首先多謝中菜逹人何師奶及麵包靚太瑪姬親臨我家為我做「呀四」，
不但親自為我預備好味的「肉丸意大利麵」
及超級鬆軟的「17小時合桃麵包」、「火腿芝麻包」，大家都超級欣賞，
除此之外，也不停幫忙接待、洗洗抺抺，
辛苦你們了，相信下次的聚會，不能欠缺其一了，呵……
今次小聚為大家預備小小茶點，
雖然不能令大家吃得飽，
但坐在餐桌前，互相分享、交流心得，確實難得的一天。
為了一個小小的杏仁餅而相聚，
當然大家都好用心去學習交流，
我也沒有想過，在我家可以見到最多顏色的彩虹馬卡龍，
看回相片，真的很回味，很靚的顏色、很美的馬卡龍。
YyCake Yy Dessert (New)
Hello...我係下晝班baby yellow macaron仔仔o既主人呀!!!
回覆刪除BTW, thanks for your arrangement YY!!! 當日玩得好開心, 食得又開心呀!!!!
[版主回覆08/30/2010 17:27:00]哈..你個baby真係好可愛,下次要帶佢來玩呀!!!
不用客氣,最重要係大家開心.
睇見都流晒口水 !!!!!
回覆刪除[版主回覆08/30/2010 17:28:00]個個都係滿分.
真係好開心既聚會,,,好回味, 當然包括美食啦. 雖然我笨拙,未能做出滿意既成品, 但我真的好享受喔,,,
回覆刪除多謝 yy, 瑪姬,何師奶 (排名不分先後)
[版主回覆08/30/2010 17:29:00]哈..一睇漏眼,你同fian個個都變晒怪怪......
要多d練習先得架.
嘩~茶點都咁豐富~下次我都想嚟玩呀!
回覆刪除[版主回覆08/30/2010 17:28:00]得少少咋,話晒都係茶點....哈..
我都好開心呀，老師下次教我地整乜?
回覆刪除[版主回覆08/30/2010 17:29:00]不用客氣...未諗.
雖然單看枱上的食物不是太多, 但看來每樣食物都很精緻,好吸引喎!
回覆刪除[版主回覆08/30/2010 17:38:00]多謝你...
細細份啱晒大家口型.
我係hello kitty 圍裙o個個呀~
回覆刪除thanks for all the afford from you, 瑪姬,何師奶! the food was great~ we enjoy the class very much!!
我今個禮拜會努力做功課!!!
好開心呀!
回覆刪除[版主回覆08/31/2010 11:22:00]好開心終於見到你...哈..你滿載而歸.
YY, 非常多謝你的賜教! 看著馬克龍快高長大真係一件超級開心的事~
回覆刪除[版主回覆08/31/2010 11:22:00]不用客氣,見到你好專心學習,又見到你的功課,好感動,好安慰呢...
哈哈哈~多謝掌門人比我呢個貪玩鬼做呀四啊~ 我同呀瑪姬靚太响廚房笑得好開心呢~ 多謝您賜給我們一個咁多笑料嘅廚房啊~ Wakakakaaaaaa ~ 哈哈哈~不能欠缺其一，但可欠缺其二啊~~ 下次要你自己執生喇老友~ Wakakakaaaaaa
回覆刪除[版主回覆08/31/2010 11:21:00]廚房格言???你同瑪姬???好想知你地講咩喎!!
個日我連自己個廚房都入唔到,證明你係屬於廚房啦!!!重有好多嘢要你洗架,個日都洗得唔夠喉咁喎....
愛玩的你,唔會因為唔想玩而唔來架.
911及918約定你地啦!!!哈....
我係上午班嘅baby blue macaron呀! 嗰日真係玩得好開呀， 學到整靚靚嘅macaron ， 又食到幾位超級大廚嘅美食! 多謝哂YY， Maggie同何師奶帶俾我哋一個愉快又美味嘅週末 。
回覆刪除[版主回覆08/31/2010 11:23:00]哈..你個baby blue 好正...同我本書一無一樣...
不用客氣,歡迎你再次來玩呀!!
真係好靚呀!羨慕-ing
回覆刪除[版主回覆08/31/2010 11:23:00]下次預你...ok.
wow wow!!! macaron Ｄ色超靚...大細又一樣！很美！
回覆刪除yy你真係好叻...
[版主回覆08/31/2010 11:24:00]係...好多色好鍾意....
我都想人人做到,已經將所有學的,教晒佢地啦!!!
真係好c靚呀~~~ 仲有咁多美食, 當日大家一定好開心~
回覆刪除想問, 點kept 到個色呢!? 要用鍚紙蓋面?
[版主回覆08/31/2010 11:25:00]相信佢地都好開心...
keep到個色???
就咁爐咋,無用鍚紙.
好靚啊!可惜我無份玩啊!
回覆刪除[版主回覆08/31/2010 11:25:00]一定有機會架...
好靚啊!可惜我無份呢!
回覆刪除[版主回覆08/31/2010 11:25:00]下次預你,ok.
剩係茶點都流哂口水，可惜兩次我都唔啱時間!!
回覆刪除[版主回覆08/31/2010 11:25:00]哈..唔緊要啦!!10月相信都會有.
哈哈!!成地 口水啦>v<
回覆刪除[版主回覆08/31/2010 11:25:00]記住拖地喎!!!
我都很其待18-9那天, 謝謝!
回覆刪除[版主回覆08/31/2010 11:26:00]期待...我都好期待.
早晨呀 ~真係令人羡慕呢!
回覆刪除[版主回覆08/31/2010 11:50:00]哈..有機會你都來參加.
哈哈哈~傻豬，我係一個貪新鮮嘅貪玩鬼，呵呵呵~當然玩過就了啊~ Wakakakaaaaaa ~ 瑪姬~下次要你一人撐半邊天囉~ Wakakakaaaaaa ~
回覆刪除[版主回覆08/31/2010 12:15:00]老友原來就係咁,唔係幫到底架,終於明白晒,終於清楚你的為人啦!!!!
哈哈哈~我唔可以為咗老友，而放棄我嘅老闆嘛 ，傻豬 ~ 開學喇~ 我仲邊有咁 free 吖~ 仲有就係，至得人驚你咁鬼受歡迎，ｄ班一定開唔停，再咁落去，我好似跌咗落個黑洞咁呢~ Wakakakaaaaaa ~ 呀~係噃~不如喺樹呼籲吓 828 上午班同下午班嘅同學仔，邊個想做呀掌門人嘅老友，就唔好錯失呢個大好機會喇~ 而家 911 & 918 欠咗兩名學徒，已經喺 828 學識咗馬卡龍嘅朋友仔，可以幫手啊~ 快ｄ報名啦~
回覆刪除[版主回覆08/31/2010 12:28:00]哈...你老闆唔係我咩???哈...
你都知開學呢???細囡d功課都重未做晒,你做人媽媽都玩到過晒火啦!!!呵...呵.....
e...都好提意....諗諗咗個方案......先...哈...但要好似你咁,煮野好食先得喎!!第一次咁好,我怕第二次第三次無咁好,爛尾收場就唔好啦!!!呵....
D馬卡龍真係超級靚呀!
回覆刪除[版主回覆08/31/2010 13:04:00]多謝你,做得多就會知道點先做得好.
哈哈哈~我只是一條小小的圏圏蔥花，只能作點綴作用，主腳係你啊~ Kelly 功課已經完成~ Ruby 功課接近完成階段啊~
回覆刪除[版主回覆08/31/2010 12:55:00]哈....講起蔥花,你又係最愛蔥花,你願意成為主角的一顆蔥花嗎?
明天開學囉喎!!你下午重要外出,邊夠時間呀!!唔通你叫佢地帶齊所有功課等你做面??
點解唔影埋個蝦沙律嘅,我聽何師奶勁讚d蝦好爽好鮮甜,攪到我好想試!
回覆刪除[版主回覆08/31/2010 13:05:00]係囉,忘記咗....
d蝦真係好爽又有蝦味,貴少少都值得架...
你d馬卡龍真係同出面賣好貴的冇分別........好靚啊!
回覆刪除[版主回覆08/31/2010 13:05:00]哈..好多謝你,整得多知道點整就會整到啦!!
我可以做幫手喎!除了馬卡龍有待進步外，樣樣得
回覆刪除[版主回覆08/31/2010 13:06:00]多謝你先,但要好好安排.
係呀~ 如果淺色, 焗焗吓個邊有少少啡啡地色! 我見你果D 都冇!
回覆刪除[版主回覆08/31/2010 13:15:00]有時都會有,但只要個爐溫平均就做到啦!!!
我今日又整馬卡龍，一定要成功
回覆刪除[版主回覆08/31/2010 13:36:00]加油.
>"< 睇見大家咁開心, 真係好想參加埋一份丫~
回覆刪除[版主回覆08/31/2010 13:50:00]哈..歡迎你架.
唔洗食得太飽，傾吓講吓笑吓都飽。
回覆刪除[版主回覆08/31/2010 13:49:00]哈..係,都係茶點咋,唔係開飯,有時相聚除了食物,交流都好滿足.
多謝你先, 下次一定要快快留位~
回覆刪除[版主回覆08/31/2010 14:04:00]要快手架.
請問你D餡係邊度搵食譜架?
回覆刪除[版主回覆08/31/2010 14:03:00]我本書有啦!!!
好開心呀你地.. 又可以相聚於一齊整野食..個個都係高手..勁呀, 好多美食
回覆刪除[版主回覆08/31/2010 14:46:00]哈..一齊玩係好開心架.
請問仲會唔會開班呢?好想跟你學做杏仁餅..... :o)
回覆刪除[版主回覆08/31/2010 14:46:00]係小聚咋....
到時留意,應該10月囉.
我會買好材料同用具試下開工整架喇!!希望成功啦!!!
回覆刪除[版主回覆08/31/2010 16:07:00]加油呀!!!等你交功課...茶實,你係邊個??哈..
強呀! 妳嘅馬其龍整得好靚呀!
回覆刪除[版主回覆08/31/2010 16:08:00]多謝你,多練習多做就得架啦!!
下次要早d報名先
回覆刪除[版主回覆09/08/2010 12:13:00]歡迎你.
wah~~~~~~~~~ 大家真的好有心思啊~~~ 而且, 做出來的馬卡龍真的好美好可愛 顏色併在一起, 就像彩虹一樣呢~ yy是個很好的老師 >U< 小雞也好想學, 不過, 我會把您氣死的...(我太論盡了...=P 小聚那麼美好, 不過yy也要休息一下, 不要太累啊~
回覆刪除[版主回覆09/08/2010 12:13:00]哈..小雞,你實在過獎,我都係將所學的,教晒出來,也想人人做到咋....
你...你都好有耐性.
多謝你.
唔知馬卡龍係咩味道架呢........好想試下
回覆刪除[版主回覆09/08/2010 12:12:00]當你食過一粒,你會話好甜,當你食第二粒,就食到甜中帶杏仁味...最後食多幾粒,你就愛上佢的口感..
我已準備好再整啦，唔明再問你呀 ...
回覆刪除[版主回覆09/08/2010 12:09:00]好...有功課交未???
利害利害…我喺雜誌見到妳呀～～！！妳而家做咗神人呢～～
回覆刪除[版主回覆09/08/2010 12:09:00]哈...你好,好耐無見你啦!!你好嗎???
神人???唔好咁講啦!!!
利害, 我都好想參加呢, 哈哈! 我返來LA, 生完BB岩岩2個月了....HEHE
回覆刪除[版主回覆09/08/2010 12:08:00]你BB好可愛....
10月會再開,你留意下.
我係send e 貓問你野嗰個呀, 做左功課, 但比我想像中難, 失敗過多次, 只成功過一次咋...
回覆刪除http://hk.myblog.yahoo.com/jw!NnkFi.uQAyiobzqVFULljYlokaI-/article?mid=69
[版主回覆09/17/2010 09:57:00]見到了,很好呀!!!初初做,係會有失敗架,做得多,同個爐合拍d,就會次次都做到啦!!!