上两星期，帶子曦返學時，一不小心擦傷了子曦的腳，第一時間當然有點痛，但都無咩事，但回家一洗白白時就知道好痛，子曦講：「好痛呀！受傷啦！」，立即哭出來，又要媽媽抱，又要媽媽錫，我話：「不如貼膠布好嗎？」，「呼…呼…好呀！」點知貼完一張又再貼一張，一貼就貼咗5張呀！重唔比我吔動添，要等他睡着先可以除下呀！
真係好好笑呀！笑c人啦！小朋友真係好天真，好可愛呀！
子曦前日又發作啦，又係两行大鼻涕蟲，重好黃好綠添，病好都無二星期，又要看中醫啦！食了两日藥，點知眼仔有好多污垢，好似將鼻涕放咗响對眼度咁，因為從未見過，子曦爸還以為子曦擦鼻涕時擦了在眼仔上，我話有無咁嚴重呀！咁都擦得上去，後來看他對眼又真係好快又有眼垢，看真些，一定唔係擦上去的，而且重有啲紅腫及水腫，一定有事的。
回到教會，問下啲有經驗的媽媽，原來子曦好熱氣呀！有咁多眼垢，要煲多啲竹庶水給他飲呀！所以翁太就在涼茶店買了支菊花茶給子曦，唔該晒呀！e……想真啲，自從沒有在奶奶家，由嫂嫂接放學，回家雖然有湯水，但真係無咩煲呢啲清熱飲品呀！做媽媽真係一啲都唔簡單呀！突然好掛住奶奶添！
開完會就到子曦表姊接回子曦，再看多一次中醫，同中醫講，咁多眼垢一定係熱氣啦！又要食多两日藥啦！
我個臭豬都好鐘意玩膠布,不過佢係貼係我地身上!因為貼係自己度除嗰時會好痛~~~
回覆刪除其實佢唔係熱氣呀~係因為個鼻塞左連帶d流線都塞埋所以攪到眼仔發炎~通常病得嚴重就會咁!!!因為耳鼻喉係相通~~
[版主回覆11/02/2007 15:25:00]子曦玩時都唔知會痛,但當我c下時,他就知道啦!重大哭添...唔比我c呀!!
係呀!所以第二日同他看西醫呀!!而家好返了...
陰公囉,咁多膠布,真係睇見到肉赤呀
回覆刪除[版主回覆11/02/2007 15:25:00]哈....笑c人啦!!!只係一處受傷咋...
鼻涕...眼垢... 做媽咪真辛苦!!
回覆刪除[版主回覆11/02/2007 15:26:00]係呀!!好慘呀!!
希望子曦快d好返呀，小朋友病就咩心機都冇晒~
回覆刪除[版主回覆11/02/2007 15:26:00]多謝你呀!!
小曦都病咗成個幾月都未清尾呀!!
我仲以為佢擦傷得好犀利tim...原來係玩膠布
回覆刪除希望子曦飲多d清熱飲品會好返好多喇
[版主回覆11/02/2007 15:27:00]玩.....咋.....
係啦!!都有飲,唔知係咪學校學生個個都係咁!!!
子曦好攪笑呀！我個仔都係咁，好鍾意貼膠布架．．．．
回覆刪除你用溫水濕條毛巾仔（開條新毛巾，專係幫佢抹眼），幫子曦抹眼垢啦，否則好容易發炎架．．．．．我個仔細個都係咁架，唔駛擔心！
[版主回覆11/02/2007 15:28:00]多謝你指教呀!!
不過再看多一次西醫滴眼水啦!!
昨日我都煲咗夏枯草比我家大老爺同小姐飲呢~ 入秋後會好燥熱呢，所以耐不耐都要煲番一次半次涼茶呢~
回覆刪除[版主回覆11/02/2007 15:29:00]係啦,真係要啦!!
下次你煲開,煲多一份比我呀!!唔該....
子曦真係好得意呀 ! 佢係真係傷左咁多度, 定係貪得意周圍貼呀? 貼咁多, 除果時就痛死勒! 聽日開始天氣會涼d, 星期六得番19度咋, 你同子曦都要小心唔好冷親!
回覆刪除[版主回覆11/02/2007 15:30:00]多謝你關心呀!!都開始拿返d佊出來啦!!
子曦咁嗲...你做父母既一定俾佢嗲暈~~ 貼多十塊你都無問題啦..haaaaaaaaa
回覆刪除我咁大個女都好少飲涼茶個D... 都無人煲俾我飲... 依家大左, 我食西瓜當飲涼茶咋...
[版主回覆11/02/2007 15:31:00]呀!!你又知.....貼咁多好浪費喎.....
食西瓜當涼茶....又得喎!!
但食得多會好涼架.....
你可以自己煲下啦!!你大個女啦!!
嚇c我啦, 見到子曦貼咁多膠有, 好彩, 原來係又一可愛之作.....做媽媽真係辛苦啦.
回覆刪除[版主回覆11/02/2007 15:31:00]係呀!!玩下姐...
玩貼膠布？哈哈 子曦真可愛啊~
回覆刪除現在病好了點嗎？
[版主回覆11/02/2007 15:32:00]玩下.....之嗎???
好返小小,但都要小心再凍親,咁就煩啦!!
子曦對腳仔好肥美呀, 又肥又白, 好得意呀
回覆刪除你朋友講得岩呀, 子曦好熱氣, 要飲d涼茶清一清先得, 煲五花茶啦
做人mami好艱難架, 樣樣都要記住, 我一個月會煲2次涼茶, 2 次紅早水俾denise飲, 又要補下又要清熱架
[版主回覆11/02/2007 15:33:00]呀!!咁都比你看到,肥肥白白好可愛呢???
我都要學你地,要留心d,煲多d涼茶補湯先得啦!!
Haaa, I thought he really hurt himself SO BADLY....
回覆刪除Make some barley water for him to drink too, it is good for everyone in the family, take it like water. Adults don't need to add sugar, for kids, maybe just add a little bit of rock sugar or sugar melon.
[版主回覆11/02/2007 15:35:00]多謝你教路呀!!
都會嘗試下的,但已經買了密糖比子曦,是小孩食的,都成$100支架......
子曦好搞笑呀~細路仔真係天真無邪！要做一個要返工又要揍仔的媽咪真係唔容易...
回覆刪除[版主回覆11/02/2007 15:36:00]係啦!!!
有了小朋友真係周身唔得閒.......
噢.......子曦佢除膠布時怕唔怕痛呀 ?
回覆刪除我好怕除膠布 ........因為d膠會黏著我d手/腳毛 ~
[版主回覆11/02/2007 15:37:00]怕,重大叫添,知痛呀!!
所以唔比我c囉...
我等他瞓咗先可以c下來咋....
我一見張相就笑左出離!!!
回覆刪除你有時去開涼茶鋪, 買支"竹庶紅蘿蔔水", 都work架, 我亞囡成日飲!
[版主回覆11/02/2007 15:38:00]係咪好好笑呢??? 都係架..無時間都要在出面買都可以喎!!
查實有幾多塊膠布下面真係受左傷?依家好返未呀~?^^
回覆刪除[版主回覆11/02/2007 15:39:00]一處地方受傷呀!!
好返啦!!
但病就重有小小未好囉...
哈哈 ~
回覆刪除做咩貼咁多張架 ^^
下次小心d喇~~
[版主回覆11/02/2007 15:39:00]係呀!!好好笑..
下次會慢慢行囉...
可能小朋友覺得咁多膠布好型都未定,我之前睇電視,有個中醫講,話小朋友唔可以飲太多涼茶,會對體質有影晒響的
回覆刪除[版主回覆11/02/2007 15:40:00]型????
係呀!!唔可以飲咁多涼茶???
咁熱氣都要飲小小架....
依家天氣好乾燥呀...除咗幫子曦清熱...仲要煲多啲滋潤嘅湯水呢...
回覆刪除[版主回覆11/02/2007 15:40:00]係啦!!
真係要啦!!
煲咩好呢???