☆火腿芝士麵包☆―酸味酵頭
再戰燒焦焙爐,子曦爸一言驚醒夢中人,如果你上面熱咪唔好開上面條發燒線囉,呀!又係喎!
今次整一個☆火腿芝士麵包☆看看先,嘗試下再整多一次,係咪唔需要買個新焙爐!
今次得咗!唔開都可以喎!哈……哈……無藉口啦!
而這個鹽味麵包都幾好食喎!下次可以再做呀!而且第二日都好軟身。
大家有無留意有隻小手成日响度手多多,咪子曦囉,成日都要8卦,又要看,又要手多多。有時真係要等他瞓咗先可以開工呢?
溫馨提示:
1. 如果你們搓好的麵糰要用28℃的熱力幫助下作第一次發酵,但又沒有麵包機或焙爐預熱發酵幫助時,你可以用焙爐幫助,你先預熱焙爐約100度,最好用溫度計測試下爐頂的溫度,然後爐頂放上一個金屬架,再將包好的麵糰放在上面作第一次發酵。這樣就能有溫度幫助快些發酵了。
2. 因為天氣非常凍,最後發酵時遲遲都沒有氣息,所以用了這個方法作最後發酵,果真是可行的,只要將整型好的麵包放入焙爐裡,用一杯熱水放入去,有需要時亦可更換一杯新的熱水,它的熱力是有助麵包發酵了。


材料:7寸圓型模
a.
高筋麵粉 171g
低筋麵粉 45g
砂糖 22g
鹽 2g
快速乾酵母 4.5g
b.
水 63g
全蛋 34g
酸味酵頭 54g(亦可轉用湯種:高筋麵粉9g,65℃熱水45g)
c.
無鹽牛油 11g
d.
內餡材料:
火腿3片(切成粒)、芝士3片(切成粒)、黑胡椒適量
裝飾:
車打芝士(碎成條)

步驟:
1. 將a及b材料放在盆中,但酵母不要與鹽及砂糖接觸,以免酵母脫水死亡,用手拌勻搓成有彈性及起根有薄膜的麵糰。(我用麵包機混合的,亦可用電動打蛋器搓)。
2. 完成後加入c,搓至混合至完全光身及有彈性;
3. 用保鮮紙包好放在28℃作第一次發酵約40分鐘至两倍大;(我用麵包機,所以有熱力幫助發酵)。★看溫馨提示。
4. 拿出排氣搓圓後分割四份,静止15分鐘,(室溫便可)
5. 整型:用木棍壓平放入餡料,卷好,分成两份,放在模中作最後發酵約7成;
6. 放上芝士絲,要全面覆蓋着麵包面;
7. 入爐180°焙35分鐘;(其實可用160°);而因為我個爐不够高,所以我只開下面發熱線。
8. 放涼少少後立即脫模再放涼。









你個食譜好長細﹗正﹗
回覆刪除[版主回覆02/23/2008 10:05:00]係呀!!希望人人見到又想做,可以跟來做到成功的麵包呀!!!
我好中意食火腿同埋芝士既配搭架! 等我遲啲買左焗爐後,跟你呢個食譜試整包包先!
回覆刪除[版主回覆02/23/2008 10:06:00]我都係第一次做呢種味,都幾好呀!!!你去mega box看下,好多選擇,還有一部有麵包機送添呀!!不過係過年時見到,唔知而家重有無呀!!!
OHHHHHH, it is a TORTURE to see this lovely bread IN MY OFFICE.... ahhhhhhh............ I want SOME
回覆刪除[版主回覆02/23/2008 10:06:00]哈.....引c你啦!!!哈...哈.....
d 包包好絲呀~~~
回覆刪除正!
我個爐都係咁
d 溫度好飄忽....
[版主回覆02/23/2008 10:07:00]個爐焙蛋糕就無問題,但一做包包就唔知想點...
但而家可以啦!!!
嘩..芝士右火腿我鍾意呀..見到你個面就開始肚仔餓TIM...
回覆刪除[版主回覆02/23/2008 10:07:00]哈.....食晒再到都好想食呀!!!
芝士煙肉包。好香口,好味道﹗我都伸隻手入黎啦﹗
回覆刪除[版主回覆02/23/2008 10:08:00]哈......真係咁正........咁你伸個咀來食呀
嘩.....好好味咁呀!!!
回覆刪除[版主回覆02/23/2008 10:08:00]哈....多謝........
自家製用料豐富又新鮮!
回覆刪除[版主回覆02/23/2008 10:08:00]係呀!!!重好多心機添呀!!
咦.. 但係第二次發酵七分鐘就得??? 咁快?
回覆刪除我平時發酵係將個焗爐開一分鐘, 即刻熄.....(一定要一分鐘就要熄, 唔係就過熱, 我出去學整麵包時個miss教架)
之後放入包加一杯正常溫戒既水,, 就可以發得好大好靚... 我會放埋D溫度計入去睇,, 一跌至28度, 我又開焗爐45秒.... 又繼續發... 就OK
所以就算冬天做包都唔怕發唔到酵! 不過你有麵包機仲好..唔洗煩
[版主回覆02/20/2008 16:11:00]哈.....我又打錯字啦!!!係七成先真.....
你呢個方法又幾正喎!!一次整下先得.....
不過你預熱個焙爐係幾多度呀!!
有麵包機只是第一次發酵幫到咋,第二次就要用呢個方法.....
嘩 ~ 好多餡呀 … 一定勁好味啦 !!!
回覆刪除[版主回覆02/23/2008 10:08:00]係勁香添呀!!!
呀...我正想整呢款包~
回覆刪除剛剛才到過MC blog請教湯種法,原來跟你既食譜係一樣架
[版主回覆02/23/2008 10:09:00]哈....mc係專家,我係初哥呀!!!你有師父教路,必定成功啦!!!
嘩...正喎!!! 八個咁多, 你應該食唔哂O架....俾個O黎試試得唔得先?!
回覆刪除[版主回覆02/23/2008 10:10:00]哈....你就錯啦!!!我一家9口,重欠一個呀!!!
下次我整多d,請你食啦!!!
好正呀, 芝士包我鍾意呀
回覆刪除好想食~ 好想食~
[版主回覆02/23/2008 10:10:00]想食就來啦!!!
嘩,咩咁勁既,有冇酸味呢?
回覆刪除[版主回覆02/23/2008 10:11:00]哈.........我見到你個d都好想食,邊樹勁呀!!!
酸味........無呀!!係好好味呀!!!
我都做了這款包,是用湯種法的!
回覆刪除[版主回覆02/23/2008 10:11:00]哈.......看下先.......
想在香港親身體驗自摘溫室有機士多啤梨的樂趣嗎?
回覆刪除不妨約齊三五知己來 老徐農莊 啦~我們歡迎您哦!!!
[版主回覆02/23/2008 10:12:00]好想嘗試下........
自家製果然多料d!
回覆刪除[版主回覆02/23/2008 10:12:00]係呀!!食得安心........
睇見都想食呀!
回覆刪除你呢排好似多左做麵包,少左做蛋糕呵。
[版主回覆02/23/2008 10:17:00]係呀!!凍凍地唔想整咁多嘢,又要洗咁多嘢....
不過都無忘蛋糕架.....
好特別...好美味呀
回覆刪除[版主回覆02/23/2008 10:17:00]哈........係呀!!!
好軟綿綿又好多料! 正呀
回覆刪除[版主回覆02/23/2008 10:18:00]哈!!!係呀!!!好正呀!!
好遲利呀............!!
回覆刪除[版主回覆02/23/2008 10:18:00]哈.......唔係呀!!!