子曦返學只是幾個月，但每一日一張字條由老師發出，啲字條多到不得了！昨天又在學校食早餐時嘔吐啦！但有些亦是提醒我們子曦有點咳、帶漏冷外套，但亦有好多是與同學仔爭玩具、又用顏色筆耍花枱面、又唔午睡、睡着又唔肯起身、小便又耍濕褲子、又拍枱、又發脾氣、又整哭同學仔……等，真係無計，小朋友成長都必經的階段呀！不過我實在好欣賞老師的細心、愛心及付出，使每一位小朋友都得到最好得照顧，多謝老師。
上星期天氣凍凍地，我亦放假可以多一點時間預備食物，所以決定打邊爐。
媽媽同子曦講：「子曦，今天我們打邊爐好嗎？」
子曦說：「咩呀？打邊爐？」
媽媽說：「係呀！打邊爐呀！你學校都嘗試過一次呢？」
子曦說：「咩呀！打邊爐？」
心諗：明明响學校做過一次，咁快又唔記得？
立即拿出在學校打邊爐的相片給子曦看，一看，原來學校是教他們的名詞是「食火煱」，不是教「打邊爐」，哈……哈……真係呀！第時都要與子曦一同學習啦！好多對話都要修正返先得。
媽媽說：「子曦，今日我們食火煱呀！好嗎？」
子曦說：「好呀！食火煱！好嘢！子曦、媽媽同爸爸一齊食火煱！好嘢！好開心呀！食火煱！」
你們看，子曦開心到飛起呀！
F
回覆刪除