200粒．．．的沉迷

間接因為A Piece Of Cake.Com.hk的原故，

接受了這200粒的挑戰，

過去的星期四及五，在家努力製造，什至深夜，

很像被馬卡龍包圍着一樣，七彩的馬卡龍總是令人開心，

雖然要整整2天的製作，但也感到興奮。

老公也請了一天的假期，與我一同沉迷，幫我入爐調效時間，

子曦也投入幫助包裝工作，一家人也出手幫上很大的忙。

一天足足焗了250粒，

當日只精心挑選了209粒的馬卡龍，

作為 『l’amitié fine chocolate』  名為『友誼』朱古力品牌開張的紀念品，

他們的朱古力實在很精美，

而且不太甜，入口即感受到它的香濃幼滑而不太甜，

所以今次也選用了他們的香橙朱古力及榛子朱古力作為餡料，

與馬卡龍的配搭實在很合襯，

日後有需要，也多一個選擇作為其它甜品的餡料了。

你們感受到它們的壯觀嗎？

總共完成了250粒，有11種顏色。

包裝是一種很沉悶的工作，但有子曦幫忙實在很開心，
因為他的對話，卻令沉悶的工作帶來喜樂。

媽媽說：「子曦，爸爸今晚OT，唔同我哋食飯啦！」

子曦說：「媽媽，咩叫OT呀？」

媽媽說：「因為爸爸不能在5：30放工，好多嘢未做晒，咪要留喺工司做晒先放工囉，咁就叫OT啦！明唔明白？」

子曦說：「明白。」

媽媽說：「好啦！快啲食完，我都要返屋企OT呀！」

包裝過程中與子曦的對話．．．

媽媽說：「子曦，快啲洗白白啦！好夜了，爸爸就返啦！你都要瞓啦！」

子曦說：「好多嘢做呀！做完先啦！我哋喺度high-tea呀！」

媽媽說：「吓？high-tea?」

子曦說：「哈。。。唔喺，講錯咗添，OT先啱呀！」

哈．．．哈．．．我實在笑咗好耐， high-tea這玩意令子曦實在太深刻了。 

多謝 『l’amitié fine chocolate』  贈送的禮盒朱古力，實在很美味。

專為甜品而設的交流平台

同步上載分享

「A Piece Of Cake」

~~FaceBook~~

YyCake Yy Dessert