,冬天會用得多一點,因為發酵會難一點。


這個吐司模好好用,「杜邦」質料真係無介紹錯,一倒叩就自動吐出,不用刀,不用力,不用介花個模啦!好嘢!MC真係無介紹錯呀!


而今次用了湯種,好柔軟、好鬆柔,好有彈性,第二日,第三日都咁好味。


 


同日做了甜薯香草醬大家請密切留意!



溫馨提示:


如果你們搓好的麵糰要用28℃的熱力幫助下作第一次發酵,但又沒有麵包機或焙爐預熱發酵幫助時,你可以用焙爐幫助,你先預熱焙爐約100度,最好用溫度計測試下爐頂的溫度,然後爐頂放上一個金屬架,再將包好的麵糰放在上面作第一次發酵。這樣就能有溫度幫助快些發酵了。但天氣開始熱,不用這樣做都會好快發到酵了。


 


 


材料:12两吐司模一個


 


a.     


 高筋麵粉          140g


全麥粉              100g


砂糖                  25g


                      3.5g


快速酵母          5g


b.     


全蛋                  30g


牛奶                  70g(我用豆漿)


湯種                  60g(65熱水50g+高筋麵粉10g)(51計算)


                          或看看~~65度湯種的秘密~~


      60g÷6=10;65熱水占5分=(10g×5=50g);高筋麵粉占1分=(10g×1=10g)


c.      


無鹽牛油          25g


 


步驟:


1.      a材料放在盆中,中間留空洞放入b材料,但酵母不要與鹽及砂糖接觸,以免酵母脫水死亡,用膠刮刀拌勻材料,轉用手搓成有彈性及起根有薄膜的麵糰。


2.      完成後加入c,搓至混合至完全光身及有彈性起薄膜;


3.      用保鮮紙包好放在28℃作第一次發酵約40分鐘至两倍大;★看溫馨提示。天氣熱就放在室溫發酵就可以了。


4.      拿出排氣搓圓後静止15分鐘,(室溫便可)


5.      再做型放入模中作最後一次發酵,在38℃下再發酵至九成滿,入爐170°焙35分鐘;


6.      立即脫模放涼。



 




 


 



 


 



星期一, 4月 07, 2008

☆煙韌紅莓無花果軟曲☆

煙韌紅莓無花果軟曲


好一段時間沒有做曲奇了,新爐又要有新出品,加上有小朋友Party,想帶一點心意給他們,所以做了這款軟曲,想懶惰一下,一心諗着,部爐大了這樣多,免花時間,一次過焙两盆先得,但誰知底層個盆就唔係太熟,要再焙多幾分鐘,點知出了一盆是軟曲,一盆是脆曲呀!下次都係要分開焙會好一點呢?唔好咁懶啦!


 


影相時子曦又手多多……


 


溫馨提示:


1.      時間一定要控制得好,12-13分是最適合,太耐就不煙韌了,而變得脆口啦!


2.      無花果乾剪開細細粒。


3.      出爐的曲奇是軟身的,所以小心放涼,冷卻後表面會稍為變硬為原則。


 


材料 :可做32












































牛油


110 g(放室溫放軟)


粗粒黃糖


110 g(可用幼黃糖)


白糖


110g


雞蛋


1 (稍為打散)


雲呢拿油


1/2茶匙(香子蘭油)



1/4茶匙


梳打粉


1/2茶匙


泡打粉


1/2茶匙


低筋麵粉


220 g


胚芽


35g


紅莓


35g


無花果乾


35g


燕麥


35g


 



做法:


1.      預熱焗爐190度,烤盤舖上牛油紙;


2.      鹽、梳打粉、發粉、低筋麵粉同篩好備用;


3.      用電動打蛋器把牛油、黃糖、砂糖打至軟狀,加入雲呢拿油打勻;


4.      蛋分2次加入(3)內,每次加入都要打勻;


5.      將已篩好的粉類加入(4)中,用膠刮刀攪勻至順滑; 胚芽、紅莓及無花果亁拌勻;


6.   將大約1茶匙的麵糊放在預備好的烤盤,用匙壓平,每塊留1cm空間擴張,烤12-13分鐘或稍為金黃色並熟透,移到架上待冷卻。