鳥結糖@Joyce老師

上次食過Joyce的鳥結糖，二口同聲的話好好味，後來Joyce決定教我們一次，所以相約我們上星期六(24/05/08)到她家，當中有貓姐、查查 、♡yoyo♡、Agnes 、還因事未出席到的eRiCa，Joyce首先問我們，你們喜歡軟身還是硬身呢？上次食的是硬身，我有軟身，比啲你們嘗試下，食了，所以大家選上軟身與硬身之間。我哋！哈……哈……係咪好煩呀！

有Joyce老師做示範，原來食就好好味，但相信自己在家一個人實在無可能做到，還要誠邀一位大隻老先可以，又要快手，又要大力，又要一路打着蛋白，又要快將煮熱有140度或以上的糖漿與蛋白混合，又要一路打一路轉一路落勁熱糖漿，落了重要打，但唔可以慢，眼見打蛋器被糖漿沾著，重打到Joyce的打蛋器出煙，我們立即大叫，幣………啦！會唔會壞呢？而且用完的所有用具，要清洗都要用熱水煮過，因為沾得太多糖，所以做出來的都浪費不少呀！相信會唔見咗10粒以上呀！

 

你看，我們要合力先可以將混合好的鳥結糖倒出，

還一齊瓜分餘下在盆上即將浪費的糖呀！個個都話好好味呀！

後來做型，慢慢冷卻，開始用刀切開一粒粒，好啦！由我做啦，原先還可以切，切了一半，還有一半，但比之前冷卻了，成塊板咁，好硬，好難切，最後要Joyce的老公幫手切了一條，但出來的成品實在包唔到，所以我忍唔住等我來收尾，但知道回家幾日雙手都會好酸軟呢？

 

原來這次出來的鳥結糖比預期硬好多，可能落糖時落得太慢，Joyce好不滿意，好唔想我們取走，我們當然立即起哄，哈……味道真係好好味，唔可以拿走勢死都唔得呀！

 

今次學了好多嘢，特別學習點樣煮糖漿，

點樣拉糖測試完成，

真係要有好好的學問呀！

 

看看還有不聽話帶了拌手禮來呀！

 

Yoyo的玻璃瓶及木义，好實用，她帶來的唔係食物，所以都叫做聽話啦！

Agnes的馬卡龍，好靚呀！原來做了幾盤先得幾粒成功，原來成功係要付出心血架。但其實唔係想帶來，因為做了好多，要人幫手清理呀！哈………

我……都係好似Agnes咁，就係要做實驗，做了好多馬卡龍失敗版，唔帶啲來邊有可能一個人食得晒呀！哈………

重有貓姐一早預定的聖安度唧咀，一人一個，但…………我與Agnes一早行街時到這間店買了，店員話比人預定了，只淨一個，我還想買個大的都無貨啦！都無計！但想不到原來係貓姐……哈……雖然我買了，無要！但都好多謝你一早為我們預備呀！哈……

還有查查，她的拌手禮就是帶給我們開心及愉快，因為她帶了家中的寶具來，就係MOCHA啦！她……真係超級可愛，又聽話，一寸不離主人架，還好似bb咁，好可愛呀！

 

 

 

最後我們選擇在家食外買。