星期四, 11月 22, 2007

Home made@Blogger

Diana 行完街街,大家都趕與Cindy相會,到我家做餅,Cindy已經早一天預定想做雪紡蛋糕及蘋果批,而Diana就無咩想做,想食多啲!


回到家中都已經接近四時了,第一個開工的是雪紡蛋糕,因為Cindy講過自己做唔到好食的雪紡,所以教她點樣打起蛋白,點樣做好蛋黃糊,過程中,Diana又幫手打蛋白,又幫手洗工具,見她靚靚的水晶gel甲就一啲都唔似洗碗洗得幾乾淨喎!下次做餅都好想你响度呀!哈……而講開先發現Cindy家中無雪紡蛋糕專用模添,咁之前點做架……



出爐啦!返轉放涼先,原先瞓咗响sofaDiana都突然彈起身,因崗崗同Cindy講,影底Dianasofa度瞓咗,哈……哈……都未有行動她就無聲無色企在廚房門前呀!原諒她,因為她食了藥,有啲眼瞓呀!


做了一會,奶奶幫我接子曦放學回來了,Diana的目的已達成,因為她好想與子曦玩呀!而我們繼續整蘋果批,不到六時,Diana又要趕下場了,唯有未涼的雪紡蛋糕就要食呀!幸好!雖然暖暖地,但都十分可口,好有朱古力味,好鬆軟,真係無失手呀!Cindy你下次應該識整啦!



 



 


又要影大合照啦!我找奶奶幫我影,真係玩c奶奶,從來都無幫人影過相的她,每影一張就話唔見咗你架,下一次又唔見晒啲頭頂架,呢張又唔咗子曦個頭頂,不過已經是最好的一張啦!我哋都笑到扒响度呀!cindy忍唔到!教我奶奶影相,最後都係用她部機玩自拍囉!cindy!唔該你要send返啲正常啲相比我哋呀!



 



 


繼續蘋果批,這個批是跟「U」換回來的食譜書做的,份量約做53寸批,1寸半厚,但個酥皮脆面的份量好多,多到做8個都得呀!所以餘有的都給了Cindy帶回家,等天皇放假回家時再做一次比他食,Cindy你真好疼愛天皇呀!


入爐後,我與Cindy落街買點東西,回來後就崗崗焙完,嘩!又出爐啦!好靚,影完相就立即開來食,唔知係咪咁,Cindy第二日打來投訴,話喉嚨痛呀!


這天大家都好開心,不過就真係無咩時間坐下傾計呀!下次早一點開班就更加好啦!




 


 



與Diana相聚在Mega Box

這天一早就相約小可愛妹妹Diana行街、食飯,本來無諗過咁早,早食早行早回家,目的就是要開班教整餅,與Diana一到Mega Box就搵地方食飯,好似唔係食飯,應該是食早餐,又好似唔係食早餐,食……總之就係食嘢啦!


我們選擇在太興,因為大家都不想太耐,而我亦不是太肚餓,而Diana亦想食燒味,她點了义燒鴨飯,唔肥唔食,有病重飲冰鎮咖啡,嚟個小妹妹真係不聽話啦!而我就點了餃子日本立貝湯烏東,熱華田,雖然不太肚餓,但都食晒呀!


Diana第二次見面,亦是第一次單獨約會,真係沒有陌生的感覺,可能她比效年青,與我談話好投契,而且不會修飾,談的話題都好多,上至天文、下至地理、家庭、愛情、生活,無所不談,感覺好舒服,但因是靚女一名,與她出街都有少少壓力呀!哈……哈……


因為是平日的日子,所以Mega Box不太多人,靚靚的聖誕妝飾,任由我們影相,真爽,而且亦到四維的商店看看,Diana都未行到入其他店就已經買東西了,拿……有相為證架,她都唔知我影她架,哈……。其他東西雖然好特別,Diana都話,唔買看下都開心呀!不過呢個有燈的相架,有人又忍唔到手囉!我們一到spotlight又買了好幾樣東西,都係手作嘢。大約下午2時45分就要離開了,因有人打來快快叫我們回家了。



\



星期二, 11月 20, 2007

Hand Made Lace Work

Hand Made Lace Work


最近重拾當年讀書時的手藝,就是鈎物啦!以前讀書時出名手功好,經過多年無再接獲,再次拿起鈎針、鈎線、鈎書,真係頭疼,成日鈎錯,要鈎一塊都成两個幾鐘,但經過幾晚的練習,終放手藝返晒來啦!好快又一塊!


但原來一鈎開就不能停,好想快快完成它,看看成品是如何呢?可惜,每次鈎完都唔係太平渦,真係要花多啲功夫了!





你換咗未?!?

你換咗未?!?


早前因為看見地鐵賣廣告,買「新假期」可以用$20換一套三冊的日本旅遊天書,早前「U」換北海道時錯過了,所以今次一定要換,每一次買「新假期」時,都好快賣晒,只淨返一本,好難或好容易就買到两期,但換的當日,19/11開始換,一早到指定商鋪,心想,應該早呀!必定換到,誰知一問,換晒啦!咁幾時再有呀!唔知架,可能要幾日呀!吓!心諗!唔係掛,一出就換晒,重要等幾日,心心不快就走了,放工,6時左右,再去看看先,可能有呢?誰知見到有人在商舖拿着3本類似的日本書走出來,又見到有人排隊換,快啲,咪又換晒,幸好!重有好多,終於換到啦!好開心!真係未去都先興奮呀!



上两期「U」都換旅遊天書,不過呢個地方不用坐飛機的,就是澳門啦!我都有換,都是用$20換的,點解澳門都換,因為爸爸原產地都是從澳門過來香港的,所以爸爸的親友都在澳門,所以時時都有機會返去,認識下澳門,等第日回澳門都可以四維去玩呀嗎?





星期一, 11月 19, 2007

Blog聚@都會海逸酒店―禮物篇

見近排大熱,個個都講緊的鳳梨卷又點可以唔出手呀,所以早一晚就開工整鳳梨卷作伴手禮,做完都成凌晨1時半了,所以都比效眼瞓,但有朋友相聚,我就好自然咁精神起來啦!



而今次收到FUNPUCCA 的芝士蛋糕杯,好好味,第一時間不是自己食,而是子曦拿了在手中,回家立即食食食,就係咁,要在子曦手中取回先可以品嚐到到,結果就一家3口食一個杯杯,如果有多幾個咪好囉!



亦收到A La Claire Fontaine- Wendy 朱古力,


她又知我好喜歡朱古力架,叻!



亦有芝麻綠豆官 的禮物包,內裡原來又係朱古力製作禮物set


還有一本好可愛的筆記簿呀!



多謝各位的禮物呀!雖然唔係個個都有禮物,


但這次的blog聚係開心快樂的,沒有陌生的感覺。


Blog聚@都會海逸酒店―美食篇

相約一行6人的blog聚,有Cindy ;又多一位Cindy A La Claire Fontaine- Wendy FUNPUCCA 芝麻綠豆官 及自己呀!


今次相約到紅磡都會海逸酒店,因為Cindy 有會員證,原先都會有拆頭的,誰知她有3張證,變相就可以2人同行1人免費啦!咁我哋每人半價就可以食到咁美味的食物,半價即是幾多錢呢?每人連加10%都係$90,你話底唔底食呢?真係要再次多謝Cindy ,因她是帶病都出來見面的,她真係好病,無神無氣,希望她好好休息,快啲好返啦!


餐廳地方好濶落,倆個人坐4人枱,真係好舒服,不足半小時,全場就已經坐滿客人,而且樓底好高,每枱傾計都聽不到,雖然我們坐的位置比效濶,計傾都比效困難,感覺大家都好斯文呀!有3位是已經見過面的,有3位都係第一次出來blog聚及第一次見面。感覺好溫暖,因一開始就知道有四位都是基督徒,所以好特別,而且我們坐的位置都照顧第一次出來的Cindy A La Claire Fontaine- Wendy 芝麻綠豆官 ,沒有因為我們見過面而冷落未見過面的朋友的;感覺都幾好,下次都可以再出來聚聚呀!


講返食物,好多嘢食,好多選擇,特別甜品種種都好出色,食得出是用心做的,而且還有好多都有金鉑,一點都不馬虎架,熱食都有多款選擇,她們不是大堆頭的食物,而是每款都是精要,亦未必每樣都食得到,但每樣嘢都好有水準,而我今次食了两碟熱食後,其他都是食沙律及甜品,真係食到好飽啦!


這間我都會再來,如果有Cindy 响度,成日來都底呀!


 


沙律及焙酥皮田螺



plzza



雞串燒及豬頸肉



好出色的豬腳仔



日本酸菜



日本酸菜



楊技金露



好好食的拿破崙



密桃細批



重有



好好味的甜品


看返原來我都食咗好多甜品呀



星期日, 11月 18, 2007

☆蘋果批☆

蘋果批


之前做鳳梨卷時,還有皮淨了,所以用來做幾個蘋果批,今次主要是想做一下蘋果的餡料,大家看看有沒有興趣嘗試下。但這個批皮無真正批皮實,所以一脫模就會散及黏着模子。





3寸模4


 


材料:


批皮(自行找食譜)


1.      批皮放入模中做型,用义打釘;


2.      餘下的批皮整散,用於放入批面。


 


肉桂蘋果餡:


無鹽牛油        20g


肉桂粉            1/8茶匙


粟粉                10g


蘋果汁            100g


紅蘋果            200g


提子乾            17g


 


步驟:


1.      先放牛油在煲中用細火煮容;


2.      下其他材料煮,沸騰後再入粟粉用細火煮至濃及收水離火。


3.      先將預先做好的皮批用180度焙8分鐘;


4.      取出批皮後放上煮好的肉桂蘋果餡;


5.      再放上散的批皮用180度焙25分鐘至金黃色。