星期二, 12月 18, 2007

索罟灣@『美味海鮮宴』

到逹索罟灣,感覺就好像西貢一樣,不過就無咁大,無市區,只有沿海建築物及商店、海鮮酒家,還有小型魚排,一個好寧靜的魚港,感覺就只是到此食一餐,行一會就會離開的地方,要玩的地方不過,但亦可以比$20去海岸不遠的魚排參觀,我們5時半先到遠,子曦爸的同事早到就出了去,但就勁大風,參觀的都是與海洋生物有關的東西


我們在索罟灣行了一次都不用10分鐘,坐下食了杯雪糕,當然最想食就是子曦啦!不過他講不是好凍,而係好酸呀,我食一口,真係幾酸喎!



見到有個婆婆賣花生批及椰子批,買來嘗試下,$106個,一點都不好吃,不過都幫襯下啦!



他們一早訂定了這間天虹海鮮酒家,呢間係最大,有幾間分店都是同一條街,你話,10分鐘的沿岸都有幾間,你話大唔大型呀!不過都有不同酒家的,提提大家,好多都有免費船坐返中環及尖沙咀,都幾方便。



我們有10個大人,1個子曦,叫了一個套餐。全部都好新鮮,好好味,價錢過得去,10款連生果,多謝$19xx(包船票)



當食到生果,子曦最愛的火龍果,一食就食了四件,係全部的份量,你話他大食,唔係,因為食飯就唔多,你看子曦食到幾好笑,食到個面都有酒窩,哈……哈……呢張相真係好可愛。


各位姊姊哥哥我靚唔靚呀!



我們食6時半,坐755分船出中環,在船上初期子曦都好地地,食了两塊餅乾後就有小許扭計,又要抱,轉來轉去,還以為他又眼瞓添,誰知落了船,想與他去IFC洗手間,坐升降機時竟然嘔吐,在升降機的其中一位女士送上紙巾,但子曦已經全身都是嘔吐物了,幸好外套無事,但子曦一點都不怕,重講:「我對鞋好污Jo呀!」但其實無咩污Jo,不過都扮下嘢幫他抺下咁啦!


在升降機嘔吐,部升降機都不停上落,無人願意入來了,但我們有責任要清理返,唔會就咁一走了之,嘩……子曦爸好嘢!清理到好似無發生過位何事一樣,而子曦亦是,嘔完之後成日人醒返晒,重跑來跑去添,真無修呀!不過一心經營的海鮮餐就嘔返晒出來啦!


想起子曦可能暈船浪呀!感恩幸好落了船先嘔,如果在船上或在我身上就煩啦!


各位唔好意思,原先係一餐美味的海鮮餐,最後都被子曦………打破了。


 


南丫島榕樹灣―索罟灣海鮮團


今個星期日返完教會崇拜後,就與子曦及子曦爸向南丫島出發,因為之前子曦爸與同事相約這天行山及食海鮮,選擇這地點是一點不難,加上天氣非常好,輕鬆又好舒服,全程約2小時,但我們選擇上了風力發電的大風車,來回要花多1.5小時。



首先到吉之島買一點午餐後坐地鐵到中環坐船到南丫島,本來諗着坐船子曦會午睡,但又食嘢,又看船,所以都沒有午睡了,下船再相約子曦爸的同事,原來都已經到了山頂,因他們早到食飯先行了,無計,唯有自己慢慢行啦!不久,子曦竟然扭眼瞓,都知有此一著,所以都帶備印尼揹帶,方便上肩頭,原先這是子曦爸的重任,可惜他前天打籃球整親舊傷,不能揹起子曦,唯有頂硬上啦!嘩……最初都無咩,一揹就揹着30磅人仔1.5小時,重要上山落山,重辛苦過當年行2日揹着大背包的山頭霸王』,真係有點虛脫,腳都軟。不過感覺好溫馨,子曦重可以在我懷中睡着,睡得好甜,好像當日BB的時候,好喜歡抱他入懷,子曦2歲半了,他日再大一點,真係無力再揹起他,亦無咁溫馨,雖然而家成身軟晒,但這是直得回味的一刻呀!



上到風力大風車,真係好正,好大,好有勁力,當日有點風,所以風車不停的轉,在這裡坐了一會,看看人來人住,這裡好多外籍人仕居住,好有外國的風情呀!影相當然少不了,當然這刻我都沒有氣力再影相了,全部交晒比子曦爸。


不久又下山了,落山容易過上山呀!大家唔好忘記,子曦重未瞓醒,當時想,子曦瞓了見不到這巨大的建設,真有點失望了。


 





全程行了一大半,子曦重未瞓醒,但去到紅勝爺灣,我竟然要去洗手間,我真係勁,單手都可以去厠所,一去完子曦就瞓醒了,但他在我懷中不動聲色,眼望望,被我們發現時重响度暗暗咀笑添。終放可以脫險啦!



子曦全程都行不到1小時,不過他都好開心,跑山、落鈄路,重可以玩狗狗。


源路都好多美景,還有好多特色、特別的商店,這裡還有一個有機栽種,我用$13買了一包芥蘭。




到逹索罟灣,預備開飯,大家密切留意美味海鮮宴。待續……


 


 


星期日, 12月 16, 2007

一天3次的blogger相會@ Auntie Goo 菇菇姐、Angel & Smallcow(3)


Smallcow大肚又行了一會,所以由Angel帶路先到餐廳,我們亦是經過看見這間餐廳,就腳又方便大家坐車,亦不太多人,抱着嘗試下就決定這間餐廳,由我在街上等Auntie Goo 菇菇姐了,會合後,坐在餐廳,四人而坐,可惜沒有sofa位,但坐位都叫人舒服,但燈光比較暗而且有點睡意,亦由於Auntie Goo 菇菇姐不知Smallcow會到,所以沒有預備禮物,Smallcow好好笑,話等Auntie Goo 菇菇姐耐久吓喎,其實我耐久先係,我無一早話比Auntie Goo 菇菇姐知,有Smallcow的出現呀!


 


我們由7時坐到9時半有多,因為我們早前食了下午茶,所以只有不停叫肚餓的Auntie Goo 菇菇姐叫嘢食,但我們只叫嘢飲呀!Auntie Goo 菇菇姐好好笑,又想講嘢,但又要食嘢,只有我們三人傾計,她又想講,終放好快咁食晒半碟飯,我們開始投入話題了,亦是離不開青少年問題,叫我有小孩的及SmallcowBB的都大為得益,真的要教好一個好孩子,父母的角式真係不可少,亦比大家一個好好的場所去舒發心情的時間了,相信這次的聚會,大家都是真心、愉快的相聚。




 


當然又少不了交換禮物的時間啦!好開心收到Auntie Goo 菇菇姐親手做的『湯種合桃無花果裸麥包』,真係好好味!我當時無食,因好想回家影相,但Angel Smallcow就立即瓜分了一個啦!亦想不到Auntie Goo 菇菇姐為我們預備了聖誕節禮物,真有點唔好意思但又好開心,因我無預備額外的聖誕禮物給她,Auntie Goo 菇菇姐我一定會補反比你架。


 





 



 



 


Auntie Goo 菇菇姐的套餐有湯、麵包及紅酒牛尾意大利飯,出奇地好食,還有足料柚子茶。



 


Angel的榛子咖啡。



 


Smallcow的朱古力飲品及朱古力曲奇,可惜這個曲可係用消化餅加朱古力。



 


我的榛子朱古力飲品。



 


這間餐廳特色在全部都用Cat Cat有關的杯碟,


當然最吸引是有真Cat四維行,四維瞓,如果喜歡Cat Cat的一定好喜歡架。