暗門做餅@慶中秋

9月30日(六) 晴天

相約了一個月，荷媽要買定材料，因為中秋越近，材料就會無貨，今次我是第二次做月餅，第一次是做冰皮，都好多年前了，其實我對食月餅不大興趣，所以不會專登買材料開工，但有這位每年都會做月餅送給朋友的荷媽老師，今年點會放過她呀！

這次月餅會使我學了很多，特別係包月餅皮時，要做到皮薄餡靚真係不容易，但工多藝熟，也不難做到，但花的功夫及包裝時間不少呀！

這款月餅不太甜，奶皇亦好好味，荷媽之前做了幾個給我們品嚐，又真係幾好味喎！但月餅做好不要立即食，要放兩日回油先得架！

我們這班女工開開心心傾下食下，又到晚上12時，

連放涼的時間及未封口就要趕車去啦！

一行5人，一人二盒迷你用月餅，有兩種口味，

奶皇及連蓉，而且包裝真叫人驚訝，做完出來十足十係買回來一樣呀！

這是荷媽送給我們的中秋節禮物，多謝晒你呀！

你送給我們，我們又點捨得送給別人呢？

還有其中一個女工的巨峰提子乾麵包，但未食又收到另一位女工買了巨峰提子乾給我們，還一人一盒添，你們真是心靈相通，好多謝你們呀！

唔……個日食飯好似未比返錢荷媽喎？哈……下次記住提我們呀！