星期六, 8月 16, 2008

被困澳門@北冕(2)

可惜,第二天早上起來打開電視,8號北冕來到,看看窗外,真係幾大風喎!點算呢?


 



惟有早點食個免費自助早餐才算啦!簡單一餐,但其實都幾多選擇,不知不覺都食了一小時多,走時發現原來又排晒長龍,哈……叫子曦爸影底先,因為實在太無聊,再在商場走走……




幣啦!


發現全個商場都水靜河飛,店舖一間都無開,人流聊聊可數,最多人是餐廳,甜品店及賭場,今次真係發霉,酒店要11check-out,真係拿着行理在酒店商場自由行嗎?後來到接待處問一問可否遲些check-out,你們可以12時再打電話來問問呀!後來回到房間,無聊之下,食過早餐後,睡魔又急call,瞓到12時才致電接待處,1時要check-out呀!幸好,多了幾小時休息。




 交回房間後,8號波都唔知幾時先落,看看自助午餐幾點先,原來都幾長喎!可以由11時半食到5時半,邊有咁長架,不過就幫助我們有個窩可以藏身,由1時食到4時半,哈……真係由主菜食到甜品,再由甜品食返主菜……幾勁。



之後成日心思思想出去,可借,風實在太大,連車都無點出呀?都係等發霉啦!又在商場無意識地打圈,原先陌生的地方,而家可以做導遊啦!誇張地講,可以諗得出張地圖啦!最衰就係連店舖都唔開門,行行下咪同子曦爸玩自拍啦!哈………



後來再出去看看情況,原先8時半船票,但都好想快啲回香港,點知見到有人排隊等車,我們就八八卦卦問一問,原來他們都係無聊無事做,排定囉,哈……唔係掛,完全無時間表,8號波又唔知幾時落,咁早排隊???


當時係未夠6時,無計,人排我們又排,大家一齊無聊,因為實在好想快啲走呀!




等了又等,問了又問……都係未落波,但收到料,香港已經轉了3號波啦!希望又進一步,等……


終於排隊的人由不認識到傾計,由企响度到坐响地下,由未肚餓到又買麥記,你話係咪好利害,十足十排書展一樣,你話好唔好笑,真係未嘗試過呀!




不到8時,收到料,落了波啦!報時,810分有接駁車,立即上車走人,去到碼頭,又係要排隊,因有船票先落船,無票就要等明天啦!


但這8號波的第一班船並不好坐,外面黑黑,極道大風,浪又高,十足十鐵道尼號沉船之前一晚,大風大浪就快沉一樣,這晚我無食過東西,因為我遇上這情況而坐船,總有作嘔的情況,幸好有一支通鼻的薄荷膏頂住,但在船上開船不久,已然有幾位靚女靚太抱着個嘔吐袋由開船嘔到落船,落船後重嘔緊呀!幸好我們平安回港啦!快快回家。




哈……這晚我們沒有接子曦回家,因為實在太遲又累了。


第二日還有大造作,大家留意分享啦!



 



星期五, 8月 15, 2008

澳門之旅遇台風(1)

85-6日預算去澳門,放底子曦到奶奶家住一晚,這是子曦第一次不在家瞓,不知習慣呢,但總有第一次呀。


+++++++++++++++++++++++++++


前一晚發燒,第一日早上發現發燒發到102度,整個人很不舒服,身重重,成晚發燒出汗,還不知可否起行呀,與子曦爸商量,他都不建議出發,一早看醫生才算。


船票已經買了,而我家樓下的醫生最早是上午8時半,10時船都還可以趕到,所以子曦爸一早帶子曦到奶奶家,而我就落樓下看醫生,點知坐下不久,醫生打電話回來,話要850分才回到來,唉……一邊等、一邊好辛苦、一邊又心掛掛趕不趕到船,好想快啲可以離開,但又無理由掛住玩,有病都唔看醫生,重要係發燒添,當時測試過都有101.6度呀!


============================


醫生回來,我是第一個病人,因為之前都看過她二次,她知我發過燒,我話又發燒啦!醫生話:「你又發燒?」係呀!可能曬過,因為昨天去了游水呀!醫生話:「你燒完又發燒,咁會幾煩喎。」我今日還要去澳門,明天先返,醫生話:「你約了朋友呀!」唔係!同老公去玩呀!醫生話:「怕你有病發症,我開啲抗生素過你,轉一轉啲感冒藥啦!」看完醫生,取了藥,九秒九走人,其實應該食了藥才坐車,但實在太趕了。


----------------------------------------------


到了碼頭,感恩的只是945分,剛剛落船,落船坐好,食了藥,瞓了一小時,整個人都精神了很多,已經無再發燒啦!感謝 神的看顧及保守,這次原先都諗着好好去澳門休息及四維行下,而家真係要好好休息。


一到步,就坐車到威尼斯人酒店,check-in好就可以取房,當時是上午接近12時,本來應該是下午3時才可以取房的,放下行理,到酒店行下,這間酒店真係令人會嘩嘩聲,很豪華,好高貴,一入房,真係好大,好靚,特別是洗手間,真的是夢的厠所呀!


 



因為有點肚餓,到food count食個快餐,可惜,萬不會再食,又貴又唔好食,特別是第一間日本章魚燒個間啲牛肉鳥東,一碗都要成$5x,兩個人食兩個快餐都成$1xx,算啦!話晒都是酒店,但其實都不是,只是酒店裡面的商場呀!



食過飯後,看看節目表,原來有場唱歌表演。




因為是參加了旅行團的優惠套票,所以有很多特別優惠,有免費貢多拉船坐,還有買一送一的自助午餐或晚餐,亦有其他的套餐優惠,還有免費導遊,但我們沒有選擇。

 



大家看看貢多拉船游運河呀!酒店有3條運河都可以去坐船的,如果要比錢坐,大人$80,小童$60,包船$320(大約1個大人x4),求婚最啱……哈……


船長專程由意大利來澳門當船長的年青人,大部份都唱得一口意大利及英文歌,我們這位就只來了澳門三星期工作,有談有笑,多多表情,可以說是有敬業精神。



本來諗着拿優惠卷食自助晚餐,嘩……原來沒有預設訂位服務,要10人以上才可以訂位,其他人便要先到先得,唔係掛……我們見到5時就有人排隊了,真的這樣好食?


後來我們外出走走,不久就下着雨了,我們到魚人碼頭行下,因為從未到過觀光,最可惜雨越落越大呀!感恩我們有帶雨傘,如果不是下雨,真係可以影好多靚相。



後來我們選擇在這裡的「非洲村」食自助餐,食物都算可以,勝在人不多不用排隊呀!這裡出名燒物,真的不錯,特別係羊架,因為沒有時間限制,足足用了兩個多小時,這裡還有菲籍人士現場唱歌助興,這位男結他手是用反手按結他線架,好好笑,又彈到喎!食過飽飽後回酒店好好休息,第二日再向外走走……




星期三, 8月 13, 2008

1號風球@船河慶生日


84日星期一早上掛起1號風球,心諗,還可以出海嗎?


但其實昨天退燒都唔好玩得咁盡,但約好晒,又預備了蛋糕啦!子曦又放暑假,出發啦!最多唔落水啦!


到了尖沙咀,見到好友,船亦來到,嘩……這輪船都幾大喎,都幾新,還有牀、有兩個洗手間、有冷氣房、有可以煮食的廚房添,這輪船係朋友公司,可供員工租借,重係唔使錢架,這間公司又幾好喎!還有船長、一名幫手及有姐姐清理,飲品還是免費任飲,食物就一個家庭帶一份,都幾好呀!




因為打緊1號波,所以都好清涼,因風大,不方便向東行,所以選擇了近西貢的一個沙灘落水,本來剛病好唔想落水,但見到個個都下水,子曦又無理由唔玩架,所以照玩,可惜無拿相機到沙灘,無得以留住子曦怕水怕沙的可愛場面,但最後都玩到濕晒,而我大半時間都在岸上及拿太陽傘,怕再晒親,但都有下水浸下身,可惜個日個身無掃太陽油,背脊都晒到紅晒呀!



這個沙灘好細,又人多,在海上都有1020輪船,真係暑假啦!咁多人都不用上班架……




玩了幾小時後回到船上梳洗,之後在船上休息,其實我都怕子曦玩得忘形跌了落水,成日叫住他,而子曦就在船板上玩蜘珠俠……笑死人呀!




子曦最愛藍色,所以勁愛這張彈彈牀(子曦形容),所以在這裡玩到忘晒形……




一早安排了這晚食海鮮,因打風,所以到西貢用餐,船就開走呀!


食到一半,我發現自己真的又再發燒,今次真係晒親啦!發覺有啲發冷,是發燒的明顯徵兆,立即食粒退燒藥,成個人都無晒心機,連影食物都只係影到這款,食同影相都放棄了,這晚回到家中,瞓得不好,成晚好熱………


心諗!幣啦!第二天還要去澳門玩兩日添架………點算呢