☆煙韌胚芽朱古力曲奇☆

    ☆煙韌胚芽朱古力曲奇☆

上次做☆煙韌胚芽紅莓曲奇☆時，同時間都做了這款☆煙韌胚芽朱古力曲奇☆，因前者用的糖比效甜，但老公話接受到，但自己就做呢款時減了小許糖，看做出來會點，食落無咁甜，煙韌度亦減小了，可能焙耐了1-2分鐘而變脆了，但原來朋友們都話這款好食D。

溫馨提示：

如果想煙韌多D，可用黃糖113.5g，而白糖就用60g，嘗試下會否好些。

時間一定要控制得好，12分是最適合，太耐就不煙韌了，而變得脆口啦！

可做25塊

材料 :

牛油                        113.5 g (放室溫放軟)
粗粒黃糖                60 g (可用幼黃糖)
白糖                        113.5g
雞蛋                        1 隻(稍為打散)

雲呢拿油                1/2茶匙

鹽                            1/4茶匙
梳打粉                    1/2茶匙
發粉                        1/2茶匙(泡打粉)

低筋麵粉                187g

朱古力粉                40g
胚芽                        半杯(130ml)
方型朱古力粒        隨意或每一塊放一粒在中間

做 法 :
1. 預熱焗爐190度，烤盤舖上牛油紙；
2. 把鹽、梳打粉、發粉、低筋麵粉同篩好備用；
3. 用電動打蛋器把牛油、黃糖、砂糖打至軟狀；
4. 蛋分2次加入(3)內，每次加入都要打勻，及加入雲呢拿油打勻；

5. 將已篩好的粉類加入(4)中，用膠刮刀攪勻至順滑；
6. 加胚芽；將大約1湯匙的拌料放在預備好的烤盤，放一粒朱古力粒；給它們空間擴張，用匙稍壓平；烤12 – 13分鐘或稍焦黃色並熟透，移到架上待冷卻。

子曦第一次看中醫食中藥

Blog 整了成日，今天開來看看，發現完全唔同晒，真有d唔係好習慣，上載相片又只有一次過10張，要慢慢用它，好似重新學習咁呀！不過都幾靚呀！

昨天放假，所以前天在家做麵包做到零晨1時半，等待新鮮麵包出爐，今天帶子曦返學後回家就不自然地在sofa瞓着了，起身已是下午2時許，為自己做了一個有機黑豆腐牛尾湯麵，雖然有機黑豆腐麵係好似食腐皮咁，但配上牛尾湯就一流了。

亦為子曦煲定中藥，因子曦都咳了成個月，看了四次醫生及食了一次抗生素都未好，而且持續流鼻水及有小小黃，還有發炎，早幾日行過余仁x，問下有咩可以止咳，嘩……猴頭散啦！你買一盒連保嬰單一齊食就好，要成$750十支都唔知有無呀！立刻話唔該晒，係人都走前啦！$750可以看好多次中醫了，之後回家帶子曦看中醫，原來家鄰近商場都有幾個中醫，是旦選中一個，原來都幾有名喎！又上過報紙添，但收費又唔貴，都係$45一包藥，診金全免，看自已有點咳，所以就一齊診療，原來子曦還有氣管炎未清，自己就有濕及咳嗽，一齊煲藥啦！

子曦未食過中藥，唔知他肯不肯飲，但他未飲時，我都嘗過他的藥一口，原來有小小甜的，他飲了半碗後就不肯飲，還講唔要啦！唔要啦！但我話有山渣餅喎！他當然先取了山渣餅啦！然後叫他飲，他就好不願意咁，e晒咀，將開口咁飲晒了，真係好好笑呀！飲完後晚都已收晒鼻水了，還有一两聲咳，食多一次應該會好了，第二日子曦飲藥好叻，好似當湯咁飲晒啦！無晒鼻水，不過都係有一两聲咳呀！

但自己食完二次藥還未好，重好似咳多了添……

 

☆柚子薑密雪紡蛋糕☆

☆柚子薑密雪紡蛋糕☆

家中有两個蛋白未用，我亦不是一個有了麵包機就忘記蛋糕的人，我是專一而不忘情架，所以今次用了一小時多做了一個雪紡蛋糕，不過家中沒有14cm的雪紡模，唯有用18cm啦！當然出來一定係薄薄的，我亦唔介意，因為不是送出去，不過今次就益了子曦，因介了一件件細細的，子曦手仔細，一手就拿一件，食落又唔大件，好啱小朋友口型呀！

溫馨提示：蛋白未用時，放在雪箱保持冷凍，或打時放在冰水中打發及打時加小許鹽會加速打起。

材料：

20cm焙模

14cm份量

蛋黃麵糊

蛋黃                        20g (約1顆)

砂糖A                    5g

沙拉油                    20cc (我用了葵花籽油)

水                            30cc

低筋麵粉                40g

鹽                          1/4小匙

柚子薑密果醬        30g(如果太大粒，要先碎細)

君度酒                    1/2大匙

蛋白霜   

蛋白                        100g(約2顆)

砂糖B                     10g

鹽小許

烘烤時間                30分 預熱175。C 烤溫170。C

步驟：

1.      事前準備：將所有材料秤量好。準備一盆打發蛋白霜用的冰水。低筋麵粉加鹽過篩兩次備用。

2.      製作蛋黃麵糊：將蛋黃倒入攪拌盆中，一口氣將所有砂糖A，這時要千萬不能攪拌過頭。只要砂糖完全溶解就行了，別讓蛋黃的狀態過白或過度膨脹，攪拌至如圖的狀態即可。

3.      將沙拉油加入2中 的蛋黃麵中拌勻，接著依序加入水、君度酒、果醬，仔細拌勻。

4.      一口氣將過篩的低筋麵粉倒入3 中，以打蛋器攪拌至沒有粉狀為止。像這樣稀稀的流動糊狀，不會過於濃稠正是雪紡蛋糕的秘訣所在。

5.      製作蛋白霜：將蛋白倒入乾淨的攪拌盆中，並使用乾淨的打蛋器，隔冰水，將砂糖B分三次加入打發，直到呈圓錐立起，但前端微微往下低垂的狀態即可。

6.      蛋白霜打發完後，立刻用打蛋器撈起一部份加入4中的蛋黃麵糊中調和。接著再撈一部份加入，換以膠刮刀攪拌。

7.      將6的麵糊全部倒回剩餘的蛋白霜中，快速拌勻。

8.      完成：將麵糊迅速倒入模中，在卓上輕輕敲兩下，去除空氣，不要太用力，因返而會讓空氣跑進去。讓麵糊容易膨脹撐起來，拿膠刮刀將麵糊往模子邊面沾黏。膨脹效果更好。放入預熱175。C烤箱；轉溫度170。C，烤30分鐘。

9.      馬上放涼：用高身玻璃瓶口倒扣放涼，最好放一個晚上左右，讓蛋糕涼透。放到隔天的蛋糕質地會更加Q潤。

10. 用刀脫模法脫模。

密糖麥片麵包―中種法(麵包機攪拌麵糰)

☆密糖麥片麵包☆―中種法

有了麵包機，真係好開心，不使用雙手攪拌麵糰，變成bye bye肉，

而且重唔使整到個廚房四維都係麵粉，又不用太多工具洗餐死。

今次用了功能11用來攪麵糰，而且重將攪好的麵糰放在麵包機中等待發酵，

今次就做中種發，足足發咗4個種，

出來個麵包好軟，好好食，還可以放三日都沒有變硬，正呀！

材料：

1.    中種麵糰

       高筋麵粉        320g

       乾燥酵母粉    2茶匙

       冷水                180ml

2.    主麵糰

a.    燕麥片            80g

       冷水                60g

b.    鹽                    6g

       密糖                25ml

       黃糖                25g

c.    牛油                30g

步驟：

1.      先將酵母放入2湯匙冷水中，等10分鐘。

2.      餘下的冷水放入麵包機中，加入麵粉，再加入酵母水，用功能11等它自動攪拌麵糰，(亦可以用手攪拌成糰)，停了後在機內自然發酵3-4小時，12小時為限。(如用手攪拌後亦可用保鮮紙包着自然發酵，時間一樣)。

3.      然後再開麵包機，用功能11，加入a.燕麥片(先用冷水攪拌均勻) 攪拌均勻，再加入b.鹽、密糖、黃糖，攪拌均勻後，最後加入c.牛油至麵糰光滑就可以停機(雖然呢個動作對部機來講唔係太好，但無辦法停機，(如果你想用手，可以取出已發酵的麵糰用手做亦可)。

4.      然後取出麵糰分成两份，做成圓型，等它自己發酵10分鐘，再將它壓平拉長，將它两重疊，放入模內再等45分鐘自然發酵或變了一倍大，後在面上掃小許水，灑上小許麥片，放入預熱焙爐用190度焙30分鐘，退模放涼。

Nikon D80的魅力

老公終於忍唔到啦！忍唔住啦！上星期六獨自走到旺角，問了幾間相機店，用了$8,4XX買咗部D80，哈……哈……最開心嗰個當然唔係我，係老公，相信他都限咗好耐，因成日在家上網看人家影出來的作品，都看咗好幾個月啦！而自己當然都好開心，我都限咗好耐啦！今次又唔用使我比錢，重唔用返個夠。多謝晒老公！哈……哈……

 

影出來子曦的樣子都靚仔D呀！

呢部機已經用咗4年或以上了，當時買都要成$4,4XX，質數都重好好架，但最唔好就係記憶卡已經不出產，如果卡壞了就有機都無得用呀！這部相影就是平時用來影甜品的相機。

我會繼續用架，在家影甜品都一流呀！而且已經習慣了，不過有新機，我都要學新嘢架。哈……