☆紅豆綠茶蛋糕☆

同日亦做了這款紅豆綠茶蛋糕杯，但因子曦與老公回來了，亦從奶奶處帶了晚飯回來給我食，所以量了一半的蛋糕材料就要停下來，但不知何解，食了一半就感到肚子極痛，係咪食錯嘢呢？食食下就要去……，還要搽藥油添，停了一會，休息一下，洗個白白後，子曦要瞓了，所以就培他入睡後再做，當時已是11時30分了，可能頭先肚痛失去了好多體力，連做蛋糕都無神無氣，所以這款蛋糕出來的結果不如理想，亦發不起呀！

但點解會這樣，因這款蛋糕是用蛋白令到蛋糕鬆軟企身，就如雪紡蛋糕的原理一樣，但因不是先將麵糊做好才2合1加入蛋白裡，所以當粉類加入蛋糕時，蛋白就好容易失去氣泡，又要再加其他材料，蛋白就更加容易失泡泡了，所以在做的過程，發現如果手勢不好，就好難做到鬆軟的蛋糕了，好！要諗諗計仔要改良一下先，可能要用雪紡蛋糕的做法去嘗試這個蛋糕杯先得，係啦！點解唔用雪紡蛋糕的做法呢？現在才想起呀！真失敗呀！

160707 今天，看到這個遲遲未能有勇氣食一口的☆紅豆綠茶蛋糕杯☆，因她的外表不受歡迎，還諗着她不太鬆軟，食落一定好實，但原來這是一種錯覺呀！食落都幾好喎！有鬆化的口感，而且甜度剛好,有綠茶味，我食晒成果呀！都唔幾好呀！

這個份量我用了两份，以下是一份的。

☆紅豆綠茶蛋糕杯☆

材料：

低筋麵粉                47g

綠茶粉                    3g

杏仁粉                    30g

無鹽牛油                25g

蛋白                        75g

糖粉                        40g

日本紅豆(煮熟)   50g

步驟：

1.      所有粉類混合過篩；

2.      牛油用熱水坐於溫熱至溶；

3.      蛋打起泡後，糖粉分2-3次打起，

4.      慢慢拌入粉類，轉用膠刮刀用fold-in方法輕輕拌勻，

5.      慢慢加入牛油及紅豆，一路加，一路拌勻；

6.      倒入模中至8分滿；

7.      先預熱200度

8.      將爐溫轉返160度焙15-20分鐘。

食譜來自：輕食小茶點

 

 

☆榛子蛋糕杯☆

今日是母親大人舊曆生日，實際幾多歲我都唔係太清楚，不過已過75歲了，原先想做一個芒果燕窩蛋糕給媽媽，行緊去買材料的時候，妹妹打來講你係咪想做蛋糕呀！當然啦，她問我買了材料未，我話家中常備，妹妹就話，我有張coupon，有2磅蛋糕送，不如唔好整啦！她就講咗一間出名的蛋糕，但我就聽唔明！話一定好食的，妹妹好識飲識食，一定係好嘢！所以我話唔整啦！我又諗，係咪我做的蛋糕不受歡迎呢？講笑……有免費的，當然要嘗試下好嘢啦！

但都想做一些給他們，如果唔係，我個blog點有新出品呢？

這個份量我用了两份呀！以下是一份的。

☆榛子蛋糕杯☆

材料：

低筋麵粉        60g

泡打粉            1g

榛子粉            42g

無鹽牛油        70g

雞蛋                66g

砂糖                40g

淡忌廉            23g

原粒榛子        適量

原粒朱古力        適量

步驟：

1.      所有粉類混合過篩；

2.      牛油用熱水坐於溫熱至溶；

3.      雞蛋打起泡後，砂糖分2-3次打起，(坐熱水到人體溫度)，慢慢加入牛油，一路加，一路拌勻；

4.      慢慢拌入粉類，轉用膠刮刀用fold-in方法拌勻，再加入淡忌廉拌勻；

5.      倒入模中至8分滿，加上朱古力；

6.      用預熱160度焙12-15分鐘。

食譜來自：輕食小茶點

☆雙層綠茶奶凍☆

因買了好多新書，唔用它們又點對得住它們呢？只是看是沒有用的，唯有要不斷使用它才是一本好書呀！

今次好想做一次清新口味的綠茶奶凍，看了這個食譜，一見就流口水了，便做啦！

溫馨提示：因綠茶粉加忌廉會好容易起粒，亦不容易溶解，所以如果想綠茶粉完全溶解於忌廉中，最好先將綠茶粉過篩，或已放入忌廉中後用篩再篩起綠茶粉用膠刮刮下，方便溶解。

☆雙層綠茶奶凍☆

食譜要買書參考啦！

榛子玫瑰曲奇

☆榛子玫瑰曲奇☆

好想做一次用唧袋做的曲奇，所以就嘗試下，看看自己會否再失敗一次呀！但原來自己用的唧咀係細細個，用來唧忌廉就一流，但用來做曲奇就好像細一點了，不過原來唧出來的花又幾靚喎！好像玫瑰花一樣，咁我就順道叫它做榛子玫瑰曲奇啦！

溫馨提示：如果想唧出來的花紋明顯些，可放入唧袋後入雪櫃下層雪15分鐘。

材料：

低筋麵粉        115g

無鹽牛油           100g

榛子粉      25g

砂糖                  70g

蛋                          40g(一隻)

鹽                    小許

步驟：

1.     蛋回復室溫；低筋麵粉、榛子粉、鹽混合過篩。

2.     牛油加砂糖打至發白；

3.     蛋分3次加入，一路加入一路拌勻；

4.     篩入粉類用膠刮刀輕輕拌勻，入唧袋唧出曲奇。

5.   入預熱焗爐170度，15-20分鐘。

日本手信

妹妹成日一有假就去旅行，

還去一D我好想去的地方，

今次又去完日本回來啦！

買了一套鏡子及吸油紙比我，

唔知係咪有預意呢？

你得閒就望下塊鏡吸下D面油啦！

唔係掛！

又唔知係咪知道喜歡迷你嘢，

今次都係好迷你的，

我都好喜歡呀！

開始有壓力啦！點算呢？

昨天終放收到子曦入學買必須品的通知信了，

原來要買一些用品都要成$612，有咩；書包、

生日袋、參考書本、中英文名印、杯及毛巾盒一套，

重要一年比2次添。

買校服都要$408，小朋友又大得快，

分分鐘一年一套添呀！死未。

加上上次交學費，全日就要$3,800，

今次收到通知，還要加學費添，又要加多$100呀！

真係唔可以唔做嘢呀！

唔做嘢點可以應付呀！

點解要報呢間學校，

本來想讀半日，下午可坐校車回奶奶到，

但原來我住個區沒有校車去到奶奶處，

無人接送，唯有返全日學啦！

全日又要就我接囝囝返學、放學，計過路程、時間，

這間亦是最好了，

當然亦有考慮過學校的質素啦。

哎……希望這間學校對子曦是開心啦！

希望媽媽爸爸沒有選錯啦！

今日原來係同老公拍拖15週年紀念日呀!!(老公提我,其實係16年呀!)

昨天老公靜雞雞話我知，我有看你個blog架，

你計錯數呀！16年先真呀!!!

幣......咁都記錯，

原來我成日以為收第一束花就=初戀的年份，

還好醒咁用計算機計過，應該無錯啦，

點知都係記錯囉，

老公...哈...哈...sorry呀！

圖片為原創者所有，若誤觸版權，請通知移除。

今日，看看日子，原來同老公一齊已經16年了，

16年的時間，同一個人相處真係有好多學問，

真係要互相接納、互相包容、互相信任、

互相幫助才能有這個美好的結果呀！

☆愛篇☆

哥林多前書 第十三章 1-13節

1 我若能說萬人的方言，並天使的話語，卻沒有愛，我就成了鳴的鑼，響的鈸一般。

2 我若有先知講道之能，也明白各樣的奧祕，各樣的知識，而且有全備的信，叫我能彀移山，卻沒有愛，我就算不得甚麼。

3 我若將所有的賙濟窮人，又捨己身叫人焚燒，卻沒有愛，仍然與我無益。

4 愛是恆久忍耐，又有恩慈；愛是不嫉妒；愛是不自誇，不張狂，

5 不作害羞的事，不求自己的益處，不輕易發怒，不計算人的惡，

6 不喜歡不義，只喜歡真理；

7 凡事包容，凡事相信，凡事盼望，凡事忍耐。

8 愛是永不止息。先知講道之能終必歸於無有；說方言之能終必停止；知識也終必歸於無有。

9 我們現在所知道的有限，先知所講的也有限，

10 等那完全的來到，這有限的必歸於無有了。

11 我作孩子的時候，話語像孩子，心思像孩子，意念像孩子，既成了人，就把孩子的事丟棄了。

12 我們如今彷彿對著鏡子觀看，糢糊不清（原文作：如同猜謎）；到那時就要面對面了。我如今所知道的有限，到那時就全知道，如同主知道我一樣。

13 如今常存的有信，有望，有愛這三樣，其中最大的是愛。

 

等咗好耐的免費相機終於到手啦！

今年新年與老公申請中銀信用白金卡，

可免費送出一部相機，昨天終於拿到手啦！

但係就一波三折呀！

其實每人簽滿$3000就可拿到，老公一早就收到封確認信及換領信，

但我就簽脹滿了，遲遲未收到，

所以曾打去問過，亦確認我是簽滿了，

但因機已送晒，要等下次有新機返才會寄出換領信，

叫我再等2-4星期，所以又再等，

但2星期4星期又過去，都未收到，

所以再打去問吓，

發現原來我的簽脹日期過了，即係，在限期簽脹我過了，

但我又同他講，上次打來又話我可以領取架，

但她們好好，話會送返比我，

叫我5號之後到換領站取啦！

就係咁，拿到手的相機特別開心。

另一特別開心的事，原先送的相機已經無貨，

現在的機號是新一款，但又未係最新喎！

但都update咗！

退變原來係好可怕呀！

上次不小心被櫃夾親，黑了一大片趾甲後，

趾甲開始退出來了，及生出新的趾甲，

最可怕的是脫離的開始，見到新甲的地方，

有一個小洞，看到之前乾了的瘀血，這情形真不想人家見到呀！

好像上次子曦的腳趾公一樣，

別人一看，一問，就會好自然收起，不想人家看到。

其實自己都有這種心態呀！

別人不知道還以為你有什麼病添。

退變真的有點可怕呀！

但不退變又點會有新的開始呢？

有食神!!!

今日一早回到公司,新來做清潔的姊妹買了一些印尼糕點給我食,

今天下午又不用出外午膳了.

070707又一餐...好味!!!

070707同老公晚上走到九龍灣，行了一會，食了一個晚餐，

雖然這間餐廳都食過幾次，亦與子曦同朋友仔開過生日飯局，

都因美味食物及價錢都合理，所以又再次光臨啦！

五樣食物，多謝$301.4

 

第一樣是香芒紙米卷食了两件才記得影相添。

 

海南雞飯套餐

雞絲凍檬(其實係雞塊呀)

牛肉沙律

鮮蝦冬蔭功湯

070707『意外相遇篇』

『意外相遇篇』

我們與Cindy分開後，就去了港貿中心的蛋糕店，這間店我都時常去，多數賣cream及芝士，而小魚仔亦話我知，她是從葵涌搬來的，而沒有買任何東西就走了。

而我亦想去看看一間從沒有去過而知道有的一間店，亦在附近的，但就沒有正確的地址及位置，但我就知道大約位置，我們就估估吓咁行，去到就見到有張貼海報呀！好開心，就咁撞上去先，但門口見到寫着『只持待學員』，我有d擔心，但小魚仔就話，入去看看啦！打開門，見到有個女仔，我哋問她，可否入來看看呀！當然可以啦！但入到去卻令我們十分失望呀！係就係有嘢賣，但小到你可以見到個籃係無嘢架，但就見到有好多宣傳品，訪問剪報，同個好大好開揚的整餅工場，看真d，原來d訪問係一個好出名的亞sir開的，看看下，這個亞sir特然响我後面不遠出現，我一轉身就見到他坐响接待處，我比個眼神及手勢小魚仔，話比她知，係呢個啦，成日上報紙，上綱教整餅架，呢個亞sir特然開聲同我哋講嘢，話無時間買d嘢返來賣呀！一講就收唔到聲，好多嘢講，這個亞sir原來好有客緣，不但明星，還有好多遠到而來去跟他學做餅添，還同我地講咗好多關於他的事，他公司的未來發展，還講只是教整餅係無用架，講到呢到，我就同他講，好想同你影張相呀！

原來他講，你哋第一次來呀！真好彩喎！我唔係成日响到架，哈…哈…哈…我哋真係好意外呀！能與你見到面喎。

這個亞sir係叫Kingsly Wong (General Manager)

大家有興趣可入去看看呀！www.applekitchen.com.hk