Fit & Match廣州退修之旅(三)

繼續寫未寫完的廣州之行呀！

行完街街，大家都諗，可以準時6時回到酒店食晚餐，誰知因行得太遠，坐巴士又唔到酒店門口，落車重要行多15分鐘，回到酒店都已經6時20分了，原來我們不識路，行了一個大運，所以又遲了。而两位無出去的牧師就行來行去，因唔知我哋做咩咁遲，所以坐唔安食唔落囉！

大家抱着疲乏的身軀，坐下，一開飯就食食食，大家都好肚餓了。

晚餐亦是8餸一湯，好豐富呀！

食過晚飯，又係訓練的時間，當然如中午一樣，食過飯後的訓練，唔係好習中到精神呀！不過，我哋係好專業的，就算幾想瞓，都要頂硬上呀！

2小時又過去了！又到自由時間啦！大家都好想外出，晚上當然又另一境況啦！大家都越夜越精神。

不過我與Easter一早約定，會到酒店內的足底按摩做全身按摩，到逹時都已經9時半了，$100有45分鐘全身，再送15分鐘足部按摩，話比大家知，我咁大個人，不超過3次全身按摩，足部都係第一次，哈……哈……係咪大鄉里呀！而且重以為加$25可以修腳皮，修完才知係修腳甲咋……比$25只修腳甲，都幾貴喎！

 

當我們諗着比錢，卻發現唔見咗個錢包，好驚……真係好驚！平時都唔好呢家嘢，一出場就咁麻煩，重要响大陸唔見錢包，又有身份證，又有回鄉證，Easter同我一樣，立刻搵下自己的袋，她又好緊張咁，我個錢包呢？但搵真d，她的仍在，而我呢？立即同她們的員工講，走回頭看看豆先按摩的房間，因在那裡換返條牛仔褲呀！一走入去，我腳下就踏到d嘢，原來就是我的錢包呀！點解會見唔到？因全場都好暗架……暗到只見到d人影行來行去，你話邊見到架！想了一會，原來我拿條牛仔褲出來時，褲帶錢包一齊拉了出來，錢包就跌在地上了，幸好！一點東西都沒有唔見，如果唔係，我都唔知點啦！

 

呢個就係我唔見佐一分鐘的錢包啦！我重用緊回鄉證……哈……哈……