☆貝殼鬆餅☆
買了這個模當然要做一次啦！唉……唔係做一次架，都會常常用來做伴手禮的，點解唔做比自己食，食得多無益呀！因為用好多牛油及砂糖架……就算做了，一塊起二塊止好啦！唔係實肥死人，要一路食一路減肥啦！
這款甜品是做來給子曦爸帶回公司請同事食的，所以做了三款味道！有原味、檸檬味及抺茶味，大家有無留意到原味同檸檬味有咩唔同呀！細心啲看你就發現檸檬味個種係白啲，咁就得出一個結論，檸檬係可以漂白架，哈……
因為要做多幾件，所以都焙了幾次先可以做到30件呀！第一次食時真係好好味，但心裡想，好肥呀！好肥呀！但一出爐就真係忍唔住！唔覺唔覺都食咗3件。
而子曦爸帶回公司，每一都只係食得一件，重要問，還有抺茶味呀！轉手已經無晒啦！這又證明，越肥的東西係越好味架，亦係越得人歡心架。
可惜這個模的花紋唔係太明確呢。
溫馨提示：
1. 如果用鋁模，要先在模上掃一層牛油及篩上一層薄薄的高粉；
2. 焙完的貝殼鬆餅不用太急從模出退出，可放幾分鐘後才放在網上放涼；
3. 醒過的麵糊勻稱更可口。
☆原味☆
☆抺茶味☆
☆檸檬味☆
材料：貝殼模
低筋麵粉 140g (抺茶味減1茶匙低粉轉1茶匙抺茶粉)
泡打粉 1/2大茶匙
蛋 2隻
砂糖 140g
無鹽牛油 150g
鹽 少許
(檸檬味加10g檸檬汁)
步驟：
1. 蛋恢復室溫；
2. 低粉及泡打粉過篩；
3. 牛油坐溶；
4. 先將蛋放入盆中加入砂糖及鹽打起至企身(約9成)並變白；
5. 篩入粉類用切拌法(由底至面接法)拌入均勻；(此時你會感到好多粉，有少許困難；但這是正確的；
6. 之後加入坐油的牛油快手拌勻；(此時你亦感到好多牛油，拌勻後亦好好多啦！)
7. 拌好的麵糊放在室溫中醒(靜止)30分鐘；
8. 用湯匙分放貝類模上；
9. 用180度焙18分鐘。
