☆百香果果凍☆

☆百香果果凍☆

 

子曦自從參加了學校舉行的親子旅行後，食過啫喱糖，成日想食，又不想只用啫喱粉開水，所以今次選有機果汁，有益有可以選自己喜歡的味道呀！這款有機飲品好香，好好飲，價錢亦相對其他無機的果汁亦不是太貴，但有點酸，做出的啫喱亦帶酸味，子曦不是太愛呀！所以變成我的甜品，我愛百香果的酸味、香味！

溫馨提示：

1.      百香果果汁因在雪箱取出，所以要加熱才可與魚膠水混合，因為魚膠水遇凍會凝固，變成粒狀，而整體就好難混合。

2.      果汁可選用其他味道。

3.      亦可按個人喜好加入雜果或其他水果。

 

材料：

有機百香果果汁    650g

魚膠粉                    10g

水                            3湯匙

 

裝飾：

乳酪

啫喱糖

步驟：

1.      百香果果汁先預熱為體溫，不用煮沸；

2.      魚膠粉與水混合，再用微波爐叮10-15秒溶解，再與百香果果汁混合；

3.      杯中放入啫喱糖：倒入百香果混合物，放入雪箱凝固；

4.      脫模加上乳酪即成。