實習失敗@馬卡龍(朱古力+藍莓)

實習失敗@馬卡龍(朱古力+藍莓)

昨天放假，在家有時間好好研究上次學了的馬卡龍，在亞sir的教導下是成功的，自己要在家實習，在過程中，打蛋白的效果、光澤的出現、fold-in的手勢完全無問題，但一入爐後，都係失敗。

第一款朱古力味道，跟亞sir指定的溫度入爐不久，已經出現裂紋，只有中間一排是沒有裂紋，繼續烤，只出現小裙邊，沒有大大的裙邊，但上次亞sir講過，朱古力味、榛子味都係裙邊小小的，成盤只有四粒見得人。

第二款藍莓味道，只是用了粉紅色素，餡是藍莓味，今次亦是用了亞sir另一個溫度來烤，一開始無裂紋，但不久亦出現了，而且全部沒有裙邊，出爐返轉，還占了八成都是空心的，沒有底部，是什麼原因呢？

這两款用的爐溫及烤的時間都不同，只有朱古力味有少數成功，點解呢？

可能我同新爐還未完全合拍呀！真係要好好再實習呀！

今次用的食譜是跟這本書 (THE SWEET TRICK)，沒有將亞sir教的食譜公開，亦是平時我做的食譜，但我卻發現跟亞sir的食譜是有點相同的，只是時間不同，手勢、效果書中沒有提及。如果大家有興趣都可以跟以下食譜做一次的。但我相信，有食譜、有步驟、有效果、沒有好好了解你的爐溫如何，亦是做不成功的。

食譜要參考新書了....

食譜要參考新書了....

 

童年無忌(更正版)

 

某日子曦爸同子曦去整回鄉證，上午9時到達了中旅社，但預約時間就要等到12：30，子曦爸又約了朋友1時踢足球，所以由我接班。

 

在中旅社等待……

 

媽媽說：「子曦，你坐定定啦！你會唔小心整親EE架！」

子曦說：「爸爸呢？」

媽媽說：「爸爸約咗朋友去踢足球嗎！」

子曦說：「踢足球？落雨喎！咁啲頭髮會濕晒囉、個頭又濕晒囉、對鞋又濕晒囉、對襪又濕晒囉、件衫又濕晒囉？」

媽媽說：「係呀！重有個身都濕晒架！咁洗頭洗身咪得囉！」

子曦說：「咁EE唔洗頭係咪變……………黑E(乞丐)囉？」

媽媽說：「哈……哈………哈………笑死人嗎？」

 

子曦見到我大笑，他又跟住大笑，還繼續重覆這句話「咁EE唔洗頭係咪變黑E囉？」「咁EE唔洗頭係咪變黑E囉？」

 

我立即蓋着他個咀，不過真係忍唔住，笑咗好耐。

而家打緊字都笑咗出來。大家記住要洗頭啦。

_________________________________

 

某日晚上我們一家三口一齊落街食飯，食食下飯有隻蚊飛過，

 

我立即叫：「有蚊！」

子曦就話：「邊度呀！」

媽媽說：「走咗啦！」

子曦又話：「蚊呢？」

媽媽說：「走咗啦！」

子曦又話：「係個度…呀！」

媽媽說：「邊度呀？」

 

子曦指着玻璃窗出面黑漆漆的街道就講啦：「出面咪黑ME蚊囉！」

 

我又立即大笑，重笑咗好耐，真係好可愛，子曦真係好可愛呀！

☆紅肉火龍果雪糕(冰淇淋)☆

☆紅肉火龍果雪糕(冰淇淋)☆

 

絕對沒有加入色素，天然的色彩，好靚！

紅肉火龍果比起白肉清甜得多，但就比起白肉貴一倍有多，但食落真係有啲不同，今次買了幾個，順便做了這款雪糕，加上熱情果汁，果香引動味覺，清淡的火龍果，滑滑的雪糕，非常好味。

 

 

溫馨提示：

1.      食譜橙酒份量比較多，出來的效果有點苦澀味，所以份量可減少。

2.   打起忌廉後，必須與一部份的火龍果糊混合，如果將全部混合火龍果糊，不能完全拌勻而有分離現象。

3.   打空氣時，緊記用刮刀刮一刮玻璃盆邊，確保所有的雪糕都能打入空氣。

4.   打入空氣後，完成的雪糕可放入幾個有蓋的密實盒保存，方便收藏及食用。

 

材料：4-6人分量

紅肉火龍果泥        300g(可用白肉火龍果)

熱情果汁                100ml(可用橙汁)

牛奶                        160ml

蛋黃                        80g

細砂糖                    80g

玉米粉                    20g(粟米粉、鷹粟粉)

橙酒                        30ml

45%忌廉                 160ml

步驟：

1.      紅肉火龍果先去皮，用攪拌機(食物處理器)打成容備用；

2.      牛奶倒入鍋裡煮至85℃(剛剛沸點)；

3.      蛋黃加入砂糖用電動打蛋器打至變白，加入玉米粉拌勻；

4.      將牛奶慢慢加入蛋黃糊中，轉用手動打蛋器不停攪拌均勻；

5.      再以隔水加熱，不停攪拌至帶稠狀即離火；

6.      過篩一次去掉粗粒、蛋黃粒；

7.      將火龍果泥、熱情果汁、橙酒分別加入及要完全拌勻；

8.      忌廉打至七分後，先取小量火龍果糊拌勻後，再將全部拌入：

9.      倒入一個有蓋的平玻璃盆內，放入冰格雪2小時；取出用電動打蛋器打入空氣，再放回冰格內，重覆做2-3次。

相請不如偶遇@Diana

17週年與子曦爸放假，走進銅鑼灣食了一餐飽飽壽司，在無意識地行街時，竟然被子曦爸見到坐在Starbuck的Diana，子曦爸同我講：「好似你朋友喎！」「邊個呀！這個女子不認識喎！」「對面個位呀！係咪叫Diana。」一望，哈……真係喎！我見到她一個人坐着，一邊上網，一邊嘆咖啡，你真係幾享受人生喎！我不發一聲，靜靜地，含情脈脈望着她笑笑口，哈……果然，她都處變不驚，用眼尾瞄一瞄我，哈……

她其實坐的位置都得比較隱蔽，都被子曦爸看到，哈……平時唔望靚女的他都無走漏眼，哈……

其實我們實在太有緣份，唔係第一次無約實而遇見，地點都好唔同，第一次在九龍區，今次在香港區。

我們傾談後決定去High Tea，因為本身都想同子曦爸食過High Tea，不如就一齊啦！其實Diana都講了幾次會唔會阻我們紀念日去街，哈……我們在這個時候是重友多啲架，不用介意，因為食完都要回家接子曦放學啦！

我們選擇去Haagen Dazs食High Tea，平日食是$150 for 2，假日就$180 for 2，其實份量都好多，三個人食都還可以呀！

Diana的凍檸茶, 我們的凍朱古力

我們選了雜莓、芒果熱情果、 哈蜜瓜 & 牛奶焦糖雪糕球，

芒果熱情果是新口味，但之前一早買了回家食過啦！都幾香幾好味！

鹹點我無食過， 蝴蝶酥餅好脆口

這两杯甜點，草莓這一杯好甜，唔合子曦爸口味！

全部生果都好酸！掃上甜的雪糕就剛剛好！

我們的合照，借Diana一張靚靚相，多謝！

哈……因為免再整走我個樣，快靚正。

這張相是用不同燈光影的，你們喜歡邊張，黃燈還是光管燈呢？