☆爆裂榛子馬卡龍(Macarons)☆

☆爆裂榛子馬卡龍(Macarons)☆

早前做過一次Macarons，但因為心中想，這樣多糖，就自作聰明的減了砂糖，所以做出來的Macarons就不像樣，而且重發不起，沒有裙邊，所以都提不起興趣再做一次，但成日心想，點解人家做到的，而自己做不到呢？

好！跟一次食譜，照足程序、溫度做一次，但自己卻選舉其他味道，今次……得咗，但變了爆裂Macarons，無裙邊，無平滑的表面，可能自己以為放在中層，雖然是爆裂，卻出奇的靚(我自己覺得)哈…哈……，味道當然無變啦！同樣好甜，口感煙韌帶有榛子味道，都幾好的。

 

溫馨提示：

1.    放在焙爐底層。

2.    成功的Macarons主要原因是焙爐溫度，要多嘗試及留意爐中的Macarons變化。亦有好多書有不同做法，但要多加嘗試自己家中的焙爐溫度才會控制自如。

材料：可做30個(2cm一個)

蛋白        70g

砂糖        50g

榛子粉    35g

杏仁粉    35g

糖霜        90g

 

步驟：

1.    先將榛子粉、杏仁粉及糖霜混合篩過，粗粒的不要；

2.    蛋白打起泡後釖次加入砂糖，打至起角不跌下為原則；

3.    用膠刮用切拌法將粉類加入；

4.    用唧袋及圓型唧咀唧在牛油紙上約2cm大；

5.    放在室溫20-30分鐘至表面乾身(或放入預熱200度焙爐開門熄火2分鐘至表面乾身)；

6.    放入預熱焙爐150度焙15分鐘。(我放中層就會爆裂，大家可以放底層。)

☆草莓芝士蛋糕☆

☆草莓芝士蛋糕☆

因為要理行禁食一種你最愛的食物一星期及練習禁食祈禱，所以過去的一星期就沒有芝士的日子，加上亦沒有製作任何芝士食品，本身沒有什麼特別去製做，但因為要禁食，所以越想就越想食，所以今天就一於整芝士蛋糕來滿足心引呀！

好多人都好喜歡草莓，我亦不例外，而芝士蛋糕亦愛藍莓芝士蛋糕，本來想做藍莓味，但又見雪箱內有一支草莓醬，味道唔錯，成日都做藍莓味，不如今次用來做芝士蛋糕啦！

原來出來的效果真係不錯，草莓的香味及甜味與芝士味好合拍，一定不會遜色過藍味味呀！

溫馨提示：

1.      芝士放回室溫會容易打軟身。

2.      果醬可用新鮮或現成的，亦可用其他味道嘗試下效果。

6寸脫底模一個

材料：

消化餅底

消化餅    80g

無鹽牛油        30g

1.      先將消化餅壓碎，牛油溶解，將两者混合均勻後倒入模內用匙壓平放入雪霜內備用。

芝士餡

忌廉芝士        330g

砂糖                75g

雞蛋                100g(2隻)

無鹽牛油        75g

淡忌廉            35g

香子蘭油        1/4匙

草莓醬            100g

裝飾

草莓醬            適量

步驟：

1.      先將忌廉芝士打軟，加入砂糖打至均勻；

2.      蛋打散後分2次加入再拌勻；

3.      將牛油煮沸倒入芝士餡內轉用膠刮刀拌勻；

4.      加入淡忌廉及香子蘭油後再打拌勻；

5.      分1/3芝士餡混入草莓醬拌勻後倒入餅底內；

6.      再加入餘下的2/3芝士餡，用180度焙35分鐘至金黃色；

7.      放涼後脫模，放入雪箱冷藏，食時加入草莓醬在面上。

 

 

難得放假@赤柱

11月26日突登放假，而選擇了星期一，是因為子曦返學，出街又無咩人，倆個人想去邊就去邊，這天我們選舉去赤柱，子曦爸可以拿着相機影下相，我就可以安心行下街看下風景，我倆真係好耐都未嘗試過咁舒服了，而且天氣非常好，不一定食好嘢去行商場，涼冷氣，只要舒舒服服過一天，已經好滿足啦！

我們選了一間在鐵皮屋內的大排擋，人人話好味，每日只做到下午5時就收工，而且這處都只有一間是食魚蛋粉，每人花$25就有一份套餐，有飲品、菜或魚皮及一個雙拼麵，都唔錯，雖然只此一間，但都有水準，不過不失。

 

赤柱以前舊的政府大樓已經重新起過都有一段時間了，現在才看到真物，洗手厠比以前好好多，而且還有一個圖書館，那天無緣入去看看，因為一入就知大件事，可能成日都在內面打書釘，所以子曦爸唔比我入囉，但一看圖書館前面有一幅牆，看見牆上太陽照落樹上影射出的倒影，真係好舒服，好自然，好靚，所以都不停在這裡停留，亦在大樓上找到一處影相及休息的露天花園，在那裡可以玩自拍呀！

傳聞中的jenny bakery真係不容易找到，找了又找，好不容易先問到人，原來從來沒有發現是有個商場仔，就在上面，可惜到逹時裡面卻沒有人，可能行開了，但都沒有等了，因為內裡的蛋糕曲奇都沒有，只有两件蛋糕，整餅工具，及幾支新鮮鳳梨汁，牆上重寫上「最近食材加價，所有曲奇都會加價。」一看，咪原來加價嗎？可能少了去蛋糕食材店，都未發覺添。而且地方不大，所以亦沒有再回頭看看了。

後來再到赤柱廣場坐坐，見到呢間雪糕店，好想食一杯，就咁用了$58買了两個球，你話貴定平呢？第一個球係椰汁紫糯米，好特別，所以嘗試下，都幾好味喎！下面的是香子蘭雪糕，無咩特別。

 

最後就走到新的碼頭看看，原來有船去蒲苔鳥喎！

之後離開了赤柱，我們選舉去買魚，係！你們無看錯，從來沒有提起我們有養魚的，因為真係好耐無處理過個魚缸，只係養水多啲，就算買了魚回來就好快回了天家，所以都無啲起心肝去理會，難得放假，一心走到太古個個魚類商場，有點失望，比不上旺角多選舉，唯有再出旺角再行行啦！終於用了百多元買了成缸彩魚，過了幾天重生了BB魚添，而家家裡好多條細魚仔呀！數過有成100條，還有幾條媽媽魚重未生添呀！

 

讀個不停：十一月新書

因為週三及週四要到旺角上堂，每次出旺角都會到書店看看有沒有新的書出品，有時都留意下中西食譜，可惜自己現在好少入廚做飯，但都好想做得好啲，想起當初結婚都堅持每日都做飯，生完子曦都要每日煮粥仔及飯仔給他，現在子曦大了，真係一個人好難做咁多！而且子曦爸亦不愛入廚的人，加上大家又要返工，又要返學，只是照顧日常事都無咩時間，加上愛蛋糕的我，好不容易才開始重拾做蛋糕，真係好難取捨，唯有請鐘點分擔工作啦！所以就放棄了入廚啦！

但今次就買了幾本中西食譜及湯水食譜給鐘點，希望她的廚藝會有進步啦！一本書已經給了她，所以無影相。

而鈎書是重拾舊玩物，所以一入冬就見到這本書的出品，可能是舊書，但都不錯的選舉呀！這本書都係$38咋。

但都不忘做麵包，只因做得不好，所以都要買多幾本參考書籍來研究下先得啦！

$88，已是8折買的。

當然蛋糕書都係至愛的。