Blog聚@都會海逸酒店―美食篇

相約一行6人的blog聚，有Cindy ；又多一位Cindy ；A La Claire Fontaine- Wendy ；FUNPUCCA ；芝麻綠豆官 及自己呀！

今次相約到紅磡都會海逸酒店，因為Cindy 有會員證，原先都會有拆頭的，誰知她有3張證，變相就可以2人同行1人免費啦！咁我哋每人半價就可以食到咁美味的食物，半價即是幾多錢呢？每人連加10%都係$90，你話底唔底食呢？真係要再次多謝Cindy ，因她是帶病都出來見面的，她真係好病，無神無氣，希望她好好休息，快啲好返啦！

餐廳地方好濶落，倆個人坐4人枱，真係好舒服，不足半小時，全場就已經坐滿客人，而且樓底好高，每枱傾計都聽不到，雖然我們坐的位置比效濶，計傾都比效困難，感覺大家都好斯文呀！有3位是已經見過面的，有3位都係第一次出來blog聚及第一次見面。感覺好溫暖，因一開始就知道有四位都是基督徒，所以好特別，而且我們坐的位置都照顧第一次出來的Cindy ；A La Claire Fontaine- Wendy ； 芝麻綠豆官 ，沒有因為我們見過面而冷落未見過面的朋友的；感覺都幾好，下次都可以再出來聚聚呀！

講返食物，好多嘢食，好多選擇，特別甜品種種都好出色，食得出是用心做的，而且還有好多都有金鉑，一點都不馬虎架，熱食都有多款選擇，她們不是大堆頭的食物，而是每款都是精要，亦未必每樣都食得到，但每樣嘢都好有水準，而我今次食了两碟熱食後，其他都是食沙律及甜品，真係食到好飽啦！

這間我都會再來，如果有Cindy 响度，成日來都底呀！

 

沙律及焙酥皮田螺

plzza

雞串燒及豬頸肉

好出色的豬腳仔

日本酸菜

日本酸菜

楊技金露

好好食的拿破崙

密桃細批

重有

好好味的甜品

看返！原來我都食咗好多甜品呀！

☆蘋果批☆

☆蘋果批☆

之前做鳳梨卷時，還有皮淨了，所以用來做幾個蘋果批，今次主要是想做一下蘋果的餡料，大家看看有沒有興趣嘗試下。但這個批皮無真正批皮實，所以一脫模就會散及黏着模子。

3寸模4個

 

材料：

批皮(自行找食譜)

1.      批皮放入模中做型，用义打釘；

2.      餘下的批皮整散，用於放入批面。

 

肉桂蘋果餡：

無鹽牛油        20g

肉桂粉            1/8茶匙

粟粉                10g

蘋果汁            100g

紅蘋果            200g

提子乾            17g

 

步驟：

1.      先放牛油在煲中用細火煮容；

2.      下其他材料煮，沸騰後再入粟粉用細火煮至濃及收水離火。

3.      先將預先做好的皮批用180度焙8分鐘；

4.      取出批皮後放上煮好的肉桂蘋果餡；

5.      再放上散的批皮用180度焙25分鐘至金黃色。

又來相聚@龍門客棧

本身沒有想過上星期與Cindy食完一次飯又會再見面，誰知一放假，Cindy又來電相約見面，今次就選擇在我家附近，亦是上次與她食過的酒樓，愛它沒有什麼人，食物過得去，但今次叫的食物都比較肥膩，所以Cindy都怕怕了。

本來Cindy經我鼓勵下做了brownie，今天帶來給我品嚐，可惜，她都是要再做多一次啦！原來鼓勵別人，不一定有回報的，哈……哈……Cindy唔緊要啦！下次再做過。

今次的見面，又加深了大家的認識，亦可以暢談心底話，亦互相鼓勵及關心，與她相處其實都幾舒服，在談話中，她確實是一位不段依靠 神的兒女，凡事相信，凡事都能等候，我都相信上帝是與她同在的。

瘋狂買嘢！！！

上星期六到尖沙咀食飯之前，與子曦爸行行商場，在海港城中有一個特賣場，時時都有好多超平的東西，所以一有機會去開，都會特登看看有沒有好嘢賣，誰知是家品喎！作為一個不是百分百的家庭主婦的我，都愛入廚架咩，一見到家品，當然不會放過這次機會，一定要看看先！

竟然比我見到蛋糕用具喎！第一時間就走前看看(係走呀！)真係超興奮，都無理有無失禮人啦！而且重比我發現好想買好耐的蛋糕模，就是silicone貝殼模及水泡模，而且貝殼模重有两個，水泡模重有一個呀！一於拿起手先，原來每款都係$30呀！原價好似係$7x-$8x一個呀！好底好底呀！其他都是細細個，都好多款式，但無咩意欲買呀！

而且重買了其他東西！

你哋看看！

一個磨東西的用具，$30。

毛巾禮盒，每盒$50，子曦爸買來做聖誕禮物的。

两個係人手製造，意大利出品的樽，都係$9两個！超底！買……

(子曦爸問，你真係買呀！買啦！好底呀！你看，幾特別！邊到都買唔到啦！)，

你買來做咩呀！唔知呀！買咗先算啦！

重有，這裡係最貴的一件，就是一套6件的磁器的碟，1大5細，

最特別就係每一隻碟的花紋都不同，而且重好靚。

$99有6件，平分一隻都係$16.5，你話，邊到買到呀！好似原價係$499呀！

還買了两份生日禮物，送了給朋友仔lu，無影相呀！

一件係Mickey的湯杯連碟，一套Mickey毛巾禮盒呀！

各位好想知呢個特賣場响邊！

看一看呀！

每次都有不同的貨品，多數做幾日，做完就會再做下一個主題架啦！

地址：尖沙嘴廣東道世界商業中心海港城Bazaar 3 樓

(即新港斜對面海港城內搭電梯上)
營業時間：10am-8pm

http://fayecatcat.mysinablog.com/index.php?op=ViewArticle&articleId=267672

 

本篇人氣指數：

          本篇人流指數： 

 

千両@尖沙咀―團友相聚

上星期六，團契戶外聚會，諗着外出食晚飯，又不想是是旦旦，想食自助餐，但好的又太貴，平的質數又不知好不好，所以就買了二本旅遊食評書，選了又選，最終就選了這間在短短幾個月就開了幾間分店的日本餐廳，介紹每人平均消費$150，打去餐廳預留位置，但可惜，原來這間餐廳是沒有預定服務，但如果早到就會有一間VIP房給我們，所以與子曦爸一早就出到尖沙咀，看看這間餐廳的位置，及問清楚幾點到先會有VIP房，她們好好，先留下名字，為我們預備，但都要6：30PM取房，好啦！唯有先與子曦爸行行街，一到6：30PM就去取房啦！

幸好，真係可以取到好的VIP房，但原來這間VIP房冷氣有點壞，要我們投訴(有禮貌的)了好幾次才有少少氣息，相信都座了半小時先有小小冷氣。

大家看看，因為不是回轉位置，有一個無線鐘，是用來叫招待的，至於食物，原來沒有熱食，沒有麵，沒有飯，只有一些手卷、熱湯及炸物，全部都是魚生及壽司，愛好魚生壽司的朋友，這間都是幾好的選擇，都幾新鮮，但選擇不多，貴的又唔係太特別，所以只有多款叫了多次呀！不過就又叫呢款生牛肉壽司，但我就無咩興趣啦！

可能前後都叫了多次副經理來整部冷氣，所以有講有笑，最終請我們食雪糕，有南瓜味，芝麻味及紅豆味，重要每款4碗添(成個雪糕球架)，就因為興奮過度，無影到相添。

今次有位團友仔11月生日，當然少不了生日蛋糕啦！呢個蛋糕要成$200，係City super個間日本蛋糕買架。不過無咩特別喎！

8人食了好多，都飽的，收費：$1027.3。

本篇人氣指數：

          本篇人流指數： 

舒服、愉快的一天

Cindy知道我逢星期四放假，便相約我一同午餐，我們決定大家方便，便到apm的意粉屋，因早食就可以有優惠，所以我們相約11時30開始，12時45分結帳，一份餐多謝$42連加一。

這是第二次與Cindy單獨約會，她與平時一班人的時間好不同的，不會一口接一口咁不停講嘢，其實我感到好舒服的一天，不用咁緊張，不用要顧及每一個人的需要，只是大家享受一天的假日，之後，亦與她行街買東西，我們便在觀塘區走來走去，又去超市，又去蛋糕食材店，這樣就過了一個愉快的一個下午了。

☆鳳梨卷☆@☆鳳梨波波☆

☆鳳梨波波☆

上次做鳳梨卷時，因為用唧咀唧得好辛苦，只做了10粒就放棄了，而留下的鳳梨皮在雪箱，後來相約了柏琪取個模後，回家再嘗試下，誰知因雪了的皮好散，無法再唧了，唯有做了鳳梨波波呀！都幾可愛呀！

而相約了cindy上週四食午餐，而亦知道她好喜歡食鳳梨卷，所以一早起身，帶了子曦返學後就回家再做多一次，因知道cindy不食芝士，所以今次不落芝士粉，用了mommydearest個食譜，做了個皮，但原來cindy唔係唔食芝士，係唔食芝士餅呀！

今次就用了柏琪送給我的鳳梨模，真係好快手，好好用，但個皮好似比效散，但都是用mommydearest喎！只是雲呢拿油減少了，因mommydearest的是用5茶匙，好像不用咁多，所以只用了1茶匙，是否咁會有影響呢？

溫馨提示：

1.     鳳梨買熟啲會好啲，如果無咁熟，可以放一段時間先用。

2.     鳳梨渣得越乾身，越快炒起。

3.     炒鳳梨餡時，如果你怕甜，可以不落冰糖，因新鮮鳳梨都已經有好多糖份了。

4.     焙時一定要放中層。

 

材料：

鳯梨餡料:

新鮮鳯梨       1個

罐頭菠蘿       1大罐

冰糖           適量(一隻蛋咁大)

玉桂粉         1/8茶匙

rum洒          1茶匙

 

步驟：

1.     先將鳳梨去皮、去釘，分割及刨絲，渣乾所有水份；

2.     放入鍋內，加入所有配料炒乾，要不停攪拌，直至乾身離火，放涼留用。

3.     分成10g一粒。

 

鳳梨皮：

低筋麵粉       220g

牛油            130g

糖霜            30g

蛋黃            1個

雲呢拿油      1茶匙

 

步驟：

1.     將牛油打軟，加入糖粉，打勻；

2.     再加入蛋黃及雲呢拿油打勻；

3.     再加入麵粉用膠刮刀攪拌；

4.     入唧袋唧成一條約7cm長，紋向下；

5.     將鳳梨餡用手做成與皮條一樣濶及圓，放在皮上卷起，多餘皮就切去不要。

6.     可以在皮面掃一層蛋汁。

7.     放中層用180度焙14-15分鐘，變金黃色。