惠康刀具活動@為了見你一面

今次得到何師奶推荐，有幸參加了惠康超市換領刀具發佈活動，

本着觀摩性質，又可以見一見大師一面，而且又放假，即管參加。

今次嘉賓是「小儀」及『囍宴』創舉人「Jacky Yu」，我都有買佢兩本書呀。

一到步已經開始啦！靜雞雞找個位坐下，希望無人見到我遲到，

誰知原來坐係何師奶、小琪及何瑪姬身邊……當然即時被人發現啦！

活動當然由Jacky Yu介紹這套刀具，

還有『囍宴』黃師父示範刀功，真的好想買一套回家。

看……大師父可以將豆腐切成頭髮絲咁幼，真係好勁呀！

青瓜也切到很薄、很薄。

桂花魚三兩吓手勢就起晒骨，果然好刀法。

唔知我有了這把刀，做唔做到呢？哈……

今次活動還有遊戲，只要贏了，就可以在枱上揀一把你想要的刀，

愛玩的何師奶當然一馬當先，跑了出去，

就係咁，她就贏了一把全場最貴的切肉刀啦！

玩完遊戲，原來還有小攤位玩吓小遊戲，

只要你答中一條小問題，有機會玩幸運輪，

其中一個格就係「廚師刀」啦！

其他格仔是不同數量的印花。

抱着平常心的我，從來沒有中獎的機會，

可能我要靠實力取勝掛？

哈……失禮晒，講真，我都無咩實力呀！

誰知……一轉，竟然第一個中獎，

取到「廚師刀」的是我。哈……想唔到、真的想唔到。

還有另一個遊戲，也有小禮物，人人有份呀！

最後每位Blogger出席的，都有$50現金卷及10個印花，

今次重唔換齊成套刀具回家，哈……哈……哈……。

 最後也有小食招待每位朋友，是『御品皇』的招牌雞，很好味。

如果想得到這套刀具都唔難，只要由即由開始到惠康買滿$60，

就有一個印花，集齊印花就可以免費換領「德國Thomas碳化鋼刀具」系列，

但星期六、日購物滿$300，就更着數，有雙倍印花，

我都要集齊60個印花，好想換把剪刀。

最後，當然要找Jacky Yu簽個大名啦！

還要同小儀拍照留念。(自製個人口罩，失禮晒，哈……)

 

亦多謝瑪姬開夜車都為我送上禮物，多謝你呀！