係咩呢架？？？
大家看到呢樣嘢？
知唔知她是用什麼物料做出來呢？
這是一個飾物盒，
細細個如女仕一個權頭咁大，
她身上有着精細而美麗的人手繪圖，
而且還刻有花紋，
她來自Argentina亞根庭。
是由表哥環遊世界時買回來送給我們的。
估到有小小小奬品，
但未諗到有咩奬品？？哈……哈……
比多一樣提示你哋啦
呢樣嘢係你哋成日都見到的或會常用到的
係食得架
應該好多人都食過架
但多數會整乾先會用架
好明顯啦
星期六, 7月 28, 2007
☆燕麥腰果提子乾曲奇☆
☆燕麥腰果提子乾曲奇☆
靈感來至之前看過Angel做的曲奇，好特別，好有歐陸風味，所以突意做了這款曲奇，出來的味道真好，而且腰果經過老爺親手抄過，特別香口美味，而燕麥片的口感特別好。
這款燕麥片本身是大佬買來做早餐，但因用牛奶開出，不但沒有被浸軟，而且口感好不好，不滑，有粉，所以放在家中，不知如何處理，而且並不平呀！
可能越健康、越天然的食物，是不好食呢？但又點可以咁浪費呀？今次做了這款曲奇，我相信日後會被用光了，而且可能會再買來做曲奇呀！
溫馨提示：燕麥片可加多10g，口感更好。
30塊份量
材料：
無鹽牛油 90g
黃糖 30g
砂糖 30g
蛋 50g
低筋麵粉 140g
泡打粉 1/2茶匙
梳打粉 1/4茶匙
燕麥片 30g(已有提子乾)
腰果碎 50g
步驟：
1. 蛋回復室溫；低筋麵粉、泡打粉及梳打粉混合過篩。
2. 牛油加砂糖及黃糖打至發白；
3. 蛋分3次加入，一路加入一路拌勻；
4. 篩入粉類用膠刮刀輕輕拌勻。
5. 加入燕麥片及腰果拌勻。
6. 用茶匙分成小份。
7. 入預熱焗爐180度，15-20分鐘。
星期五, 7月 27, 2007
一人午餐
昨天，帶子曦到奶奶家後返回將軍澳，要同子曦換返一對細一尺寸的返學白皮鞋，因上次買時，子曦不肯嘗試穿著，還哭起來添，他什至連自己穿著的涼鞋都不肯比我們除下添，氣死人啦！所以只用他穿著的涼鞋作比較，因他是不會喜歡一些未見過的東西，及一些他不熟的物件。
上次爸爸買了一個新背包給他，他只是知道是自己的，但就不肯背起他，昨天沒有用BB車，所以將他所有的東西放入背包，叫他自己拿，誰知，一路背著，就一路講“唔鐘意” 唔鐘意” 唔鐘意” 唔鐘意”，行到落地鉄，在大玻璃門前返光見到自己背著背包，第一時間就要除下，真係無收呀！
換完鞋子後，食了一個一人的午餐，這間是第一次去，不太多人，亦想食一碗台灣牛肉麵，原來一個餐有菜、有一款小食，還有凍飲，我選了牛根粗麵、甜酸鳳爪、還有個甜配菜及凍奶茶；多謝作為$31。不過在拍照時，都有人眼望望呀！快手快腳影完收返部機先，唔係被人拆機添呀！
呢……我用呢種架，得架，之後小肥仔走了，
而我亦見到呢两個女孩子車上買了一點做蛋糕的材料，
我想……她們應該是想做蛋糕啦！
但為何買呢種牛油呢？？唔係嘩！食麵包就一流，做蛋糕好似唔係幾好食喎！
後來我忍唔住，要出聲講啦？
我問：你哋想做咩呀！做咩蛋糕呀！
她們原來拿着一本蛋糕書，比我看看想做什麼蛋糕，原來係紐約芝士蛋糕，後來我們就談起來，還教她們選什麼食材添，講起蛋糕，真係停唔到呀！後來我還同她們講，我有個BLOG架，你哋上去看看呀！
哈…哈…成機宣傳下先，
她們重問我，你好喜歡整嘢食架，你好叻架，哈…哈…
我當然話唔係啦！
因為我真係唔係嗎？
不過就好鍾意整蛋糕甜品囉，你哋記住上我BLOG呀！
要留言呀！
話比我知你哋係你地呀！
唔知，
這两個小女孩會否上來留言比我呢？
☆葡萄蘋果醋果凍☆
☆葡萄蘋果醋果凍☆
『美食』第二擊
這是炎熱夏日解暑的好甜品呀！不單味道酸酸哋，與青提及柚子好合拍添。
早前在《無印良品》買了一枝蘋果醋，都要成$35(200ml)，但就是有機出品，都值得一試。而且亦發現，原來無印良品出了好多現成的甜品，只要加水開後就可享受，不過並不平呀！
昨晚食後感，我原來唔係太喜歡蘋果醋d味，唔係幾好食，但可能我落蘋果醋重手咗，(醋要按返本身的濃度稀色)。
溫馨提示：蘋果醋啫喱可轉用其他味道的啫喱粉代替呀！
材料：
西米 25g
魚膠片 5g
清水 180ml
砂糖 15g
濃縮蘋果醋 50g
青葡萄 適量
柚子肉 適量
1. 水煮沸，下西米用大火煮至中心只餘小白點，熄火蓋煲蓋焗至合透明，冲冷水後備用。
2. 魚膠片放水中浸軟。(但要好快手拿起)
3. 水煮沸後下砂糖至溶解，離火加入魚膠片拌至溶解。
4. 加入蘋果醋後倒入器皿中放雪櫃冷藏凝固。
5. 蘋果醋啫喱取出切碎，放杯中，加入西米、葡萄、抽子後完成。
星期三, 7月 25, 2007
唧咀大比拼
家中前前後後都買了好幾款的唧咀，有大有細，有好嘢，有平嘢，應該話，越買越貴，越靚，點解？愛蛋糕的人，亦愛蛋糕的好拍擋，好的東西，好自然就會買，不過當然要看自己的能力或值唔值得買啦！
而這套(盒)唧咀是早前買落，沒有給大家看過，因發現唧咀太細，只可用來唧忌廉，亦唧出來的花細細的，只可用唧些細花，但點解要買，只因鋼水實在太靚，好幼細，沒有駁口，還有個唧袋及接駁器，好一套唧咀，在baking warehouse 買的，多謝成為$68。
第一個：最大的是最近亦在baking warehouse買的，好正，鋼水好出色，無接駁位。平均$15一個。
第二個：是第一個同一系列，一套三款買的，只是唧出的花是不同款色。平均$15一個。
第三個：在二德惠買的，無駁位，但鋼水無咁靚；要$13一個。
第四個：亦是在二德惠買的，有駁位，鋼水無咁靚；要$6一個。
第五個：呢個係有6款的，這只是其中一個，連一個膠的唧筒，要成$6x一套。最近見到千色店賣$78。(原來昨天再行過見到$85先真呀)
第六個：就是上圖個款的其中一個。係靚嘢呢架。
☆紅莓曲奇☆
☆紅莓曲奇☆
『美食』第一擊！
週六，有弟兄姊妹來家聚會，這天是『美食週』，
所以作天老公接子曦，自己就先回家做一些可放得耐的甜點，先做曲奇啦。
溫馨提示：
如果想曲奇做型靚些，可用一張卡紙捲起麵糊後，
先放入冰格定型，拿出再切。這樣就會好靚、好圓啦！
低筋麵粉 150g
無鹽牛油 100g
糖粉 75g
蛋 25g(半隻)
紅莓乾 40g
1. 先將牛油和蛋回恢室溫；
2. 低筋麵粉過篩；
3. 牛油打軟身後加入糖粉(分2-3次)打至變白；
4. 將蛋小量力入及不停攪拌打勻；
5. 再篩入麵粉用膠刮刀拌勻；
6. 加入紅莓乾；
7. 用保鮮紙包着放入雪櫃(冰格)30分鐘後拿出做型；
8. 放入預熱焙爐中層170。C焙15-20分鐘。
先放入冰格定型，拿出再切。這樣就會好靚、好圓啦！
又唔係我影喎！點解會有架？
鬼馬啦你！
焙緊時，我走去洗白白，
亦無叫老公看火，但他就靜雞雞走去影相，
平時叫你幫我一路做一路影你又唔制，
你無聊之下竟然同我影呢幾張相，
好啦！
見你咁有心，放兩張出來比大家看下啦！
星期二, 7月 24, 2007
☆木綿芒果蛋糕(自創篇)☆
☆木綿芒果蛋糕(自創篇)☆
上次做了個小豆苗生日蛋糕後，有淨一些現有食材，所以用來做一個自創蛋糕，這個蛋糕靈感來自上次母親大人生日的Cova芒果蛋糕的，大家看看似唔以呀！我感覺就有點似啦！但海綿蛋糕就沒有Cova的有芒果味！但味道都有70%相似架！ 其實大家都做到的，非常簡單，只要有以下食材就做到啦！
材料：
海綿蛋糕(切淨)
芒果肉(用淨)
忌廉(適量)
1. 先將海綿蛋糕用攪拌機打碎；
2. 將芒果肉用攪拌機打成茸；
3. 忌廉用打蛋器打至起身；
4. 先放海綿蛋糕碎，用細細力壓平，
再加一層忌廉，
再加一層芒果茸，
再加海綿蛋糕碎，
如此類推一路加上去，
你喜歡幾高就做幾高，
放入雪櫃定型，去模就完成啦。
千祈唔好未放入雪櫃前脫模呀！
老公話係咪唔用模好D，
COVA蛋糕好似無用模，
咁我就嘗試脫模看看，
誰知一路下斜，一時情急，
就變成一隻荷包蛋啦！(抄爛版)。
訂閱：
文章 (Atom)