YY Book's Shop@滿瀉

書……係買不完的，上次大折已經買下幾本書，行街總會見到書店大減價，還用信用卡可達半價添，點會就咁行過書店門前呢？

====================================

這本用信用卡可有8折，本來無諗過買，但見有折，買來當參考書，因為裡面的麵包真係好農村，加上用鮮酵母，而且還要浸葡萄酵母，我這個初哥相信都唔會做到，但見識下都是學到嘢的。

這本麵包書經sammi推介，8折下買了，但原來我都買貴了，因他的價錢提高了再減，但亦是一本好書。

 

==================================

 

某間書店大折已過，但都入去看看有咩書先得，搵下看下，又碌卡，雖然無折，但用信用卡還有九折，都買啦！

 

這本果醬書是看了貓姐介紹，她都買了一本，但諗，未必買到，因為從沒有看過，但在不經意下，還是給我看見，看了幾頁，原來用不同有趣的水果做果醬，還有示範用這種果醬做甜品添，都是不錯的書本，但紙質就不耐用了，翻閱時都要小心啲。

這本一早想買，想買的時候還有8折，但在翻閱時，其中一部分，第42頁開始至唔知多幾頁都是翻轉訂裝，看了又看，還以為是這樣添，後來同店員講，他無理會就放下了，所以無買。

但後來又在某書店看了，雖然只有一本，亦只得九折，見她還新淨，所以買下，這本書好得，每款芝士蛋糕都做15cm，細細個，一人一啖又不用多，而且紙質我好喜歡，影的相又好農村，而且還有16款蛋糕分量加大的食譜，真係可大可細呀。

 

還有這本相信出了好一段時間的朱古力書。

 

用五穀雜糧養事典這本書真係好好，

解釋所用的果仁，穀料有什麼好處，亦有食譜提供。

 

誘人甜品這本書想買好耐，但未行動，見有折，

買多一本都唔係太過份呀！哈……

 

相機不是我的專長，

這本相機書是子曦爸在大折買下唯一的一本書。

平靚正餐具

介紹最近買下的餐具，不是太貴，但好有特色，如果你們有機會都行下，必定能有件滿足你心意，全部都是特價場所買的，集中在旺角洗衣街旺角火車站橋底一帶。

歐陸色餐具座，白色印有灰色玟瑰花，多謝$45，配多一個同花不同款的碗，有蓋可入微波爐，多謝$35。

 

這支耐熱刮刀，只售$5，超級底買，在譚才記，相信是貨辦，看見的時候非常污穢，亦只有一支，想買多支都無呀！

愛透明玻璃用具的我，行過這間店，腳就停下，雖然店裡地方不大，但大部分都是賣透明玻璃用具。店名：Slicer Sun 洗衣街137A地下。

 

這款碟子，厚身，花紋特出，每隻都係$8。

這個透明玻璃瓶，簡單得來又實用，只係$12。

 

這三隻碟係同款不同尺寸，喜歡它碟身邊有得意公仔，碟內平平，大的可以放8寸蛋糕，中的尺寸可放6寸蛋糕，細的亦可放一两件蛋糕，N年前在clipper店見到都好想買，但好貴，某天行開見到，原來平了很多，大$39.9，中$21，細$19。

 

咁平點會唔買呀！你哋都快啲去睇睇啦！哈.....哈......

☆白之戀人曲奇☆

☆白之戀人曲奇☆

這款曲奇想整好耐，相信是在一年前，當時在這位Blogger★° ::::. ★ heLen♂TSang ☆::::☆°看到，一真想開工，但一直被時間所遺忘，最近又看到貓姐做了，所以又憶起了她，快快買了白朱古力。

昨天，肚子痛，又肚疴，應該不關星期五「一班惶蟲」食飯之後肚痛的問題，可能又食錯東西，所以回到公司後不久，都是回家休息。到下午，又心動想開工，所以做了這款白之戀人曲奇。

但卻發現，我的新焙爐溫度有點不同，比當初買回來的時候，溫度好像底了20度，因為焙第一盆時，都焙了成15分鐘，還未上色，咁薄都唔上色，再看看爐內的溫度計，原來底了20度，再開大了，才見上色。焙第三盆叫做見得人呀！以後要記住，要比現時爐溫大20度呀！

這款曲奇好容易做，但唯一要有這款膠格仔模，食落有點似，但當然無正貨咁好食，而且個餅乾有點不像樣，正宗的應該點做呢？

溫馨提示：

1.      餅乾太薄，爐時要多加留意火路，好容易焦。

2.      加入白朱古力餡時要小心，因為太大力，餅乾好容易脆裂。

3.      白朱古力可轉用朱古力。

4.  第二日食會更好味。

曲奇材料：

貓姐提供食譜

無鹽牛油        150g

糖粉                60g

全蛋                30g

蛋白                15g

低筋麵粉        180g

做法：

1.　將牛油打至軟身；

2.　分數次加入糖粉及打至奶白色；

3.　加入蛋和蛋白再打滑；

4.　篩入低筋麵粉拌勻；

5.　用方形膠模片將粉團抹勻於膠蓆上；

6.　用刀抹平，刮去多餘的曲奇料，小心除去膠片；

7.    以120度焗約10分鐘至金黃色。

白朱古力餡：

白朱古力        200g

淡忌廉            20g

 

做法：

1.　先將淡忌廉加熱，放入白朱古力，再隔熱水座溶；

2.　最後唧在曲奇上，兩塊夾在一起即成。

食譜出自「餅房手記」P.105

 

___________________________________________

 

亦可參考以下食譜：★° ::::. ★ heLen♂TSang ☆::::☆°提供食譜

材料：

牛油 90 g、糖霜 90 g、低筋麵粉 110 g、蛋 1 pcs、雲尼拿香油 1 g、白朱古力。

做法 ：

1.      牛油室溫放軟；

2.      加入糖霜、 麵粉，輕手用膠刮拌勻；

3.      將蛋、雲尼拿香油加入，混成粉糰；

4.      將粉糰抺平於膠模上；

5.      預熱焗爐 180度焗 7 - 8分鐘；

6.      將白朱古力座溶，唧於曲奇上，兩塊夾好即成。

溫馨小Tips：

1.      白朱古力本身已好甜，所以餅乾甜度可再減少，我只用 60 g，相對愈唧得多白朱古力饀就會愈甜。

2.      呢個曲奇好簿身，好快會金黃，焗爐火力唔同，焗第一盤先好好睇實，先掌握火力，免焦。

3.      可改用黑朱古力。

 

 

愛印章@靚靚鏡子

某日行經旺角某商場，其中一間店主要是賣日本進口貨的，

亦佈置精美，看見必入去行一轉，看了又看，

見到這幾款新返的印章，好靚，還有木製的盒子裝着，好精美，

想了一會，愛美的我就決定買了幾盒，

其中两盒其實手功麻麻地，但圖案及公仔真的很有趣，但係中國製造。

 

 

 

印章櫃$88

木盒豬豬套裝$98

 

而這款本質及圖案真的比效出色，

雖然沒有木盒，但有8款圖案及加有四色印台。$72。

 

 

愛鈎東西的我，見到這款鏡子都會愛不釋手，

雖然貴了點，都買了下來呀！多謝$99。

 

 

☆楓糖芝士布丁☆

☆楓糖芝士布丁☆

 

柔軟、超滑、好有彈性，做了3杯，分了两日食晒，楓糖好有蕉糖的味道，配合真的非常好味，但子曦爸講，太奶味了，已經轉了豆奶，但我都有此感覺，但口感是非常得，下次可以轉用不同味道。

       食譜要買書參考啦

 

有心人@一班蝗蟲

上星期五晚相約Diana到醫院探望Cindy，但原來烏GG、Karen及 Tan Tan都是這天到訪，所以探望完後一齊食飯。

心掛掛了幾天，本來想下星期一才探望她，都是不放心，所以星期五放工相約Diana起行，見到Cindy，精神都幾好，但因為之前幾日不能進食及飲水，所以要留院吊鹽水，加上周身體痛，聽她講，24小時食止痛藥，所以都可以，亦可以進食了，因為身體情況欠佳，我們都繼續為她及一家祈禱，亦為她爸爸及天皇祈禱，願我們所信的上帝都給予他們平安，有神的愛與憐憫與他們同在。

本應就Karen返學，所以決定到又一城食飯，但實在太多人，還要等位，在煩惱之際，收到Karen話唔來食了，所以我們選擇再到九龍灣食飯，因為九龍灣多選擇，我們坐的士時已經選了餐廳“嚐越”，是Diana的推介，還不停叫嘢食，想食就叫出來，哈……你話我們係咪好肚餓呢？特別是Tan Tan不停叫肚餓，又話頭暈，哈……係餓到不得了。

坐下無耐又收到Karen來電，又話來啦！哈……你都是一位心野的人呀！同我一樣，有朋友咩都得。

我們選了滙豐卡優惠套餐約$2xx，及其他食物。

 

小食拼盤

 

海鮮咖喱

 

南乳燒雞

炒雜菜

酸辣雞絲水晶粉

豬頸肉

必食甜品，係因為大家都愛甜品呀！

芒果糯米漢堡

紅豆沙

 

Tan Tan同Diana的椰青

烏GG既越式滴漏咖啡原來係用煉奶沖架！  

我這天沒有帶相機，所以食得好自在，就因為肚餓不停食，可能食得太多、太雜，所以走時有點肚痛，本來諗住可以頂到回家，但一入地鐵閘口，上了月台，面都發涼，感到自己會忍唔住，所以與她們分手後走回商場去方便，真係好肚痛，不過完事後都感到好了好多。

相信她們都好擔心，回到家中就收到Diana，原來我回到家中，她還在路途上，哈……

哈……下次肚餓都時，唔會食咁多啦！

因為沒有帶相機，相片由Diana blog借用，謝謝你呀！