唧咀大比拼

家中前前後後都買了好幾款的唧咀，有大有細，有好嘢，有平嘢，應該話，越買越貴，越靚，點解？愛蛋糕的人，亦愛蛋糕的好拍擋，好的東西，好自然就會買，不過當然要看自己的能力或值唔值得買啦！

而這套(盒)唧咀是早前買落，沒有給大家看過，因發現唧咀太細，只可用來唧忌廉，亦唧出來的花細細的，只可用唧些細花，但點解要買，只因鋼水實在太靚，好幼細，沒有駁口，還有個唧袋及接駁器，好一套唧咀，在baking warehouse 買的，多謝成為$68。

以下是這幾年買落的唧咀；

第一個：最大的是最近亦在baking warehouse買的，好正，鋼水好出色，無接駁位。平均$15一個。

第二個：是第一個同一系列，一套三款買的，只是唧出的花是不同款色。平均$15一個。

第三個：在二德惠買的，無駁位，但鋼水無咁靚；要$13一個。

第四個：亦是在二德惠買的，有駁位，鋼水無咁靚；要$6一個。

第五個：呢個係有6款的，這只是其中一個，連一個膠的唧筒，要成$6x一套。最近見到千色店賣$78。(原來昨天再行過見到$85先真呀)

第六個：就是上圖個款的其中一個。係靚嘢呢架。