星期五, 6月 08, 2007

1992年的迷你桃紅玫瑰花

某日,整理家中的飾物櫃時,發現原來收藏了老公送的迷你玫瑰乾花,

這是老公15年前,初戀的我倆,第一年的拍拖及情人節時送的,

第一年又點可以無花呢?

但當時老公去花園街自己買,自己包,還放响個袋裡,都幾有心思嫁.

同大家講,這亦是暫時都係收過一次老公送的花,

無他,

因他不喜歡情人節個個都拿着花,但個日又是他的生日囉,

而且我亦不想浪費呀!

現在只有五朵留下了,其中一朵花放在細小的樽內,還有當時的襯花,

數數手指,都已十五年了.



瑞士卷變了~~~迷你雜莓芝士朱古力海綿蛋糕





本來爸爸生日當天同場加映一個雜莓芝士瑞士卷,但未做過之餘,亦失手了,朱古力海綿蛋糕出來的成品都好完美,但一放落去卷時卻卷爛了,還一開四節,芝士醬四散,收拾都有難度呀!因雙手都係芝士,無法影下它的衰相,而且要立刻諗諗用急才去收拾還是放棄,節儉的我,當然唔會放棄,唯有將芝士醬放回盆內,海綿蛋糕就放入烤盆內,諗諗,不如就做一個四方型的芝士蛋糕啦!就係咁!算吧!食飯回家後,不如再做一層果凍在面,就用了藍莓汁加水開了果凍放在面,今晚要回家再諗諗辦法點樣拿它出來呀!我會將它分開一件件迷你蛋糕,你哋耐心等待一下我的相片啦!(終於完功了,尚算幾好,雖然失手,但變了迷你蛋糕都幾好呀!)上次買的杯杯碟碟終於可大派用場了。~杯杯碟碟(一)~杯杯碟碟(二)


除了海綿蛋糕是有食譜外(海綿蛋糕全蛋法),其他食材亦是根上一樣(雜莓芝士蛋糕),除意、是旦、段估出來的。


材料:


朱古力海綿蛋糕8寸份量一份(四方型模)


雜莓芝士醬


急凍雜莓                150g


芝士                        100g


鮮忌廉                    150g


雜莓果醬                50g


藍莓果汁                50g


砂糖                        50g


魚膠粉                    2茶匙


凍水                        2湯匙


步驟


1.      芝士加砂糖打勻。


2.      加入果醬打勻。


3.      加入果汁用膠刮刀拌勻。


4.      鮮忌廉打起至七成,加入芝士醬內拌勻。


5.      加入已溶的魚膠水拌勻。


6.      放上海綿蛋糕上。




拿拿拿就係這裡出事啦無法拍下之後的結果呀



原先做瑞士卷的做型...誰知







變成一盆蛋糕呀


未完的芝士蛋糕


果凍面


材料:


1. 藍莓果汁        120g(先用熱水坐熱)


2. 熱水           130g


3. 果凍粉一包 (已有份量)


開了放入已定型的芝士蛋糕上,再入雪櫃定型。










用幾粒杏仁片作妝飾,可放在平獲中抄到變色就離火.



香蕉核桃蛋糕


 


爸爸生日,想做一個蛋糕給大家食,因天氣實在太熱,做完拿出街,都不可停留得太耐,路途太長了,唯有做一個不用放入雪櫃的蛋糕,而且雙親又不可太多糖,又不可太高脂肪,唯有做水果蛋糕啦!但上次因味道太啖口的雪紡蛋糕卻不受歡迎,今次點呢?最近見到blog友都愛做香蕉喎!就找找食譜,從書中看到有幾款香蕉蛋糕,但這款用的是全麥粉做的,亦是健康的食材,不如就嘗試下,但美中不足的是,香蕉加熱或接觸空氣就會好快變黑了,但出來的效果卻有如外國的批呀!妹夫不喜歡食香蕉糕,但都話好食之餘好像出面買的味道呀,可能他安慰我才會咁講。


香蕉出班點是最香最甜的,確說還有防癌作用添。


道具:8寸退底模(原先用7寸的)家中沒有之如,又不想太厚,因食完飯食,會好飽的,所以8寸出來簿簿哋,一人一件就不多不少是最好呀!


 


材料:


香蕉                2(淨重200g)


檸檬汁            1/2


全麥粉            100g


筋麵粉        100g


泡打粉            2小匙


                    少許


                    2


砂糖                100g(我用了黃糖)或可用蔗糖


無鹽牛油        50g


內桂粉            少許


核桃                50g


 


準備:


全麥粉、低筋麵粉、泡打粉、鹽混合過篩。


核桃用一半的分量除意切碎,留一些完好的作妝飾。


模具中薄薄塗上牛油並撒些粉。


牛油放入微波爐叮20妙溶解。


預熱焗爐180。C


 


步驟:


1.      香蕉用义壓溶立刻加入檸檬汁。(因香蕉接觸空氣就會變黑)


2.      蛋用手動打蛋器打散後再加入黃糖拌勻,可放爐上用最細火加熱便糖溶解,及一定要測試蛋溫,不要過熱,人體溫度就要立刻離火。


3.      後慢慢加入牛油,以不起泡的狀態下充分拌勻。


4.      加入1的香蕉溶、混合過篩的粉類、肉桂粉、核桃,用膠刮刀輕輕上下及用切拌法反覆地拌勻即可(以免過度,麵粉會變硬) 。


5.      入模,放上剩下完整的核桃及一隻切片的香蕉作妝飾。


6.      180。C 焗30分鐘。


 







可放爐上用最細火加熱便糖溶解,及一定要測試蛋溫,


不要過熱,人體溫度就要立刻離火。



出爐的樣子呀!!可借香蕉黑黑的



子曦的小手又係度多事幹啦!









星期三, 6月 06, 2007

何時回家?

子曦九個月時的照片


今天早上,在電台放着這首新版《回家》的歌,還有梁奕倫的獨白,這首歌雖然在教會都聽過好多次,亦在電台聽過不少,但今次的播送,真的令我勾起一點點不解的結,回想起好多弟兄姊妹何時才回自己的家呢?在主日返教會,其實好想見到想見到的弟兄姊妹,無奈,今天又見不到你,你幾時才自動回家呢?你的工作真的令你身心疲倦,無法早起敬拜 神,是否你在迷茫中,就如迷失的羊呢?


子曦今年两歲,他未滿月已經每個主日都回教會,從來沒有停過一次,可能他因為爸爸媽媽要回教會工作,他沒有選擇,但媽媽為他選擇了這個方向,希望他能養成習慣,不但是習慣,而希望他能自己親身去領受 神為他帶來豐盛的恩典,活在 神的愛裡,終日不離。不想有天,媽媽爸爸及天父要向他講,你何時回家呀!

 

http://girls.eternity.hk/music.asp

eternitygirls blog


《回家》

步伐是否感覺疲倦了 現實令你感到無奈

只懂每日每夜忙碌裡兜兜轉轉至沒了沒完

但願讓你知道神是愛在路上每一秒同在

可否接受這份純真愛一生歡欣快樂精彩

回家將傷痛放下看透俗世謊話

迷失漆黑中祂總把你念掛

回家即使新世代全然皆冰冷

在這屋裡有主的愛別再怕


星期二, 6月 05, 2007

50%杯杯碟碟(二)

貓貓水杯原價$48,我買$24.




高身杯原價$76一隻,我買只是$10一隻,幾底呀!!!



茶杯仔$10,因我覺得d紋好特別,所以買一隻留念或作拍攝用的.


細小的木义木匙,每隻$5.


杯每套(碟及杯)都係$10.(原價$26)


杯每套(碟及杯),有花紋都係$10.(原價$48)


杯每套(碟及杯),細細隻好可愛都係$10.


杯每套(碟及杯),有花紋都係$10.(原價$48)


高身杯$24(原價$58)


花貓大碗,原價$42,我買就$22.



星期一, 6月 04, 2007

被Mm&JjTAG 中添!!!

TAG 一TAG 你,我都係跟人咋,唔好唔開心呀!!!

收到唔玩又好似唔係幾好,玩又怕人唔開心,都係玩下姐,好就玩下啦!!!

遊戲規則 :


試說明5項你最想要的生日禮物OR 聖誕禮物

和點名10名網友不能有重覆AND順度去他們的BLOG留言,告訴他們被點名了

我最想收到既生日禮物:

1.囝囝健康成長,老公,老爺奶奶,爸爸媽媽,妹妹,細路,大哥都開開心心.

2.  一個好開心的假期,可以同老公囝囝去旅行.

3.  手提電話,想換好耐,但未壞.

4. 可以有一班好好的朋友食一餐晚飯.

 5 . 好想間屋轉換下D傢俱,返新一下及整理一下D東西.

1. 點你的人是誰?

Mm&Jj

2. 你跟他是甚麼關係?

BLOGGER

3. 寫出你對他的5個好印象?

他好快就會看到你有最新發表.

亦好快回應

好多回應

她愛問問題

應該係有好多時間在綱上.

 4. 他對你做過最深刻的事 ... ?

收到她的TAG TAG TAG,有D唔知點好.

5. 他跟你說過最深刻的說話?

6. 如果他變成你的情人,,,你會因為他的那一方面而令你喜歡他呢?

主動,她收到你的回應,一定回應返你.


7. 如果他變成你的敵人...你會因為他的那一方面而令你討厭他呢?

她的廚藝好過我,令我發顛.


8. 現在你最想他對你做的一件事?

當然成日來我BLOG 不停留言及同我將我個BLOG傳傳傳開去啦!!!哈哈哈!!!!

9. 你覺得周圍的人認為你是怎樣的人?

一個喜歡看書嘗試自己做蛋糕的BLOG友啦!!亦四圍去人哋D BLOG看看的人.


10.自己想成為的理想類型是?

有錢人,自由的人.

11. 給關心自己、喜歡自己的人大喊一句吧:

我愛你,愛死你........................多謝你呀!!!

12. 把這份問卷傳給你最想知道他對你的感覺的10個人

係咪一定要做,或傳開的呢???

  大楷B媽媽/  Cindy/  FUNPUCCA/Jenny Wong/Cindy/1號/第一百隻羊/小豆苗/little four/SukiYummy~~~~~^o^

Bottle/


50%杯杯碟碟(一)

昨天在將軍澳行街街,上次行過都好想入去看看,或會買到嘢,


但卻沒有開門,昨天卻又行過,有開之餘,亦卻是最後一天,而且全部貨品一律半價,


喜歡廚具的我,又點可以留手,


最初只買了一部分,$159.還留了1小時,走了,


卻两小時又回頭留了半小時,


又買了$333東西,好彩老公沒有話我,


但他卻講,點解你可看咁耐嫁,


雖然他咁講,都會同我拿東西,因真係好重呀!!


而且提我有誰最近生日,可選定先,我一早就買咗啦,


但這都是我喜歡的,真的不容易送出呀!!!


看看我的戰利品,還要話比大家食,又幾底呀!!!


本想昨晚影所以戰利品,可惜相機又無電,


而且因天黑,拍的相都唔係咁靚,只好放住先,等我再义好電再影過.


這是全部的戰品



這款杯碟只是$10,我買了两套呀!!都係$20.



除最上個隻木做碟是$19,其他碟都係$5,杯就$10隻.



杯同碟係可成套嫁,全套都係$15.





這三款碟每隻$24.好有持色,全部都係人手繪圖的,約七寸可放蛋糕.


這两款就貴d,上面一套三件,要$99,但原價就要198,


不過就幾特別,最大個隻亦可放8寸蛋糕.


下面個隻都有11寸,都可放8寸蛋糕嫁,$40.



還有好多杯碟呀!!!你地等我今晚影好再放上來呀!!


我問老板,雖然間shop暫時關了,但在綱上都可選購,但當然無50%啦!!!


你哋入去看看呀!!


杯杯碟碟