暑假房間大搬遷

話說講到澳門回來第二天(07/8)，沒有接回子曦，因為這天有大製作，就是要搬房間，子曦開始要學習自己一個人瞓啦！

講起子曦，他大約1歲多就不肯自己一個人瞓，可能食人奶的關係，習慣了我在身邊瞓著，子曦越大，子曦爸都無地方瞓，所以就瞓了大哥間房，子曦張BB小童牀可以講1歲後是沒有瞓過的，哈……就來2年啦！今天，要行動。

未行動之前，我們已經一早同子曦講，幫他整張新牀，好靚架，第時你可以一個人瞓啦！好嗎？好呀！就係咁，所以先會成事，一家人有商有量嗎。

大哥搬了出去已有一段時間，但房間都無咩搬過，等了又等，不敢動他的東西，但最近大哥話要結婚，哈……順理成章就可以整理下間屋啦！

在搬之前，子曦爸已經開始整理大哥的書，他的書多到不得了，真係成座一樣，這裡放一些，書櫃有放一些，處處都有，搬晒出來先知有咁多。

病好後第二天開始勞動日，由早上9時許，食了少量早餐就開工，一路搬、一路吸塵、一路掃、一路抺，嘩……啲塵原來在一些平時吸塵器不到的地方，有成1CM高，真係驚人，只是6年時間，已經有這樣的成績，如果十年、廿年、三年會係點呢？

由大哥間房開始搬，收拾雜物，搬出客廳，再搬子曦間房，又係將所有東西搬離，令到間房無雜物，再搬大哥間房的大人牀，尺寸剛剛好，度身訂造都無咁合身。

整好張牀又要將所以東西收拾好，真的不容易，終於在晚上7時完工，食過飯後還到樂富吉之島買一個牀邊圍攔，以防子曦瞓時跌落地呀！再回奶奶家接回子曦。

 

子曦回到家中，見到自己間房與以前不同，還見到高飛响張牀上，十分開心，還扮瞓，勝利手勢，看他幾得意忘形，看看你今晚一個人點瞓，哈……

不出我所料，新房間一定唔會三日自己瞓，這晚就要我們培，而且瞓到半夜又醒了重大叫媽媽，足足半小時都瞓唔著，如事者，到而家已經好了很多，但都係半夜起身找我們呀！唔知幾時先會習慣呢？子曦……

 

早前子曦在我們張牀玩時不小心成個頭撞在衣櫃的玻璃門上裂了，而家要修補下先得，有計，買一張膠紙成個貼上去，無事，但好似蓋不到個裂紋喎！(~~重溫舊事入來看~~)