變型粟米包@17小時

子曦有日突然同我講：｢媽媽我而家想食粟米包呀！｣

媽：｢而家？｣

曦：｢係呀！｣

媽：｢咁好啦！媽媽今天預備，明天就有得食啦！｣

曦：｢好呀！｣

第二日，我忙到記不起已做了17小時中種。

子曦又同我講：｢我今日重未食粟米包喎？｣

媽：｢係喎！媽媽昨日無整到呀！忘記咗添呀！｣

子曦即時大哭：｢我未食粟米包呀！……｣

媽：｢好啦！好啦！明天整好，接你放學時帶給你啦！好嗎？｣

曦：｢好啦！好啦！｣即刻笑翻。

所以放假都要預備這款粟米包，因為子曦食過後諗諗不忘，加上小四割愛讓給我的兩個迷你吐司，必定要嘗試呀！但可惜無留意，沒有掃油，雖然頂角，但吐司吐不出，要用刀界，出來的效果當然未如理想啦！

半個分量，亦可以做到一個正方型的吐司、2個迷你吐司及一個細圓的粟米包；迷你吐司用50g麵糊亦可以了，但今次選用粟米包效果不太理想，因為太軟熟了，下次選白吐司可能更好。
白色牛牛是子曦爸與子曦一齊整的輕泥膠出品，都好可愛呀！

子曦見到這款正方型的迷你吐司很開心，立即搶住食，最後都食晒呀！

這天假期的午餐就是粟米包配黑胡椒火腿、新鮮蕃茄，一杯香濃的抺茶奶茶，滿足。