中秋樂在西貢區

難得一天的假期，點可以留在家中呢？而且天氣十分好，又有溫和的風，老公成日講，好想出海，出海？又留下我們在家，當然唔會啦！不如出外行下，入西貢啦！都好喎！一程車就到啦！而且又是大自然，離開城市，對子曦及大家都好呢？

食過早點，幫子曦再看醫生(又看醫生，係呀！子曦還有小許咳及鼻涕，而且不停流，唔看多一次都唔得呀！今次已經是連續第4次看醫生了，希望唔好再看啦！)看過醫生後，3人行就坐巴到逹西貢碼頭，但子曦可能食了藥，所以坐巴士時已經瞓了，好呀！可以安靜地食個午餐啦！哈……哈……

一到就要食嘢，因好鬼肚餓，去西貢又點可以唔食呢間好多人去的車仔麵呢？好出名的，又多人去，成日都排晒出龍架，她出名係個湯底，而且豬手係特別推介的，好美味，但有時唔係太“琳”，所以今次無食，而且老公食了早餐又好飽，沒有食到呀！

行到不久，子曦咳醒咗，又要與他食午餐，今次選了「M記」食粟米及飲嘢，但好可憐呀！亦好驚訝！因我們等坐，等的一枱有3個女仕起身讓個坐給我們，而且無啦啦送了個「M記」兒童餐的玩具給子曦，這時當然好開心啦！但通常食完「M記」，好少人會自行張自己的餐後用品放在垃圾桶內，所以枱上留下人家食完的氣水杯，我起身想拿紙巾，一時不留情，子曦好快手咁拿了人家飲完的氣水杯放了入口，重吸了一下添，我立即大叫，呀…………子曦，唔係你架…….立刻用紙巾同子曦擦下個咀及舌呀！好驚……………

後來沿着海邊，碼頭行，沿路都好多人，但就好有假日的氣氛，人人都好和藹，而且好多人買沿海船上的新鮮海鮮。而且還有好多人放狗，好似看狗展咁呀！

走到碼頭，發現好多人放了好多長火對着個海，部部機都好勁，唔靚都唔放出來，做咩呢？原來是影飛鳥食海裡的魚，嘩……真係要好有耐性呀！但一有隻鳥飛過，大家就嘩一聲，好有氣氛喎！

走到海灘，子曦好怕D沙，因好少與他行沙灘，他講：好驚，好“烏jo”呀！

我話：唔係呀！係沙呢架！唔係烏jo”呀！

他都係要我抱，後來爸爸幫他除鞋話玩水，他才肯行沙灘咋。

你看，老公隻腳d戰績，一黑一白呀！

看見沙灘上的風帆，又想起好耐無出海，老公問我，還懂得玩嗎？我答，都可以架，老公當然無問題啦！一有風就出海，而自己就自從有了子曦就無出海了，呀！唔係，好似有了子曦幾日時，唔知道都出過海一次呀！

其實子曦都與我們一齊出過海喎！唔知他當時只有幾日大，有無暈船浪呢？

子曦好可愛，無啦啦自己玩人力車，沿路d人見到他自己拉自己的bb車，個個都笑他，呢個bb咁可愛架，呀！又幾好玩喎！有一對年老父夫見到都好好笑，還影底子曦的有趣樣添。