為了要在週六子曦飯局時食到生日蛋糕，所以要在24日放假一早起身預備了两個海綿蛋糕，後十一時出發去了長洲看巡遊，回來再製造；晚上回來，將海綿蛋糕搽了糖水，及波波做型，然後做了雜莓果醬慕斯部份，第日再做雜莓果冰部份及上面個琳面波波，而且還完成添。
不過當做面妝飾時就一波三拆，本身想用糖粉打起，用唧袋唧條電車路後放部火車頭車仔，唧完後放回雪箱，點知…溶了，還化開添，後來決定用糖膏，諗着糖膏一定無事啦！又溶了，還溶得好難看添，後來決定不如唔做啦！當然又要整返好個蛋糕樣，用返忌廉唧花算了。不過糖膏放在朱古力上是沒有影響的。點解會溶呢？可能果凍出水呀！水會便糖溶解呢？無錯，應該係啦！
材料實在大長太多，好難記錄，而且材料亦沒有完全的一份食譜，唯有自己編寫一份啦！但……幾時寫好。我都唔知呀！！
看住相片先啦！希望你地明白步驟啦！ 
果汁是上次响太古超市買的,用來做慕斯,加了50g果汁開果醬,味道真係野味d.
雜莓果醬响馬莎買的要$40,不過美中不足就是有種籽粒响裡面,食落有粒粒.
是公平貿易蔗糖做的(支持下,支持一下)
呢盒雜莓係IFC CITYSUPER買的,都要成$78.
想用糖粉打起加色用唧袋唧一條電車路,點知溶晒,要修改呀!!!!
你看,子曦的渴望眼神+流晒口水,你就知個蛋糕幾咁好食啦!!!
沒有留言:
發佈留言