第二次『團購』聚會@Little four

多謝上次little four(小四的)『團購』，再次在網上訂了美麗的包裝袋，

再次返貨啦！

但今次我只來參與美食及與她們相聚，亦認識了两位新blogger。

今次認購的分別有Joyce；Agnes；蔚南；及王木木。

 

我們選擇同一地點，同一餐廳的「風月堂」，食物依然好味，但甜品來得太遲，大家都等到無心機食，而且格仔餅沒有上一次的脆口，草莓山只食了一半，真係浪費了，不過實在太飽，如果可以打包，我都會拿走呀！哈……哈……又發揮媽媽本色(唔好浪費)。但今次還有8拆，甜品也買一送一添！都幾低食！

 

上次自己都好忙碌的分貨，今次望着她們，真係好好笑，

見到Joyce同蔚南分貨就興奮過數銀紙，還好細心的每個數，

哈……哈……大家都分到心頭好啦！

 

拌手禮重好有心思，來個全家福先！

 

Little four(小四)的小貝殼蛋糕，她好像最近愛上這個模的小蛋糕，

這款原來好好味，我都要做下呀，

包裝得好精美，無失禮物包裝團購主腦之名呀！

Joyce的花花曲奇好靚，上次食過的鳥結糖及朱古力長棍曲奇都好好味！

Agnes的朱古力鬆餅，原來一講想食，真的會願望成真的。

蔚南的曲奇，原來她不知我會出現，如果知道，必定會做多幾款食物，

哈……咁我就等下次啦！哈……哈……

王木木的禮物包，多款選舉，見到心宜的朱古力，好閃……好想做一次。

 

今次我沒有做到甜品，實在無時間，

唯有在sogo買一點拌手禮，希望她們不要介意啦！

快樂不知時日過，好快就10時有多，要散會啦！

期待下次的聚會呀！不知下次的聚會會否見到你呢？