星期一, 7月 16, 2007

140707母親大人生日飯局

母親大人生日，的大日子，又是上返上次老豆生日食個間，APM利苑，今次我無做蛋糕給媽媽，因妹妹免費換了一個两磅的COVA蛋糕，原來妹妹講，這間是意大利餐廳出的蛋糕，出名好食喎！食落又真係好食呀！係一個芒果蛋糕，外型無咩特別，但原來連海綿蛋糕都好有芒果味，喜歡整餅我我，又點可以唔研究一下個蛋糕點做呢？她好像是將芒果海綿整碎，一層碎的芒果海綿蛋糕，一層忌廉，一層芒果肉(茸)，再一層忌廉，如此類推咁，好簡單的做法，但就好好味。

你看，子曦每次出外食飯都唔會食晒，但這cova蛋糕就完全食光呀！

但我就做了两款蛋糕杯給他們作禮物，但發現原來我家好多成員係唔喜歡綠茶味的東西架，真係氣死人啦！加上我的作品又好像有點失手，所以更加不受歡迎，我細佬一口食落去，我問他係咪唔係幾好食呀！呢果細佬真係太值接了，講：唔係唔好食，而係好難食；真令人氣頂呀！心諗，都係自己失手啦！所以無出聲，但今日自己嘗試一口，食落又唔係喎！又幾鬆化呀 (不過當然可以再鬆D會好D啦)！甜度又剛剛好，綠茶味又足夠喎！點解唔好食呀！原來係大家都唔喜歡綠茶呀！下次都係唔整綠茶啦！但榛子蛋糕杯就好受歡迎啦。

大家唔好意思，我因用了新相機，唔係太掌握到呀！而且D相影得太大，下戴唔到落BLOG呀！要慢慢整呀！

羅漢果飲品，但味道真係好有味，好似飲苦茶咁，但對多痰係好有益，這是最後一瓶啦！

這是紀子糕點呀



發佈者： 於

21 則留言:

  1. 麗達2007年7月16日 下午3:53:00

    等你呀...

    回覆刪除
  2. c2007年7月16日 下午4:21:00

    我平均每月都會幫親一次Cova，佢D cake 都真係唔錯！

    回覆刪除
  3. 何師奶2007年7月16日 下午5:10:00

    哈哈~~ Hallelujah@YYCake  : 我同你屋企人一樣，都係唔係幾慣綠茶味o既甜點，因為我第一次食綠茶雪糕時，硬係覺得好似食緊我做facial D mask o既味道咁，真係到而家都未接受到呢，反而飲綠茶又冇問題喎  Cova ｄ蛋糕真係幾好味呢，我出親尖咀多數都會買番ｄ番屋企食，雖然食落真係好心甜，但比錢買時都幾肉赤，因為一買就幾件，成條紅衫魚就咁就游走咗......

    回覆刪除
  4. Josephine2007年7月16日 下午5:15:00

    點解你唔RE-SIZE D 相才UPLOAD上BLOG?! 我每次都會整細一半SIZE架!!

    回覆刪除
  5. yvonne yycake2007年7月16日 下午5:37:00

    整完啦!!!真係要整足成大半日呀!!

    回覆刪除
  6. cook_simcindy2007年7月16日 下午7:02:00

    COVA蛋糕呀！ 芒果蛋糕我食架！ 利苑你覺得正唔正呀？係貴d，但我同天皇幾鍾意食架！杞子糕天皇好鍾意食架！ Remarks：仲有，有一個software叫ACDSee 6.0，可以一次過resize d 相架，好放便，可以一用呀！

    回覆刪除
  7. Joy Ho2007年7月16日 下午8:48:00

    好豐富的晚餐 ~~

    回覆刪除
  8. GRACE2007年7月16日 下午10:43:00

    我阿爸就聽日生日, 哈..... 祝所有爸爸媽媽都身體健康, 每日都開心快樂.

    回覆刪除
  9. Vianne2007年7月16日 下午11:03:00

    cova 蛋糕喎, 大人細路都忍唔到口啦....

    回覆刪除
  10. Anonymous2007年7月16日 下午11:39:00

    伯"有"嘅生日原來同我細佬一樣, 祝大家都生日快樂, 兼且身體健康

    回覆刪除
  11. Jessica2007年7月17日 上午12:13:00

    咁啱o既？我星期六晚又係食咗COVA蛋糕呀？但就唔係呢個，係芒果芝士蛋糕，都好正！你呢個我都好想試！個樣好似好好味咁！

    回覆刪除
  12. Irene2007年7月17日 上午9:20:00

    咁啱o既？我媽咪也是 14 號生日喎 ! 但我做的蛋糕失敗左 (祝伯母生日快樂)

    回覆刪除
  13. 愛食先生 與 E人仔2007年7月17日 上午9:37:00

    你囝囝個食相好認真呀!!!! 好似食家一樣!!!!

    回覆刪除
  14. sau man2007年7月17日 上午9:47:00

    happy birthday to your mother

    回覆刪除
  15. eosc12182007年7月17日 上午10:55:00

    真係好似好好味,好想食呀!!

    回覆刪除
  16. CheungChris2007年7月17日 下午1:15:00

    cova既cake真係好好味架 (貴得有道理)  我一家人都鐘意blue berry cheese cake, 唔會太甜, 好正。 你地都叫左好多餸喎, 幾多人一齊開飯呀 ? 好最like壽飽 & 糖水, 係咪紫米露黎架 ? 好想同你地share, 食個夠, 不過唔想俾錢 (講笑咋)

    回覆刪除
  17. sukiyummy2007年7月17日 下午2:45:00

    我會好鍾意食綠茶gor wor.....我都有同事話cova既 mango cake好好食!!!!係唔係真架????

    回覆刪除
  18. yvonne yycake2007年7月17日 下午4:15:00

    集體回應:
    麗達 整完了.
     


    little four 我真係第一次食咋,失禮啦!!
     
    何師奶 我老公某日都係咁講呀!!原來cova蛋糕係咁貴架.
     
    Ｍｍ＆Ｊｊ 我之前部相機係唔便架,因size唔大,但d相就好靚,可能機的問題啦!!而呢部機就一開始要set返細d,如果無set就每張相好大,超過2m,咁就upload唔到上來囉.
     
    Cindy 呢個芒果又真係好好食呀!!
     
    都可以,貴就真係貴咗d,但有時我會覺得他的食物太重味呀!!可能晚飯啦,但飯茶我就未嘗試過.杞子糕又真係好有杞子味呀!!都唔錯喎!!
    多謝你提供呀!!去研究下先.
     
    JJ @ Love  係呀!!
     


    GRACE 我都祝你爸爸生日快樂,身體健康,家人和諧呀!!
     


    Vv 係呀!!個蛋糕無得淨呀!!
     
    綠蛙 你細老都一齊生日呀!!生日快樂呀!!!
     


    第一百隻羊 邊個生日呀!!有無個蛋糕相看下呀!!
     
    sweet Irene 最重要係心意呀!!你媽媽都好開心的.
     


    Keiko 哈...哈...其實我擔心他手上的义呀!!好尖....
     
    Jenny Wong 多謝您!!
     
    喬媽 係呀!!!
     


    ChrisLin 好似好多,但我哋成15人呀!!又食得晒呀!!
     
    SukiYummy~~~~~^o^ 係啦!!綠茶咁好味,都無人識欣賞呀!!
     
     
     
     
     
     
     
     
     
     
     
     

    回覆刪除
  19. Jessica2007年7月24日 上午1:19:00

    Sorry! 唔記得影相呀！其實係我教會兩個姊妹，佢哋兩個生日相隔一日，所以咪一齊慶祝囉！

    回覆刪除
  20. yvonne yycake2007年7月24日 下午2:46:00

     

    第一百隻羊 下次記得啦!!咁難得先做蛋糕幫朋友做生日....

    回覆刪除
  21. Jessica2007年7月28日 上午12:56:00

    個蛋糕唔係我做o架，我邊有咁叻，都係喺COVA買o架！

    回覆刪除

訂閱： 發佈留言 (Atom)