第一次見面又點可以無拌手禮呢？雖然Cindy唔係第一次見面，但都好早預備禮物給她，我預備了三份禮物，幸福小女人 - Diana的是一個好有『幾米』特色的羊皮手提包及『從女人的故事說起』這本書，希望她會喜歡呀！其實我都好喜歡呢個手提包及這本書，書內是從聖經中選了十二位事奉 神的使女的故事，希望Diana會慢慢咀嚼它啦！
突然好想送一節金句比你呀！「你們要先求他的國、和他的義這些東西都要加給你們了。所以不要為明天憂慮。因為明天自有明天的憂慮。一天的難處一天當就夠了。」馬太福音六:33-34
星期六, 9月 29, 2007
馬拉松式茶聚@拌手禮
馬拉松式的茶聚
日期：27-09-2007 時間：下午2時至6時半 晴天
這個約會已經約了好耐，從幸福小女人 - Diana在杜拜時已經時時講，回來一定會約出來見面，本來只有Diana同我，但Diana又會約Cindy，Auntie Goo 菇菇姐亦會約Cindy，而且大家亦是主內姊妹，而且Cindy我都見過幾次了，不如就順理成章4個天使一齊食個tea啦！就係咁，我哋就約了一齊啦！
亦相約在九龍灣的『Pokka café』，由放我唔係太認邊間打邊間，坐地鐵時便打比Cindy，誰知Diana就打來，原來她們已經約了在地鐵等，我就下一站與她們相遇了，真係開心，未到餐廳已經見到面，Cindy的打扮特別明艷照人，而Diana是第一次見，但從她的BLOG中都知道她的樣子，與真人無咩分別，都係咁靚呀！
我們到逹『Pokka café』就打個好舒服的卡位坐下，一到幾分鐘Auntie Goo 菇菇姐又出現了，她第一時講，我重諗着早到同茄子人食咗個午餐，行了一會才來取位，誰知你哋還比我早到喎！Cindy當然不弱，第一時間就講她遲到，我唔係幫Auntie Goo 菇菇姐，係幫道理，她真係無遲到，重早到呀！只是遲過我們坐下咁咋！
大家都預料會坐好耐，所以就慢慢食、慢慢坐，還想等到3時食Tea，好呀！我都有此一着，叫佐奶奶幫我接子曦放學，我就可以安心，完全沒有掛慮地與她們傾過痛快呀！
但我們一坐下，當時是2時正，唔食嘢又唔係幾好，我們竟然4個人食一個set lunch，哈……哈……係我哋先做得出呀！
set lunch係鴨胸煎雞扒午餐配芒果鮮蝦沙律，還有一個麵包。
第二輪則是脆香厚多士伴朱古力雪糕，還有密糖添來食的。
就係咁！由2時坐到6時半，如果唔係有時間限制，要回家照顧子曦，她們不是要回家或約了男朋友，我們一定繼續傾呀！
真奇妙，神的安排都有祂的心意，如果大家不是主內姊妹，我們都不會將大家內心心處的問題、不能解決的事情、個人見證一一的吐出，在主內是完全明白及理解的，而且亦會互相鼓勵及支持，亦會回家不停為這些事祈禱的。
而我們的交談真係唱所欲言，無一不談，完全沒有理會四周的人，當然最『瘋癲』的都一定係Cindy啦！加上Auntie Goo 菇菇姐的『痴喪』，這俩個天使就好似在對唱一樣，我同Diana就只好望着、聽着，間唔中先可以插咀呀！
Diana與Auntie Goo 菇菇姐初次見面，Diana真係好詩文，好少女，好有陽光氣色，而Auntie Goo 菇菇姐就不是傳聞的慢熱，她其實好熱情架。
依依不捨地，來個熊抱後，Diana就走了，而我們3人就向Ikea出發，各人都買了少許家品就回家了。
唔知Diana走前還有沒有機會再見一次呀！真有點捨不得你……
星期五, 9月 28, 2007
中秋樂在西貢區
難得一天的假期，點可以留在家中呢？而且天氣十分好，又有溫和的風，老公成日講，好想出海，出海？又留下我們在家，當然唔會啦！不如出外行下，入西貢啦！都好喎！一程車就到啦！而且又是大自然，離開城市，對子曦及大家都好呢？
食過早點，幫子曦再看醫生(又看醫生，係呀！子曦還有小許咳及鼻涕，而且不停流，唔看多一次都唔得呀！今次已經是連續第4次看醫生了，希望唔好再看啦！)看過醫生後，3人行就坐巴到逹西貢碼頭，但子曦可能食了藥，所以坐巴士時已經瞓了，好呀！可以安靜地食個午餐啦！哈……哈……
我話：唔係呀！係沙呢架！唔係烏jo”呀！
他都係要我抱，後來爸爸幫他除鞋話玩水，他才肯行沙灘咋。
其實子曦都與我們一齊出過海喎！唔知他當時只有幾日大，有無暈船浪呢？
星期二, 9月 25, 2007
沙田龍華酒店賀中秋
祝你哋個個都快快樂樂，人月俩團圓呀！！！
日期:22-09-07 晚上
未到沙田前相約了柏琪在佐頓地鐵站來過交換禮物，我送的是柏琪8月生日時買的禮物，只是大家都沒有時間再見面，所以就相約了交收，點解是交收，我都有得收，因柏琪去輝SIR學整包，所以她就帶了一部份給我試食，見到時，她送上這個酥皮包，真的熱騰騰，好香，真係如果唔係在地鐵內，一定食一口呀！
今次娘家出外做節，是媽媽做完手術後外出一家人食飯的一次，相約在沙田，一行15人，原來不是咩大街大行，而是在沙田火車站還要行15分鐘，幸好弟弟駕車接父母來，行動不便的媽媽亦有預備輪椅，方便行走，我們源着火車路軌旁的小路行，十分黑暗，誰的選擇呀！咩地方呀！要入村，係村屋個D村呀！行到不久，見到好光的一座酒店，想不到這裡會有間酒店「龍華酒店」，原來都有好多人來食嘢，我問，呢度出名什麼呀？原來是乳鴿呀！哦！想起好耐之前，可以從幾個月之前都話來這裡食飯，但因媽媽身體不好，又時時下雨而影響路程，所以訂了幾時枱都沒有來到，今次真係幾特別的地方。
一入門口，已經被一路掛着的紅燈籠所吸引着，好有中國氣氛，而且內裡還有一個路天的茶坐，好有「雍雅山房」的感覺，建於1938年，裡面好大，有好多大的房間，可以容納好多枱客的，而且保留中國特色的建築物。
而令次食了12款食物，當然有最出名的乳鴿啦！两款都要食，有卥水及椒鹽呀！真係，好好味，卥水特物肥美，多肉，多汁。
而椒鹽豆腐亦好好味，豆腐花都是最有豆味，加上桂花糖食用就好清新呀！
而其他食物就一般，但12樣食物都係$1,536，我們付款$1600，每人都係$100，真係好底食呀！但感到好多味精呀！原來味精真的感好味！
地址:香港新界沙田下禾輋村22號
訂坐電話:26911594
子曦第一次食乳鴿，他好落力係咁食食食，
他細細個就可以食有咁多骨的食物，真……醒呀！哈……哈……
你看，這款最貴的是什麼呀！就是中間的一隻乳鴿蛋呀！大家都唔捨得食，不過就比了子曦食了落肚，我哋同他講，這是掌上明珠呀！他卻講了「廖明珠」呀！成日講：「廖明珠」呢？「廖明珠」呢？
有史以來,呢篇分享是最多人回應呀!!
哈...哈....
訂閱：
文章 (Atom)