相聚@盛八

因為一個「靚」字，我們又走在一起，互相交換禮物，因為Angel 及little four 看中了我的鈎工杯墊，哈……哈……其實真係唔係幾靚，但可以找個藉口出來見下面。

Angel前個星期好忙，所以就約了上個星期四(31/1)晚上見面，亦因為little four愛食日本菜，而且天氣非常凍，所以選了這間『盛八』，是食日本燒肉的，我們選上一個拼盆、雜菜沙津及幾款和牛燒，好好味，最好味係『貴族和牛涮涮燒』。多謝今餐$600。

但最開心的事唔單止係食物，而係講開去旅行，傾傾下，重話6月組團去台灣掃貨添，未出發先興奮呀！而且重話唔要『囝』唔要『公』添。哈……哈……開心到彈起！如果可以一齊去旅行就真係重興奮呀！真係好想立即就起程出發呀！

今次唔係因為啲禮物正，而係好開心相聚的時候，這次真係好開心，好投契，加上這個環境地方好舒服，又因為一枱一爐，好溫暖，成個環境都好正。開心的事真係好快過去，不知不覺又要走啦！

餐單重教我們咩肉配咩醬汁添！

今次little four帶了四塊粉紅葉同我交換粉紅杯墊，呢四塊葉係朱古力呢架，可以做蛋糕時放在上面做裝飾的，好靚！而且亦帶了一張古典音樂CD送給我們。今日聽咗，好好聽，要聽两次先够喉呀！

而Angel就用了這個羊仔印同我交換白色的杯墊，呢個印係用來做咩，就係燒熱它印在蛋糕、銅鑼燒紅豆餅上面的，好可愛呀！還有抺茶蛋糕，係而家最興的做型呀！食了，好好味，子曦都要同我爭食呀！亦有她親手整的合挑提子乾麵包，好香合桃味，好食！

我送出的禮物，有杯墊、杯、提子麵及曲奇。(請密切留意食譜分享)