Hallelujah @YY Cake Blog: 2007-09-16

星期六, 9月 22, 2007

天使愛送禮

昨晚帶着興奮心情，疲乏的身軀，與一班天使見面，相約在Charlie Brown Café，這裡是一班朋友好聚會的好地方，環境可愛，自由出入，自助飲食，完全不用主人家煩惱，只要安心坐下等我們就可以了。

到逹Charlie Brown Café已經見到 Angel、堯堯(from傻媽) 、 joyce了，因以前都見過Angel，所以好快就認到，而且傾得好投契添，我一到就食了一份煙肉包及熱朱古力，因肚餓誰都沒有心機啦！食飽飽後開始投入話題了。

上次8月生日大晒冷見唔到堯堯媽媽，今次終於見到她了，亦不知她會出現呀！原來她好多嘢講，可以講到不停口，而且是一位好出色的中西大師父呀！她的餐廳就在自己的家呀！而想不到第一次見面的Joyce是一位出色的甜品愛好者，後來查查亦到了，她是入廚初哥，她話囉！我都唔係幾信呀！甜品又出色，等我入她的blog看看先，Cherry 煙鴨胸伴車厘子汁原來好喜歡甜品，但原來她無焙爐的，我哋叫她快d買啦！唔係少了好多焙嘢的樂趣呀！哈……哈……原來講開買嘢，我哋一班甜品發燒友都好喜歡買好多做餅工具，越買越多，上至$2xx下至$10一個模都唔放過呀！真係驚人呀！雪雪兔因趕着來，又趕着走，只談了一會雪紡理論，都沒有與她一齊影過大合照添，Celia 到了，未相認時都見到她行來行去，原來是找我們，但因時間好短，她亦坐了一會就走了，只談了幾句，minicorgie 比Celia早到一分鐘，亦是最遲的一位，但就與我及Angel是最遲離開的，都傾了好耐，大約9：30就離開回家了，希望第時可以再見面啦！大食會都好喎！原來一個個來，一個個走的感覺好有趣，但又好真惜呀！

Angel賀中秋送的禮物當然非同凡响，為每一個天使都預備一個禮物袋，袋內亦有幾份禮物，月餅是用一個精美日本式包，打開真令我感動呀！昨天金價高企，Angel都為她的月餅添上一點金泊，而且還為她配上防腐劑，還有一包玫瑰花茶，希望我們食了月餅後解肥膩呀！還有抺茶曲奇添，好有心呀！

Joyce亦送上她自家出品的月餅，我一見到，

第一時間以為是她買來送給我們的，她的甜品真了不起呀！

Minicorgie雖然忙，放工遲，但她都好有心做了酥皮奶皇月給我們呀！

星期五, 9月 21, 2007

Fit & Match廣州退修之旅(二)

日期：19-09-07(星期三) 晴天(下午)

食完飯，第一時間就是返房，當然唔係休息啦！係痛苦的開始了「訓練呀！」，不過訓練之前都有互相認識，唱下歌仔咁啦！之後……大家都明啦！食完飯，個個都飯氣功心，真係好有睡意呀！當然，我係唔會咁衰女架，點都頂硬上，唔講你唔知呀！訓練係學到嘢的，如果唔係又點會來這裡呀！2小時都終放過去了，又到自由時間啦！話得自由，當然可以出去行下啦！對一個唔係認識的地方，出來得又點可以一两個人呀！點知，全隊人一齊出動呀！你話幾誇張呀！我哋重一路行一路影，都發現原來廣州這地方都繁華的，但地方當然無咁清潔啦！但街道都好整齊的，沒有垃圾，但空氣就好幕咁，亦發現原來廣州都有好多舊的事物的。

訓練場地都幾好架，重好似人大咁，有茶供應，不時接待同我們加熱茶的。

酒店天枱看下廣州部份景色。

你看，重有咁樣賣油。

原來椰子發了芽都可以賣的，我看到係人家用來出嫁後不要的椰子呀！

這是1936年被政府列入為古蹟的「廣州基督教鍚安堂」

明天都會再來探訪及入內參觀的。

當然還有好出名的上下九街啦！

這是好多好嘢賣的地方，亦有荔灣廣場。

Fit & Match廣州退修之旅(一)

日期：19-09-07(星期三) 晴天

人生中第二次來廣州，亦是與教會肢體同去，但今次就只認識幾位，其他弟兄姊妹都是其他教會的幹事，同一事奉，同一宗派，今次的退修，都是為了各人在主內的事奉好一點，互相學習、互補不足，亦比自己有一個休息的時間，但其實時間緊迫，亦要訓練，所以都沒有太多時間休息及自由活動呀！

但今次都有很好的體會，亦認識18位志同道合的同路人呀！及3位牧者，他日有什麼問題或幫手，都可隨時找一個問下都沒有問題呢！

第一天，相約在羅湖口岸集合，有專車接到廣州，亦坐了2個半小時的車程，一到達廣州的「珠海特區大酒店」而是午飯時間，所以就由負責的姊妹為我們取房，而我們立刻要用膳了，而今次的午餐真豐富，有8餸一湯(其實餐餐都係8餸一湯)，每樣都好靚，都做得幾好食，而且都有d特色的，但都幾肥膩呀！特別碟油菜呀！當然坐了咁耐車，一開始未認識大家之前，枱上的食物就好快被大家食晒落肚啦！