書………係百看不厭的，對我來說特別是食譜，書中的相片特別靚的時候，想了一會就自然會買，而且還有折扣添！誰會忍手呢？
看……未到大折已經入了幾本書……
大折還進行中……亦買了幾本……
這两本是日本郵購書，想買好耐，但前者那本雜貨一出就賣晒，幸好，Joyce幫我買到，但看了幾日，還心思思好多都想訂呀！哈………幣啦！
星期四, 6月 05, 2008
☆梳乎厘檸檬芝士蛋糕☆
☆梳乎厘檸檬芝士蛋糕☆
芝士是我的最愛，家中常備，但放得太耐亦不太好，所以做了這款芝士蛋糕，很好味，入口鬆軟，啖淡的檸檬香，很開胃。
全部送出給每位弟兄姊妹，留了一小件給家人試味，但給子曦爸吞食，我一啖都無食過，我只能從子曦爸口中知道味道呀！總之一句，幾好呀！
溫馨提示：
1. 家中冇酸忌廉，可以用鮮忌廉加入檸檬汁拌勻，就成為酸忌廉的代替品啦！
2. 酸忌廉亦可以用純乳酪代替。
材料：18cm模(做了6寸一個及2.5寸4個)
忌廉芝士 250g
酸忌廉 200ml(我用100ml純乳酪及100ml鮮忌廉+檸檬汁)
蛋黃 3個
玉米粉 4湯匙(先過蒒)
牛奶 200ml
香草油 小許
檸檬青 一個(黃色皮)
蛋白 3個
砂糖 120g
鹽 小許
步驟：
1. 忌廉芝士用玻璃碗加保鮮紙包好，用微弱爐叮2分鐘至軟身；
2. 用打蛋器打滑，加入每一樣食材，每加入一種都要用打蛋器打勻，次序為酸忌廉、蛋黃、蒒入玉米粉、牛奶、香草油；
3. 完成後過蒒一次，去除粗粒，再加入檸檬青；
4. 蛋白加鹽打至起泡，砂糖分3次加入，打至企身、乾性；
5. 先將1/3蛋白與芝士糊拌勻，再加入餘下的蛋白用切拌法拌勻，倒入模內；
6. 放入預熱200℃焙爐，焙爐盆加入1cm熱水坐著焙15-20分鐘至金黃色，立即轉150℃焙40分鐘；用竹籤測試是否熟透。如果焙的過程中水分焙乾，再加入熱水。
7. 放涼後放入雪箱2-3小時可食用。
星期三, 6月 04, 2008
唧咀@模
上星期六約了大家到Joyce家整鳥結糖，之前約了Agnes行街街，目的地係蛋糕食材料，這間店我未去過，要靠Agnes帶路，目標係這個聖安道即咀，但大的賣晒，只有細的尺寸，但都好滿足。有興趣入去看看呀~~sweetiebaking~~
大家都知，到一間新的蛋糕食材店係唔只買一個唧咀咁少，還有一個長放型蛋糕無底模，不是所有蛋糕食材店都有，所以都入了貨，多謝$48，還有一個日本進口的正方麵包模，平過citysuper，忍唔到手，多謝$65。當然還有果溶及其他食材啦！
之前在~~Bakingwarehouse~~ 買了四款唧咀，鋼水好靚，而且做得好出色，無接駁位。四個一套$55，雖然買來未知幾時會用，但實在太靚，唔買會好掛住佢哋。
一套集齊7件，好滿足。
星期二, 6月 03, 2008
子曦第一次@學做飯
今日煮了海鮮帶子意粉及蜆肉有機南瓜湯，還有白菜添！
介紹下今日的廚師先！
今日為我們下廚架大師係！
登……登……登……登
.
.
.
.
.
.
.
.
.
五星級小廚師：子曦哥哥
子曦：我又嚟幫手呀！
媽媽：好啦！你拿張椅來啦！
子曦：好呀！
媽媽：今日整意粉好嗎？
子曦：好，......................咩呢架！
媽媽：蟹柳，你幫我開個包裝呀！
子曦：好啦！
媽媽：開完未呀！
子曦：未呀！
媽媽：咁我撕開先！
子曦：比我撕呀！
媽媽：好啦！唔該晒！撕細條啲喎！
子曦：係咪咁呀！
媽媽：係啦！係啦！點解越撕越大條架！
媽媽：子曦，你幫我開蒜頭呀！
子曦：薑呢架？
媽媽：唔係！係蒜頭！
子曦：蒜頭？
媽媽：我切開個蒜頭小小，你幫我去衣呀！
子曦：係咪咁呀！
媽媽：係呀！你做得好好喎！慢慢呀！小心手趾唔好察眼喎！好辣架！
子曦：好辣架！
媽媽：係呀！
子曦：隻手好痛呀！
媽媽：係咪手趾呀！
子曦：係呀！
媽媽：係呀！好辣架！手趾都會辣架！不如你去玩啦！
子曦：唔好！我幫你拆開包菜呀！
媽媽：好啦！放响個蒒到啦！
子曦：咁呀！
媽媽：係呀！好啦！唔該晒你呀！洗手先啦！媽媽要開火啦！唔可以再入來啦！好熱架，你出去玩啦！
子曦：好啦！
特別介紹下這個一至二人微波爐意粉盒比大家，好實用，只要將適量的意粉、水及鹽加入，照盒上的時間叮，就可以做到小量的意粉，不用開火啦！
這個盒，$10店有得賣。
星期一, 6月 02, 2008
☆黑胡麻吐司☆@2日中種
☆黑胡麻吐司☆@2日中種
吐司頂角是令人好開心，想有成功的感覺，所以今次選用了孟老師的食譜，自己更改了部份材料，選用了黃夫人由台灣帶回來送給我的黑胡麻作材料，黑胡麻到手好耐，要排隊放假才可以開工，黑胡麻真係好香，但麵包出來不是太够味，下次再做，可以落多一點。
但今次只有四角是頂的，還欠四角，再做時，可以待他再發高一點先得。
今次這個吐司很好味，主要原因是够鬆軟，3日後都好好食，不用返熱，子曦爸平時只食一片作早餐，今次這個都食了两片，子曦平時不吃黑漆漆的東西，但都愛吃。
這個吐司，全部食晒，好滿足。
溫馨提示：
1. 因為今次的麵糰比較濕，不想雙手濕漉漉，所以用了麵包機搓麵糰，搓好後取出測試薄膜，薄膜不够時，我用手搓多幾下，形成薄膜後放回麵包機內作第一次發酵。
2. 環保角度：發酵時，可用飯蓋、鍋蓋、微波膠蓋代替保鮮紙。
食譜來源：孟老師的100道麵包
材料：12两有蓋吐司一個
A. 中種麵糰：
高筋麵粉 220g
乾燥酵母 3g(1/2茶匙+1/4茶匙)
水 130g
B. 主麵糰：
高筋麵粉 55g
黑胡麻粉 5g
砂糖 15g
鹽 1/2茶匙
奶粉 10g
水 40g
C. 無鹽牛油 15g
步驟：
1. 將A中種麵糰全部混合拌成麵糰即可，用保鮮紙包好放在室溫發酵90分鐘，(因時間不容許，我放在雪箱發酵2日)；
2. 拿出A中種麵糰與B主麵糰混合，搓至光滑狀，加入牛油搓至大片薄膜；
3. 滾圓；用保鮮紙包放在室溫進行第一次發酵60分鐘；
4. 分割成3等份，滾圓，鬆弛10分鐘；
5. 擀成長圓柱體，放入士司模內，加蓋作最後一次發酵至9成滿；
6. 用200℃焙30分鐘；脫膜放涼。
訂閱：
文章 (Atom)