豐富的午餐及豐收的下午@黃夫人/MC

上星期四(27/3)有幸得到黃夫人的邀請，相約MC一齊食個豐富的任食點心，由2時食到3時半，我與黃夫人就2時到逹，先食，先傾計，食食下，MC就到啦！想不到三個人，都食了好多款食物，又真係超飽呀！

黃夫人上次去了日本，特意留了日本手信給我們，還做了提子蛋糕仔呀！這成為我的小茶點了，好味！

你看，黃夫人的禮物有POOH POOH防熱手套及好靚好靚的花花蛋糕托，我真的不捨得用呀！

MC當然會有好味的麵包，今次是杏甫蜜糖麵包，雖然她話做得不好，但我們全家都話好食呀！(杏甫蜜糖吐司)

而我所預備的禮物，希望她們喜歡啦！

之後我們到上海街買蛋糕用品，是我想買一個放涼架，因為新爐是沒有這個架的，舊的就連舊爐送了給朋友了。到了上海街，當然離不開間間都行下，但MC話邊間是最平，所以只到了两間，買了全部東西，但發現我同黃夫人買的吐司模買得賣了成$28，之後我們3個笨太太就膽粗粗拿回去換其他東西，哈…哈……咁又得咗，之後就買返個平啲而且是一樣的模呀！哈…哈……不過相對就用多了錢，買了3個密實盒，主要用來放麵粉的。