兒童玩物@迷你玩意

這是放在櫃中好耐沒有砌的節日玩意，應該都有半年以上了，這款比平時個套會大少少，連個盒及包裝都是大少少的，因組件會多一點，而且製作精密，每一樣都是活動自如，就像實物一樣呀！而且平時個款是$17.9一盒(共十盒一套)，而這款係$24.9一盒(共十盒一套)。聖誕節將近，不如就開了它，放在當眼處啦！昨天上了http://re-ment.co.jp/綱，原來她們都是放了這款出來，不過我都買了好耐，應該唔係新款呢？可能是聖誕節啦！

 

還有少插曲的，話說當晚砌完後同子曦爸講，子曦見到一定會拿來玩，因內裡有迷你車車，迷你波波。

誰知第二天早上，子曦走出客廳，第一時間已經見到這款新嘢！他拿起自己平時取物品的椅站着，高高的望着這盒迷你玩意，我正在洗手厠卻聽到子曦講：「好靚呀！好靚呀！好靚呀！」講了三次，我就望出去同子曦講，「嗱！唔好掂呀！睇咋！唔玩得架！」我就繼續擦牙，但成個過程我都再聽不到子曦講嘢！好靜，平時不是這樣的，一定好多動作，好多聲音的，我擦完牙出去就見到我不想見的情境，就是子曦從高處取了這盒玩意下來，重打開了，整跌了一件扭扭機，而且他手中就拿了部迷你車車了，原來他真的看中了部車仔，我立即唔開心，我話只可以看，不能動嗎？點知他重唔開心過我，重大哭添，我唯有比忚玩一會啦！誰知他又看中波波，要求取波波，我話唔可以了！

真係比我講中子曦的行動呀！

 

三個由細至大的聖誕節的禮盒，是可以放禮物的，還有火雞呀！

呢部車就是子曦看中的第一目標。

報紙是報導這款迷你玩意給人熱愛程度。

你看！每款都好精細，呢個係麥片扭扭機，真的扭扭下會跌下星星麥片的。

返學書包都是打得開的，學習椅都幾可愛架。

還有小朋友的軟糖呀！

超市貨品！

還有BB的便便鴨鴨、玩具及BB食物。

曲奇、蛋糕的製作！

你看！一疊的書本，每本都可以打開，還有好精細的線條。

而這款扭扭香口珠亦是扭時跌下香口珠架。

迷你波波是子曦第二目標。