☆粉紅馬卡龍Pink Macarons☆
再戰馬卡龍，心中想着，點解會這樣難做呢？加上太甜的暗影下，遲遲未敢再嘗試，今天！一定要做好Macarons，我選上最靚的顏色，完成之前的功夫後，一放入爐，心中期待着，但原來還是做得不好，表面不够平滑，起了尖頂，尺寸不够大，裙邊不是太起，但顏色好出，口感好正，而且這個食譜不太甜，相信再做的時候會好一點。我都食了好幾粒，子曦就當糖食呀！哈……
溫馨提示：
1. 曾經有做過的朋友們講，用不同的墊會有不同的裙邊，所以要有待測試了。
2. 馬卡龍做得出色，主要是爐溫要控制得好，所以要多加嘗試及留意自己的爐溫；
3. 食用色素的分量要是乎想出來的顏色啦！
4. 粉類與蛋白要完全混合，才不會有裂紋，但要在短時間內完成。
5. 唧出馬卡龍時，表面要平滑，才不會起尖(不要像我一樣呀！)，原來蛋白打至濕性才不會令表面起尖的。(記錄在案)
6. 如果用牛油紙焙馬卡龍會比較難甩，出爐後可以立即用凍水在牛油紙底下掃幾下，會容易甩出馬卡龍。
材料：約12-13對(24-26粒)
蛋白 35g
砂糖 25g
食用色素(紅) 適量
杏仁粉 35g
糖霜 45g
步驟：
1. 杏仁粉及糖霜混合過篩两次，篩去粗粒的杏仁粒備用；
2. 將蛋白打至起泡，糖分3-4次加入，打至企身約7成(濕性)再加入食用色素打混；
3. 將過篩的粉類分2次加入，轉用膠刮刀用切拌法拌勻，直至鬆軟，表面變得光澤時，就可以停止；(注意不要混合過度)
4. 將麵糊於進唧袋中唧在矽膠墊或牛油紙上唧成直徑2cm圓型；
5. 於在室溫靜置20-30分鐘，待表面乾身；
6. 於入預熱160度焗爐中層，先焗10-15分鐘，發現裙邊起泡就轉為120-130度再焙5分鐘至周維都變硬就可以出爐。
7. 出爐於涼。
五月生日@子曦的第一次
5月25日子曦就滿3歲啦！3年的日子，在快樂中度過，很多人都講，小朋友3歲前是最可愛，無錯，係非常可愛，有時我都會好肉緊的要抱着他，吻他，他瞓了，都會望着他睡着好甜的樣子。
雖然子曦有時都不太聽話，但他連發皮氣都好可愛，這樣就是做了媽媽的心態，總會覺得自己的小朋友係最可愛架！
親手帶大子曦真係好滿足，他的每一個成長佳段都在你看管下進步，都幾有滿足感呀！
~~~~~~~~~~~~~~~~~~~~~~~~~~~~~~~~
星期一的假期，帶着未滿3歲的子曦去Disneyland，因為3歲就要買入場卷，所以必定要去一次，一到步，與子曦就坐火車先環繞一週，好快就一個圈，後來四維行下，玩下河流，見到大型動物，玩下機動遊戲，最初子曦什麼玩意都怕，因為未見過、未玩過，但成個樂園他最愛就是這部用$50租來坐的3輪車，因為是藍色的，問我們可否帶回家，哈…哈……
第一次看Mickey的3D動畫，要帶3D眼鏡，他又肯帶，如果唔帶，跟本看不到跳出的動畫，但子曦一路看，一路好似狗仔咁好驚的樣，還發出Wo……Wo聲，真係好驚，但又唔敢哭出來，特別有些灑水、風吹的效果，他亦同樣好驚，我要一路按着他的心口，抱得他好緊，一路講，唔使怕，一放完了，就話係咪完啦！立即無事……哈……哈……
但這3D真係好值得看，最記得係有水果香味呀！ 
再看金像獎音樂大型show，又係好驚，因為音響好大聲，子曦一聽到別人裝修都怕的，但因為見到Mickey及好多動物，他好有親切感，所以都能接受。 
小小世界都幾可愛，但真係無外國咁靚。 
後來主動話要玩機動遊戲，行下食下，好快就一天了。
我們選擇看完煙花才離開，這場煙火真係值得看，但子曦在尾聲時瞓著了，因為下午無睡覺，所以在煙火中，在媽媽的懷中好安全的睡了。 
樂園可以話係小朋友世界，對於我到過外國幾個大型樂園來講，真係無咩特別，因為真係好細，但對子曦來講，真的是第一次，玩都已經好足够了，亦可以見到真人Mickey他都好開心，但最美中不足，就是子曦沒有同他們影相，因為時間限制，趕唔切，是他最失望的一次呀！最後都有同子曦搖搖手。
我最愛就是樂園裡其中一間的餅店，裝修好靚，所以都影了好多相留念呀！
☆朱古力沙瓦琳☆
為了拌手禮，又方便攜帶，所以選上這款甜品，一心諗，這款膠模應該很容易起啦！完全錯了，一放涼脫模就全部花晒面，甩甩漏漏，點樣送出呢？唯有將淋面的朱古力大大的增加，令到有不同的效果，但估唔比預期好，哈……失禮晒啦！
這款小甜品，食落都幾好味，可以再整，但要細心再選另一款模先得啦！
朋友們，好味嗎？
溫馨提示：
1. 放涼脫模會容易一點。
2. 分量可以做8-16個，但要看模的尺寸啦！
3. 淋面朱古力分量很多，可以做一半就够了。
4. 沙瓦琳(Savarin)是指中心凹陷狀，再倒入朱古力醬，是法國傳統點心。
食譜來源：孟老師的100道小蛋糕
材料：
無鹽牛油 105g
低筋麵粉 90g
糖粉 75g
玉米粉 1又1/2茶匙
杏仁粉 15g
蛋黃 35g
牛奶 20g
香草精(雲呢拿油) 1/2茶匙
朱古力屑 1湯茶(先刨好)
淋面朱古力：
忌廉 75g
55%朱古力 90g
鏡面果膠 15g
步驟：
1. 無鹽牛油放回室溫至軟身，篩入粉類分別為低筋麵粉、糖粉及玉米粉，用膠刮刀拌勻；再轉用電動打蛋器打至沒有粉粒及光滑即可；
2. 加入杏仁粉拌勻後，蛋黃分2次加入及每次都必須拌勻，再加入牛奶及香草精快手拌勻；
3. 加入刨好的朱古力屑，轉用膠刮刀向不同方向拌勻；
4. 放入唧袋中，唧入模中8分滿；
5. 用180℃焙20-25分鐘。
6. 放涼脫模；
7. 淋面朱古力：煮熱忌廉至50-60℃，加入朱古力粒用膠刮刀拌溶，再加入鏡面果膠拌勻；
8. 倒入蛋糕中央即可。
放假，放了幾日假，所以連BLOG都放假，沒有盡快UPDATE分享，所以這篇可能是我最遲先放上來啦！
~~~~~~~~~~~~~~~~~~~~~~~~~~~~~~~~~
不過都要等到她們出了分享，才明白拌手禮是邊個打邊個呀！哈……
上星期四晚，得到RIAN的邀請，有幸出席她們的BLOG聚，得知，她們會有定時的BLOG聚，我又變成客串BLOGGER，但我實在唔想成日變成客串嘉賓或特別嘉賓，因為總會在心理上是額外的朋友們呀！哈……好像有點奇怪咁………
這天於假，在家做了拌手禮，亦接回子曦放學，回家做好晚飯才外出；大家選上佐頓的「原居民」，是一間意大利餐廳，我一來到，她們已經到齊了，還有其中俩位BLOGGER的另一拌，所以今次聚會就有9個人啦！ 分別有貓姐、eRiCa、查查及另一拌、SamMi、金莎、RAIN及另一拌。
到達時，又是看到成桌都是拌手禮，但老板見到就忍唔住同我們講：「呢道唔可以帶外來嘢食喎！」，我們就講：「係！我們知道啦！我們是來食飯嗎？」所以大家對這間餐廳有點壞印象，但其實這間餐廳的食物是很好的，氣氛都幾好架！ 
我選擇了這款餐，羊架！好好味！ 
意大利餐廳總是沒有圓桌的，長長的桌，相聚傾計是一件困難的事，好像分了三台客一樣，如果要由左邊傾到右邊，必定會大聲小小，所以成間餐廳好像只有我們大大聲傾計一樣。
~~~~~~~~~~~~~~~~~~~~~~~~~~~~~
很快就離開，因為不想再影響別人啦！
我們選擇再到街邊食糖水，
但食完後亦是被樓上的居民投訴，不到11時就要散場啦！ 
雖然今次美中不足，但都好期待下次喧嘩聚會呀！
下次要放啲，沒有影響人的場所先得啦！
~~~~~~~~~~~~~~~~~~~~~~~~~~~~~~~~~~~~~~~~
看看大家的拌手禮先！
~~~~~~~~~~~~~~~~~~~~~~~~~~~~~~~~~~~~~~~~
貓姐的花開吉祥@抺利花，
一浸在熱水中，花就會開啦！還有好香的花茶味！
Erica的全麥及咖哩吐司，兩款都成為我的早餐。
但我感到咖哩吐司好辣，但就夠創意呀！
查查的吉士泡夫，真係好好味，心諗！
查查的吉士泡芙好出色，一路食一路要跟她的食譜做一次，
但後來先知，原來係買架！
哈……咁要等你的拿手泡芙食譜啦！
金莎的迷你矽膠模及草苺軟糖，還有好可愛的小膠簽！
Sammi的Assorted nuts cookies，好多榛子及杏仁呀！好好味！
還有Rain的超脆朱古力蛋白脆餅，真係脆得很，未返到屋企就碎哂……
我的拌手禮，希望大家都喜歡啦！(借貓姐的一張相呀！)
