繼130907培媽媽覆完診，本來約了Icy去我家做蛋糕，因她有個朋友生日，所以順便約她行下Three sixty ，過得海當然要行下，看看有咩特別的東西可買，但因未食嘢，便與Icy食下嘢先，我們選擇了Three sixty的Food court，免行來行去呀！用$125食了個pizza及意粉。
再行下Three sixty，後來被我發現好想買好耐的呢支嘢，上次去時找唔到，亦可能無貨，但今次有呀！當然要買啦！原來有大同細支，大的要$114，細的$65呀！有59ml，都可以接受啦！所以就買了回家，但其實我還有香蘭子種籽及香蘭子未用完呀！哈…哈…都係人有我有呀！(Angel 我終於買到啦！哈…哈…哈…) 
後來Icy決定唔做蛋糕啦！不如行下街算啦！嘩……好呀！我都唔係好想做呀！子曦在家，奶奶在家，鐘點又在家，如果重開工做蛋糕，都唔知幾時先收得工呀！後來再決定去尖沙咀citysuper行多一會，買了一包胚芽，原來小麥胚芽都有得買喎！又唔係太貴，重分有機同無機添！買包有機小麥胚芽先，用來做蛋糕、曲奇、或飲品時放d入去都好呀！成日見人家叫胚芽奶茶，自家做下胚芽豆漿、胚芽好立克都幾好呀！其實都係買來玩下咋……多謝$23.5呀！
city super有 胚芽? 我都即刻去入貨先.
回覆刪除跟住就係等你的作品出爐了
回覆刪除胚芽~正呀～可以做胚芽奶茶
回覆刪除收獲豐富呀﹗過一次海抵晒。
回覆刪除胚芽可以點用呀~~
回覆刪除之前都買過胚芽，除左整包仲有乜用途呀?
回覆刪除bigheadMABEL@草/ 小欣子 我相信可以用來焙曲奇,做雪紡蛋糕,或放在凍餅上都可以的,另可作凍飲時加入去,如胚芽奶茶一樣....
回覆刪除期待你的胚芽作品呢
回覆刪除咪行到你腳仔軟 ??? 哈哈哈哈
回覆刪除行到腳仔軟囉...香港九龍一天超市遊呢
回覆刪除我想問呢樽vanilla香油同普通細細枝平好多既vanilla香油有乜分別呀??
回覆刪除你見到心心人?? mug 你o係街見到我咩?? 我個衰樣同你心目中有咩分別呀??
回覆刪除sounds like a really fun day! ur blog is full of happiness (and food!!!)
回覆刪除個 peter仔好唔好味 ?
回覆刪除haaaaaaaa!初初未看到內文!而為你又整pizza,又可以跟你學野haaaaaaa
回覆刪除呢支香 蘭子我都打算買呀
回覆刪除Three sixty我都未有機會去行吓
回覆刪除集體回應: Jenny Wong 有呀!!重有分有機無機呀!! 綠蛙 未諗呀!!買咗先算咋... 師奶仔Love2 一包好多,可以做好多杯添...
回覆刪除Angel 係呀!!媽媽看得返嘢,自己又做了一餐,重買到原先想買的嘢呀!!
嘉露物語 好呀!!不過都未諗呀!!
Chrislin/ MoMo 雖然小時間,又真係幾辛苦呀!!
幸福小女人 - Diana 你個樽係咩呢架...我呢樽係香蘭子原汁出來的,可以用1-2滴就好足夠啦!!係天然的,超"龍"縮架.
Karen 我未見過你,係張相度咪有個紅心心人囉,你....因你個大豆相比我的印象係好鬼馬,而你呢張相就好甜囉
Southern Gal thanks,你多d入來留言呀!!
GG 雖然都要成6x,但都唔錯喎!!!
曲奇小欣子 你係咪重掛住個薯仔pizza呀!!
A La Claire Fontaine- Wendy 買呀!!唔係成日有貨架...其實citysuper都有,牌子唔同,無細支,亦有分三種成份...都幾多選擇,但就貴d,不過除開都可價錢都可以接受,但又真係好難用得晒,而且要看日期...
堯堯(from傻媽) 都係去開過海先有機會咋....