又正又靚的杯墊

早前買了好幾件鈎冷，亦有幾種顏色，上次鈎完幾件杯毯後就停了手，因為要鈎一張杯毯都要花幾個鐘，或有時錯了又要重新再鈎過，都幾費時呀！比起做一個蛋糕還要用好多時間及精神，但無理由買了咁多鈎冷就放响度，又浪費了它。某日看到一本鈎書及見到一些杯毯都是只鈎一條花邊，中間就用布配襯，所以今次就自己動手做下，雖然比之前快手，但長度計算真係要準確，如果不準，就不能两者配合了，你看！幾靚！重可以用不同顏色的花邊、花紋配不同的色布及花布，哈……哈……又多一樣嘢玩啦！

大家見到這隻花花杯嗎？它的尺寸就好似蛋杯一樣，但想講的是，這隻杯是我當年(N年前)去墨西哥時買的，墨西哥有好多人手做的陶瓷，好多都好靚，人手繪圖的，當年買了成箱寄返香港，一件都沒有打碎，安全到香港架。