草莓組合~超靚呀!

某日放假，家中無人，等緊外出與blog友相聚，還有時間，就砌左呢盒買了好耐都未砌的迷你玩意，係草莓主題的，這套我都等左幾個月先買到咋，一出時已經無貨，後來個sales留了比我才可買到咋！你看！幾靚！$179(10盒)

8月生日大晒冷禮物篇

開心一浪接一浪，雖然是叫做「8月生日大晒冷」，但生日的blog友唔係太多，只有3位是8月生日，一個是mui家姐、一個是柏琪、一個就是我啦！其他都是特意出來聚聚的，亦因這個原因，都無再念是生日會了，但各人都好有心，預備了許多禮物來作見面禮。

而我亦無諗過會收到生日禮物的，第一份是mui家姐，係一支pinkey hand cream及一個聖經坐卡，亦有一張是她親自做的金句卡，可能mui家姐知道我成日要用呀！我冬天時，雙手成日都好乾架，你真係好醒呀下！而金句卡真係好有意思，她知道我為主而全時間事奉呀！可以放在公司時時提醒自己呀！

而柏琪就送了一份生日大禮給我呀！係一個「狗骨型的silicone焙盆」，真係好靚、好可愛呀！不過如果做出來的蛋糕送比人，人家可能誤會以為我話她是狗狗呀！呀！不如下次做個生日蛋糕給柏琪呀！哈……哈……。還有一個用微波爐做薯片、蔬菜的盒呀！上次有blog介紹過在日本有得賣，我都心思思，今次竟然柏琪送了一個比我，而且是她割愛先送給我的，而她亦訂了一個呀！真係好開心呀！

 

而FUNPUCCA就因為腳傷未能開爐，而持別買左「皇后蛋糕」給我們，好好食呀！她可能知道我哋明日都要食早餐啦！一人一件，多數晒呀！

而sweet Irene 亦同我一樣，造了果醬，但她好有心思，做不同的味道，有芒果熱情果果醬、藍莓香蕪果醬、桃駁梨果醬、士多啤梨玫瑰果醬，任君選擇，樣樣都好有心思呀！而我就是桃駁梨果醬，我都好喜歡架！真係好香呀！

 

何師奶是煮餸高手，她當然不會咁簡單啦！送上「香港橄欖菜」，當初我們估來估去都唔知係咩，後來她話用來煮四季豆，會在餐廳成日見到的，最終都係因cindy估到呀！因我真係未聽過，亦未食過呀！不過何奶師真好，她在blog都介紹返點樣煮這道菜呀！下次一定要嘗試下先！

而cindy就買了re-ment迷你玩意，這些迷你玩意係cindy第一次見，我話，你買開就會愛上它，而她亦話，可能會再買返呢款全套呀！因我已有這款了，所以我沒有選擇，留返比你呀！cindy，你日後可以瘋狂過我都未定呀！哈……哈……原來柏琪都係re-ment迷呀！都係被我blog的背景所吸引了，先愛上她呀！好嘢！第日可以互相多個話題了。其實這晚我哋傾re-ment都傾左好耐呀！

真係十分開心的一天，收到生日禮物、見面禮之餘，亦認識一班新的朋友呀！

 

 

 

 

 

 

8月生日大晒冷聚會篇

好開心今日相餐的時間到了，相約Cindy一齊6時到逹餐廳，嘩！原來這間餐廳真係好吸引呀！不但地方好大，還有不同位置及裝飾設計，任我們選擇，我哋第一時間唔係看食咩，而是當然要為大家選定一個效好的位置，坐下時，不是叫嘢食，是四維影相呀！靚到不得了呀！

不到6時半，大家都一個一個的出現，每一個都有打電話比我報到呀！幸好有我的電話聯絡，如果唔係……有家就要主動出招相認了，好開心，7時內大家都到逹，只欠何師奶，因她要等老公回家看着小朋友才能出門，我們唯有不停講，不停交換禮物，互相認識大家而等何師奶啦！不到1個鐘，大家已經好好傾，好愉快，好投契啦！還要交換電話作日後聯絡添，大家放心，我做好電話表一定比你哋架！

而Mui家姐亦在6時左右到逹，都有幾位BLOG友都能與她見面，因她要返學，所以她放下禮物，坐了一會，6時40分就走了，希望日後都能與她長時間相聚啦！

最唔開心就係見唔到 堯堯(from傻媽) ，因她的囝囝有突發事不能出席，不過我都預留「藍莓蜂密果醬」比你架！

我哋等了何師奶來到時，就開始叫嘢食，d食物都過得去呀！食完晚餐，當然要留肚食cake ，因它的cake真係好吸引呀！

大家看不看到我們手上的紙袋呀！係問餐廳取架！咁靚，點可以唔取返個呀！

 

一窩風……一班靚女去咗邊，

留下最貴重的物件都唔理……咪就係呢度的蛋糕囉！走晒去選購呀！

我們由6時開始，傾計、食飯、交換禮物，不經不覺已經是10時了，快樂不知時日過，要回家了，真的好不捨得而走了，大家！下次一定要再約出來傾餐飽呀！

而大家的禮物都別出心才，如果大家想知，就要留意下一個分享啦！

 

 

 

8月生日大晒冷禮物預備篇

為要迎接09/8的8月生日大晒冷blog友聚會，所以在家做了藍莓蜂密果醬，

嘩！

想唔到要找尋玻璃瓶都幾辛苦，四周都沒有無適的，還要同一款呢？

又要合價錢，又要密實，又要可用熱力消毒殺菌，

最終都走到宜家找到一個合心意的，

但玻璃瓶蓋就不能用太熱的水了消毒，

為有叫她們放响雪櫃以確實保持新鮮啦！

亦想唔到要用成8盒新鮮藍莓，磅過，原來要成1040kg呀！

第一次做咁多咋！好怕唔足夠呀！

如果放唔滿個玻璃瓶就好以食完送比人咁！

幸好！做8瓶岡岡好呀！

如果大家想看看做法及材料分量………看之前做過的分享啦！

~~藍莓蜂密果醬~~

變得年青的生日飯局

05/8(日)下午，一班教會弟兄姊妹(年青人)為我慶祝生日，

與一班年青人一齊，自已都會變得年青，

有講有笑，今年可算是最多人為我慶祝的一次了，成17人架。

最開心的是有home mark 的生日蛋糕呀！紐約芝士蛋糕，

多謝Iris為我預備呀！

估唔到她年紀細細，做的蛋糕都好好味喎！超水準呀！

 

好多謝你哋呀！年年都有就好啦！

 

你看切開咗的生日蛋糕都好特別喎！

而她們所一齊買的禮物都特別年青呀！合我心意。

☆榴槤芝士杯☆……自創篇

☆榴槤芝士杯☆……自創篇

 

這款甜點係我想做好耐，老公唔食，家人無一個食，但自己就好想食，

所以買了小量回來做了一次，嘩……勁好味道呀！

 

分量4個水杯

材料：

忌廉芝士        125g

砂糖                25g

榴槤茸            150g

魚膠粉            1/2湯匙

水                    1湯匙

檸檬汁            1湯匙

鮮忌廉            125ml(半杯)

步驟：

1.      榴槤肉用攪拌機打成茸；

2.      魚膠粉加水混合放入微波爐叮10秒；

3.      忌廉芝士加入砂糖打勻；

4.      加入榴槤茸拌勻；

5.      加入檸檬汁拌勻；

6.      加入魚膠水拌勻；(先用小許芝士糊混合後加入)

7.      打起忌廉至8成；與芝士糊拌勻放入已有餅乾的杯內；

8.      放入雪櫃下格凝固；放上榴槤肉作妝飾。